Andris Lleskai, Tiranë
Poezi
Papa nga Përtej-Jeta i përgjigjet Poetit
___
Para disa ditësh vajta të flisja me Papën,
në bllokun e homazheve
më thanë faqen e parë ta lija bosh,
ndarja nga jeta s’kishte mbushur as javën,
e unë mbushja vargje strofë mbi strofë.
*
Për mbi 30 minuta 3 faqe poezi mbusha,
12 zanore secili varg,
në bllokun tjetër ngjitur meje
vinin e iknin njëri pas tjetrit,
unë duke shtyrë kohën nga pak, nga pak,
në shqip praktikoja
matematikën e Dante Aligerit.
*
Por Papa s’ma foli asnjë fjalë…
Mbase do i kishte mbetur në mendje ndonjë varg
se pas 2 ditësh
dikush në “Poezitë e Shpirtit”
më bëri “tag”.
*
Fjalët e atij 3-faqëshit të bllokut faqebardhë,
Librit të Ngushëllimeve për Papën në ikje
në “Nunciturën Apostolike”*
ku nënshkroi Presidenti, e me radhë,
ngjitur fotos së Papa Ratzinger
në Dhomën e Pritjes perdekuqe,
i mora, fotokopjova,
e u nisa për “Kongres” në Lushnje.
*
Atje nga “Altari i POEZISË”
më vlerësuan “Fitues i Çmimit Special”,
mënyrë tjetër si ta marr s’do kishte
veçse si të Papës përgjigje.
0123
Nunciturën Apostolike* – Ambasada e Vatikanit (në Tiranë).
Urime poeti Andris! Suksese ne krijimtarine tuaj qe jep mesazhe te rendesishme per te ardhmen.Analize e se shkuarës me nje vizion per te evoluuar(évolution)