“Europa është kurvë!”
Po ne, o burrë i dheut, a jemi besnikë?!
Që nga shndërrimi i monoteizmit të krishterë dhe mysliman në fe zyrtare, ka nisur përndjekja e atyre me “fe të gabuar” dhe kjo vazhdon ende sot.
Ashtu si individi, edhe shteti ndjek interesat e veta.
Përfaqësuesit e feve monoteiste kanë ndikuar në krijimin e grupeve, fronteve, dhe kanë ushqyer paragjykime e urrejtje. Të ndërsjella. Dhe kjo ndodh akoma.
Ata kanë ndikuar në dehumanizimin e besimtarëve të feve të tjera. Pa dehumanizim, nuk do të mund të arsyetohej vrasja.
Një militant i VV-së nuk e do më shumë një militant të PDK-së apo i PS-së një të PD-së, sesa të vetin. Besimi krijon grupe, fansa; ndodh edhe në sport. Edhe shokët funksionojnë si grup i vogël interesi.
Në Lindjen e Largët, Shintoizmi, Budizmi, Lao Ce dhe Konfucianizmi nuk kanë prodhuar aq urrejtje sa pjesëtarët e dy feve monoteiste në botë. As politeizmi i Indisë.
Kur themi “Europa është kurvë”, e bëjmë duke besuar se po tregojmë epërsi morale. E themi për të përkundur dhe përkëdhelur veten. Por ne mund të ndryshojmë vetëm veten, kurrë kontinentin.
Fajësimi i vazhdueshëm i të tjerëve na shndërron në viktima, por nuk na bën më të mirë. Përkundrazi, na pengon për të parë dhe korrigjuar të metat tona.
Ajo që po ndodh në Gazë tregon qartë ndarjen dhe grupimet fetare…
Madje shihet edhe një lëvizje pozitive: 25 shtete me me popuj të kishterë, janë kundër.
Ndërkohë, 22 shtete arabe me rreth 480 milionë banorë dhe me biliarda dollarë pasuri, nuk janë në gjendje të ndikojnë në përfundimin e luftës…
Pjesëtarët e feve monoteiste ka shekuj që terrorizojnë botën!
Ata që e predikojnë urrejtjen kumdër besimeve tjera, ata arsyetojnë vrasjen e njeriut me “fe të gabuar!”
Nëse nuk është feja që ndikon në konflikte, atëherë është pasuria e tjetrit. Duhet vjedhur (interesi ekonomik) diku dikush dikë për të jetuar vetë më mirë…
Shtetet kur kanë shumë armatim janë kriminalitet “legal” i organizuar!
