Gjergj Fishta
___
Për gazetarët
___
Per me shkrue zotni n’gazeta
Duhet shkruesi t’jetë ma parë
Njeri i ndershem e atdhetar,
T’jetë fisnik, zemer-bujar,
Jo intrigant e ngatrrestar
Edhe kenë mos t’ket hafije
Mandej duhet që t’kete dije,
Dije t’hàpt n’ekonomi,
N’histori e në tregti,
N’politikë e në drejtsi;
Edhe t’dije shk’asht shkolla e msimi
Shk’ asht lirija e qytetnimi,
T’jetë shqiptar në shkrim e n’gojë,
Fjala n’pendë mos t’i ngurrojë:
Mbarë e mbarë puntë t’i kallzojë
Me t’ngushtue me kndue perdhuni
Shka nder shtylla ai rresht vuni,
Tashti, pra nji sallahan,
Vagabond e shakllaban,
Njeri idiote e laraman,
Që mendon se per taman
Të tanë botë rri n’ “sahan”,
Çka mund t’shkruej, po t’pyes une ty
Ky qi as byk nuk ka në krye,
Jo ma tru?…
