Në një mesazh video të titulluar “Lëvizja e Deçanit dhe përgjigja e hz. Ibrahimit (a.s.)!”, myftiu i Shkodrës rrëfen një histori që vjen nga thellësitë e shekujve, për ti dhënë një përgjigje edhe lëvizjes që po zhvillohet në Kosovë.

Imam Sytari e konsideron “boshe” lëvizjen teksa flet edhe për “Fenë e kthyer në tregti”. Në rrjetet e tij sociale, nuk kanë munguar as komentet, një pjesë të të cilave, u ka kthyer edhe përgjigje imam Muhamed Sytari.

Sulltan Mehmet Fatihu, i tmerrshmi, gjakatari që e shkatërroj Shkodrën deri në themel, e kolonizoj, i vrau, dhunoj e dëboj shqiptarët prej Shkodrës e një varg qytetesh shqiptare, të cilat i shkretoi tërësisht; por që sot e zgjon admirimin e Myftiut të Shkodrës Muhamet Sytarit, i cili madje i kërkon falje “në emër të myslimanëve” që “nuk jemi treguar mirënjohës” ndaj veprës së tij shkatërrimtare dhe gjenocideve të shumëta të ushtruara ndaj shqiptarëve.