Jahja Drançolli, historian
___
Skënderbeu në objektivin e historianit kosovar nga Ostrovica e Novabërdës (Artanës së sotme)!
___
Kostadin Mihali i Ostrovicës (rreth 1435-1501), historian ushtarak, është një dëshmitar i rëndësishëm i dramës së elspansioneve osmane, veçanërisht në rrethimin Novabërdë dhe rrethinat e saj. Kostadini me librin e tij kujtimesh ka krijuar një vepër unike humaniste të këtij zhanri. Sipas burimeve që disponojmë, Kostadini ka lindur në Ostrovicë të Novabërdës rreth vitit 1435 në një familje minatorësh apo tregtarësh, kështu që shkollën fillore do ta ketë kryer në vendlindje, Novabërdë. Mori pjesë me një njësi të vogël vasalësh në rrethimin e Kostandinopojës në vitin 1453 dhe më pas e ndeshim në mesin e mbrojtësve të qytetit të Novobërdës, kur qyteti bie në duart e osmanëve (1 qershor 1455). Më pas, në mesin e robërve ishte Kostadin Mihali, i cili u dërgua jeniçer dhe mori pjesë në shumë ekspedita të Sulltan Mehmetit II. Vdiq në Poloni pas vitit 1501. Midis viteve 1497 – 1501, shkruan “Kujtimet” e tij si një memorandum politik – historik, kushtuar mbretit polak Jan Olbraht dhe mbretit hungarez Vladisav II. Dorëshkrimi i veprës së tij më të famshme nuk është ruajtur në origjinal për këtë arsye pyetja se në cilën gjuhë është shkruar origjinali mbetet ende e paqartë. Një kopje (transkript) në polonisht e shekullit të 16-të është ruajtur në bibliotekën Zamojski në Varshavë. Dorëshkrimi ka 77 faqe. Janë ruajtur edhe kopje të tjera, si ato të Bibliotekës Kombëtare në Varshavë, Shën Petersburg, Pragë e të tjera. Kopja e Pragës u botua në gjuhën çeke në vitin 1565 dhe ruan titullin: “Hystorya neb. Kronyka Turecká od Michala Konstantina z Ostrowicze” (“Histori ose Kronikë Turke nga Mihal Kostadini i Ostrovicës”). Aty gjejmë raporte për inkursione osmane në Hungari, Peloponez dhe në këtë kuadër të fushatave osmane në Arbëri, ku ishte i spikatur roli i Gjergj Kastrioti-Skënderbeut përball ushtrive të Sulltan Mehmetit II. Një vend të rëndësishëm në historinë e përmendur zë rrethimi i Novabërdës në vitin 1455, si dhe pushtimi i saj pas bombardimeve të fuqishme!
z. Drançoli,
lexova shkrimin e juaj, nga i cili veçova këtë pjesë
(“Histori ose Kronikë Turke nga Mihal Kostadini i Ostrovicës”). Aty gjejmë raporte për inkursione osmane në Hungari, Peloponez dhe në këtë kuadër të fushatave osmane në Arbëri, ku ishte i spikatur roli i Gjergj Kastrioti-Skënderbeut përball ushtrive të Sulltan Mehmetit II. Një vend të rëndësishëm në historinë e përmendur zë rrethimi i Novabërdës në vitin 1455, si dhe pushtimi i saj pas bombardimeve të fuqishme!”
*
Ju vetëm theksoni se “ishte i spikatur roli i Gjergj Kastriotit.Skenderbeut”…por nuk shkruani asnjë fjalë për Skënderbeun!?
*
Gjergj Kastrioti-Skenderbeu (1405-1468), pasi u kthye nga Turqia, në Krujë më 28 nëntor 1443 ngriti Flamurin e Kastrioteve- I mblodhi Kryeprijësit e Fiseve Shqiptare e ju tha: ” Na t’i lidhim duer e gishta, e Tash t’i laom’ xhamia e kisha…”
*
Më 28 nëntor 2025 e kemi disas festa kombëtare:
1). Festën e 582 vjetorit të ngritjes se Flamurit në Krujë (28 nëntor 1443), poashtu kemi
2). festën e Ngritjes se Flamurit Kombëtar në Vlorë (28 nëntor 1912) dhe
3. Dalja publike e UÇK-ës në varrimin e mësuesit H. Geci, dhe
4. 70-të vjetorin e lindjës se Adem Jasharit (28 nëntor 1955 – 5 mars 1998)
***
Respekt,
IMH