Kujt po i shërben Kryemyftiu i Kosovës!?

Kryemyftiu i Bashkësisë Islame të Kosovës, z. Naim Tërnava, paska qenë mikëpritës i Shaqir Fetait, instaluesit të dhunshëm në krye të BFI-së nga pushteti aktual maqedonas!

Naim Tërnava e ka përshëndetur këtë gjest ofendues për shqiptarët, të qeverisë aktuale maqedonase, e cila, ka pranuar urdhëra nga UDB-ja serbe për ta ndihmuar dhe ngritur në karrierë Shaqir Fetain; e ka përshëndetur, i ka uruar shëndet e suksese dhe e ka pritur si “vëllai vëllanë”!

Naim Tërnava këtë hap e bën ose për inat të të madhit Nexhat Ibrahimi, të cilin e ka përndjekur Shaqir Fetai si student në Sarajevë (1983) me urdhër policore serbe, ose këtë vepër e përsëritë, sepse një Zot e di se kush mund ta porosisë në “pritje vëllazërore”! Se çka mund të bashkëpunojë njeriu me një udbash siç është Shaqir Fetai, këtë mund ta dijnë vetëm soji i tij!

Naim Tërnava e ka dëmtuar BFI-në mjaft shumë duke u turrur në përkrahjen e politikave të cilat as që kanë qenë në interes të myslimanëve të Maqedonisë së Veriut, as në interes të islamit dhe aq më pak në interes të shqiptarëve të këtij vendi. Naim Tërnava tashmë duhet ta njhohë se kush ka qenë dhe kush është Shaqir Fetai! Të paktën duhet të ketë qenë i njohtuar me dokumentin e publikuar nga dosjet e UDB-së, të cilën nuk mund ta mohojë as Shaqir Fetai dhe as Naim Tërnava. Apo, mbase Naim Tërnava mund ta ketë pyetur UDB-në serbe për vërtetësinë e dokumentit dhe, pasi e ka marrur përgjigjen, ka vendosur që t’ia miklojë shpinën Shaqir Fetaiit!

Shaqir Fetai sa herë që i ka punët pisk në Maqedoninë e Veriut, prehjen shpirtërore e gjenë te Naim Tërnava! Është në vete ky farë kryemyftiu apo – të gjithë këta janë të një linje serike!

Në Maqedoninë e Veriut lustrimi i figurave publike lakuriqëesoi shumë “patriotë”, e “fetarë”! Hajt se, këtij procesi nuk do të mund t’i shpëtojë as Kosova. Udbashët nuk mund të bëjnë historinë e shoqërisë. Ata janë llumi i përmutur i shoqërisë. Është vetëm çështje kohe kur do të dalin si ai sendi mbi sipërfaqen e ujit!