Nga: Gëzim Muçolli, Prishtinë
___
Sot në Ministrinë e Punëve të Jashtme dhe të Diasporës së Republikës së Kosovës në Prishtinë, zhvilluam një takim pune me këshilltarin z.Atdhe Prelvukaj.
Projektet e veprimtarisë së mërgatës shqiptare në Itali janë dëshmuar se janë impenjative dhe plot substancë të ngritura në nivel të lartë kreativiteti.
Shpeshherë dizenji dhe konstrukti projektues i projekteve punuese e të veprimtarisë patriotike me nivele shumështresore duket sikur janë edhe të paarritshme dhe të pazbërthyeshme për logjikën e konkurseve me antarë “komisionesh të pavarura” e të paeksperiencë për të kuptuar seriozitetin e përfaqësimit, lobimit, njohjes, diferencimit kualitativ dhe arritjes së interaktivitetit ndërkulturor të kulturës sonë dhe asaj italiane.
Pas njohjes me disa projekte kapitale të nisura nga veprimtarët dhe nga shoqata kulturore e patriotike sidomos në Padova dhe Treviso, të cilat kërkojnë edhe përkrahje nga ana e Ministrisë, u ra dakord që të ridisenjohet plani i bashkëpunimit me qëllim të futjes se tyre në listën e projekteve strategjike të MPJD dhe të financimit adeguat.
Duke falenderuar me respekt të deleguarin në detyrë nga ana e eprorëve përgjegjegjës të Ministrisë, z. Prelvukaj për vullnetin e tij dhe dëshirën për bashkëpunim, u ndamë me shpresë se në takime të ardhshme formati i bisedimeve dhe niveli i përfaqësuesve të ministrisë nuk do të jetë nën gradën e denjë të përfaqësimit dhe përgjegjësisë as para shfajësimit me agjenda të stërngarkuara pune.
