Në këtë rast nuk po shkruaj këtë koment për ta mbrojtur familjen Pacolli, por po reagoj për ta mbrojtur punën dhe angazhimet e mia rreth katër dekada për zbulimin e trashëgimisë tonë kulturore në këto fshatra , duke e përfshirë edhe fshatin Marec
1. Olsi Jazegji, paska botuar një shkrim kinse për shqiptarizimin e fiseve serbe të veriut të Shqipërisë, duke u thirrur në shënimet e konsullit italian Antonio Baldaci, duke pohuar se P. Osmane e ka ndihmuar procesin e shqiptarizimit. Në rastin konkret Jazegji duke e etiketuar Selim Pacollin, familjen e tijë, banorët e trevës por edhe tërë popullatën dardane të veriut. Jazegji vërehet se nuk ka njohuri shkencore, nuk ka kulturë, dije dhe ndjenja njerëzore kur shkruan për një trevë të pastër dardane. Si studiues i lashtësisë së popullatës së këtyre trevave dhe punës time për katër dekada duke gjurmuar literaturë, gjurmë të qytetërimit në terren i njoh mirë trevat veriore të Dardanisë, por edhe fshatin Marec- vendlindja e Selim Pacollit, që padyshim se janë popullatë autoktone dardane, që nga lashtësia në pjesën qëndrore të Mbretërisë së Dardanisë.
2. Olsi Jazegji, pa kurrfarë të drejte, familjen Pacolli e etiketon në aspektin antropologjik, duke bërë krahasime në pamje, cenon rëndë dinjitetin familjar, gjenetik dhe racor, duke dhënë hipoteza fyese që e fyen tërë popullatën dardane kur shkruan se: Nëse do u bënim ADN ata do dilnin me 90% sllave, bullgare apo tatare. Unë kisha me e pyetur Olsin, si ke fytyrë të bëni pyetje të tilla, a ke hulumtuar për testet gjenetike të kësaj treve dhe rezultateve të deritanishme. Olsi më duhet të ju njoftoj se unë jam njëri nga banorët e kësaj zone, që e kam bërë testin gjenetik, dhe rezultatet e testit tim dëshmojnë për një popullatë autoktone dardane që nga koha e gurit, pa asnjë linjë gjenetike nga lindja qoftë ajo turke, tatare apo sllave. Me rezultate të njëjta kanë dalë edhe banorë të fshatit Marec, andaj duhet të ndihesh i turpëruar për fryrjet e juaja që i bëni një familje shqiptare, që për mijëra vite ruajti gjuhën, kulturën dhe traditën. Familja Pacolli që është vëllazëri e familjes Makolli dhe familjeve tjera autoktone, duhet të ndihen krenar që si familje autoktone dardane e ruajtën gjuhen dhe kulturën e lashtë iliro-arbërore- shqiptare.
Olsi të paktën ju por edhe çdo studiues shqiptar para se të fyeni e shkruani kështu duhet të keni njohuri bazë për një trevë, dhe duhet të keni kulturë qytetare të mos i fyeni banoret e saj. Të njoftoj se Malësia e Galabit, që përfshinë malet që nga fusha e Leskocit, Nishit, Prokuples e Kushumlisë e deri te fusha e Kosovës është treva më e pasur dardane me qytetërimin me të zhvilluar dhe me popullatën që etnikisht doli të jete e banuar vetëm me shqiptar deri ne vitin 1877-78. Qyteti i Artanës, ngjitur me lagjen Pacolli ishte qendra më e zhvilluar xehetarë në mesjetë, që në shekullin 14 e 15 del si komunë katolike. Në këtë qytet zhvillohej arti e kultura andaj nga shkollat e Artanës dolën humanist mesjetar që lanë emër në bregdet si Valeriaan Novoberdasi, Gjon Ivaji, Gjon Injazi, Martin Segoni, Knstantin Mihajli, Gjergj Pelini etj. Ne kete malesi dikur veproi Pjeter Budi, me vone Pjeter Bogdani, ketu lindi edhe Gjecovi, a se ke ditur para se te fyani!
Për ju që jeni shkolluar në shkolla speciale për të mohuar çdo gjë shqiptare në këto treva, duhet të ju rikujtojmë se Martin segoni dhe Konstantin Mihajli , ishin dy autorët e parë që lanë vepra të shkruara për heroin tonë Gjergj Kastriotin. Gjergj Pelini po nga Artana ishte diplomati më besnik që e përcolli deri në vdekje heroin tonë, andaj duhet ta mësoni se kemi të bëjmë me një zonë malore më qytetrim shumë të zhvilluar në mes të Justiniana Primës dhe Justiniana Secondës.
3. Shkruani se Selim Pacolli vjen nga një familje e fuqizuar, me shumë probabilitet serbe boshnjake të islamizuar! Kush ta jep këtë të drejtë të fyeni kaq rëndë një familje shqiptare si njeri që nuk ke asnjë hulumtim të kësaj treve. Kush ju ka mësuar se toponimi i fshatit Marec është toponim serb. Ju e përmendeni lagjen Mudri Potok, kush është ai që ju gënjeu, ju porositi që të shprehi këtu naivitetin e juaj shkencor por edhe njerëzor. Të njoftoj se toponimet në fshatin Marec dhe fshatrat tjera për rreth, janë në gjuhën shqipe dhe janë ruajtur shumë më mirë se sa në trevat tjera shqiptare duke e përfshirë edhe Shqipërinë e Jugut dhe Veriut. Edhe përkundër shumë projekteve për sllavizimin e toponimeve që i bënë studiuesit sllav si Milas S, Milojevic, Todor Stankovic e shume të tjerë, popullata diti ti ruaj toponimet e lashta në gjuhën shqipe. Po të njoftoj se popullata shqiptare e Marecit me rrethinë edhe sot e quan Proi i ZI, por edhe Proi i Teodorës!
Shihet qartë se ju keni rënë në lajthitje nga ndonjë qytetar i pa kulturuar që e njeh familjen Pacolli, fshatin Marec dhe ju ka furnizuar me gënjeshtra të llojit spiuni furnizon me informata të ulëta spiunin tjetër. Turp të keni që silleni kështu dhe nuk lëni njeri as familje të qetë. Si njohës i mirë i trevës dhe duke u bazuar në hulumtimet e mia ju njoftoi se popullata e Marecit dhe fshatrave për rreth, nuk ju nënshtruan kurrë P. Osmane edhe pas pushtimit të Artanës. Kjo popullatë që jetoi me mijëra vite rrëth Artanës, edhe gjatë pushtimit osman e ruajti me fanatizëm besimin e krishterë të ritit latin dhe ortodoks deri në mesin e shekullit XIX, kur këto treva u nënshtruan nga ekspeditat ushtarake për ti zbatuar reformat e Tanzimatit nga Omer Pash Latasi, një sllavo folës nga Ogulini i Kroacisë. Pas ndërhyrjes ushtarake dhe marrjen e qytetit të Prishtinës në vitin 1844, popullata e kësaj malësie që ishte në kryengritje u detyrua me dhunë të pranoi fenë islame. Një numër i familjeve shqiptare që e ruajtën fenë e krishterë më vonë u serbizuan, pra është e kundërta e asaj çka shkruan ti. Nga fshati Marec është familja Qylku që sot jetojnë të serbizuar afër Artanës ndërsa një degëzim i kësaj familje është muslimanizuar dhe jeton në fshatin Krilevë. Këto familje shqiptare më parë jetonin në Gjytetin e Marecit në Kodrën e Qylkut. Kuptoje se sllavet nuk e kanë germën Y, dhe këta banorët e serbizuar e kanë dëshmuar përkatësinë e tyre etnike shqiptare. Nga fshati Marec një familje e krishterë që u vendosë në Vaganesh e tjetra në Meshinë u serbizuan . Po ti jap disa nga toponimet rreth Gjytetit të Matrecit: Rapuha, varret e ilirve, Vorret e Gjytetit, Kodra Lutesh ( vend i lutjeve) nga administrata serbe e shënuar Litec, selishta, Trojet e Rimit, Rranima, Guri i Bletës, Quka e Qelnasit, Gradishta, Bula, Bala, Bara. Maka, Kaqot, Qarri, etj, se di çka sheh sllave ti këtu.
Olsi Jazegji dhe ju studiues tjerë të këtij niveli, para se të fyeni qytetar e familje, dhe mundoheni të tregoheni se jeni studiues të çështjes shqiptare, ju kisha lutur ta kuptoni se jeni duke i shërbyer ndonjë klani anti shqiptar, që kanë për qëllim shkatërrimin e kombit shqiptar, andaj kuptoni, se ju nuk jeni kurrfarë studiuesi por vetëm një shërbëtor i shitur dhe marrë!
Ja testet gjenetike te popullates se Marecit! Kreten mesoje serbet nuk kane fise!
