Sot është Dita e Dëshmorëve në Kosovë një ditë e cila buron nga rënia e Komandantit legjendar Adem Jashari dhe familjes së tij në luftën për Liri.
Prandaj, kjo ditë ka një rëndësi të jashtëzakonshme, ku ashtu si feniksi, popoulli ynë në krye me UÇK-në, u ngritëm nga zjarri e hiri për të vazhduar atë që nisi Komandanti.
Llogaritjet e Serbisë dolën krejtësisht të gabuara, pasi ata menduan se duke zhdukur fizikisht nga kjo botë Komandantin Adem Jashari dhe familjen e tij, shqiptarët do të nënshtroheshin të gjithë dhe më s’do të çonin krye.
Porse, siç e kam shkruar edhe kohë më parë (tek Propozimi për aeroport…), rënia e Komandantit Adem Jashari, u shndërrua në klithmën më të madhe të shqiponjës që kishte përjetuar historia e këtij populli, duke mos pasë fuqi më që të ndalte rritjen e asaj që kishte krijuar Komandanti – Ushtrinë Çlirimtare të Kosovës. Ajo rritje e shpejtë e jashtëzakonshme me vullnetarët anembanë, siç kam thënë, u pa se e gjeti edhe të papërgatitur edhe vetë atë strukturë fillestare të UÇK-së (në të ardhmen e afërt do të shkruaj dhe flas edhe për përjetimet e mia të asaj kohe).
Prandaj, kur kujtojmë ditët e Epopesë së UÇK-së, kur kujtojmë 5-6-7 Marsin, dhe në veçanti kur kujtojmë “6 – MARS”-in, ne kujtojmë jo vetëm rënien e një trimi dhe familjes së tij, por kujtojmë edhe RILINDJEN, kujtojmë edhe RINGJALLJEN E POPULLIT TONË për t’mos u ndalur me asnjë çmim për të vazhduar luftën tonë për çlirim, luftën për Liri.
Kësisoi, pos 6-MARS-it, në historinë tonë kombëtare shqiptare, jo vetëm në Kosovë, nuk ka datë tjetër më të fuqishme dhe më frymëzuese për të kujtuar të gjithë Dëshmorët e rënë për breza me rradhë për Liri dhe Pavarësi Kombëtare.
Dhe çdo tendencë për ta hequr këtë ditë, duke zëvendësuar me 5majin e komunistit, është tradhëti ndaj historisë dhe brezave që vijnë, siç e kam bërë reagimin tim vitin e kaluar me video në Prekaz (11.05.2025) kundër kësaj tendence anti-kombëtare!
Personalisht do të vazhdoj me gjithë forcën time të logoja fuqishëm që 6 – MARSI i ADEM JASHARIT, të ZYRTARIZOHET SI DITA E DËSHMORËVE NË KOSOVË, e pse jo, të jetë DITA E DËSHMORËVE EDHE NË RANG KOMBËTAR, pasi 6 MARSI I RINGJALLJES përherë do të jetë frymëzimi për t’mos u dorëzuar kurrë, frymëzimi që kemi marrë ne dje, frymëzimi që marrim sot dhe frymëzimi që do të marrin nesër, sa herë të lindë nevoja me i dalë zot vendit e popullit tonë!
LAVDI KOMANDANTIT ADEM JASHARI!
LAVDI GJITHË DËSHMORËVE TË RËNË PËR BREZA ME RRADHË PËR LIRI DHE PAVARËAI KOMBËTARE!
