Afganistani ra brenda vetes.
Ky shtet dhe popull ishte interes i Rusisë dhe Shteteve të Bashkuara të Amerikës.
Me shkuarjen e amerikanëve ata nuk fitojnë lirinë sepse nocioni i lirisë nuk kupton zëvendsimin e padronit.
Tash afganët lirinë e kanë me ngjyra ruso-iraniane.
Do të kalojnë disa vite kështu deri t’ju bëhet boll. E prap bëjnë ndonjë ngatërresë regjionale ose sherr global dhe ndërrojnë padronin.
Kosova nuk duhet asnjëhere të krahasohet me Afganistanin dhe situatën e tyre nën qeverisjen e përbashkët me amerikanët!
Kosova nuk guxon të krahasohet as me shtetin europjan të panjohur nga OKB-ja, Transnistria (Repubblica Moldava di Pridnestrovie) i cili zyrtarisht nga 2 shtator 1990 e quan veten si shtet i pavarur nën tutelën e Rusisë.
3657 km katrorë me 555.500 banorë është nyje e rëndësishme e interesave të Rusisë. Banorët janë me prejardhje moldave, dijnë moldavisht por preferijnë të flasin Rusisht.
Kur e pyes kolegun tim të punës Viktorin, se çka është patriotizmi për të kur ai herë e quan veten rumun, herë moldav, e flet me kënaqësi për Putinin si shpëtimtar i Transistrisë, ai pyet: pse mos me lavdërua Putinin kur ai familjes time gasin për ngrohje dimrit ia jep falas, pastaj jep pensione me pak vite pune, tregtia e kontrabanda ( e lejuar) funksionojnë, etj.
Pra patriotizmi i robit permanent qëndron pëmbi interesat dhe korrupsionin.
Edhe do qytetarëve të Republikës tonë dikush ua paguan do faktura të shpenzimeve në emër të integrimit dhe paqes sociale.
Pa patriotizmin e paarritshëm historik.
Deri në arritjen e patriotizmit sovran historia do të vazhdon të kopjojë nivelet e shtrembëra të projekteve imagjinare të misioneve të OKB.
