Kreu Blog Faqe 1252

Mbreti Faruk, shqiptari që rrëzua nga froni në Egjipt më 1952 nga kolonel Naseri dhe klika e tij

Drini.us
-
0
Mbreti Faruk, shqiptari që rrëzua nga froni në Egjipt më 1952 nga kolonel Naseri dhe klika e tij
Mathieu Aref
Shqip – français
Mbreti Faruku i parë i Egjiptit rrjedhte nga një familje dhe dinasti shqiptaro-egjiptiane…ai kishte një kokë tipike shqiptari si babai i tij Fuadi i parë. Mjerisht ai u rrëzua nga froni në 1952 nga kolonel Naseri dhe klika e tij. Që nga ky revolucion, Egjipti humbi investitorët dhe komunitetin e tij të huaj të disa grupeve etnike evropiane, të çdo feje dhe ndërkombëtare. Naseri shtetëzoi gjithçka, i trembi të huajt dhe mbi të gjitha persekutoi hebrenjtë që kurrë nuk e dëmtuan Egjiptin, por kontribuan në zhvillimin ekonomik dhe modern të tij. Me Naserin Egjipti humbi karakterin perëndimore. Sa keq për një qytetërim kaq të lashtë dhe 150 vjet dinasti mbretërore me origjinë shqiptare që reformoi Egjiptin dhe e lejoi të ishte vendi më modern dhe më perëndimor në botën arabo-myslimane… Jazëk…themi në Mat !
Djali i tij Fouad i dytë jeton në Zvicër (i lindur në Egjipt në 1952 disa muaj para revolucionit). Në vitet 1960 kur vizitova Rustem Ramanin, një mik matian i familjes sime, pata rastin ta takoj princin (afërsisht 10 vjeçarë në atë kohë) në Lutry të Zvicrës (jo shumë larg Lozanës). Ky shqiptar, të cilin e kam njohur në Egjipt me djalin e tij Halitin, deri në vdekjen e tij ka ruajtuar gjithmonë sigurinë e Princit Fuad II i cili ende jeton në Zvicër.
***
Français
Le roi Farouk 1er d’Égypte issu d’une famille et une dynastie albano-égyptienne avait une tête typiquement albanaise comme son père Fouad ! Malheureusement il a été détrôné en 1952 et renversé par le colonel Nasser et sa clique. Depuis cette révolution l’Égypte a perdu ses investiteurs étrangers, la communauté de plusieurs ethnies européennes et internationales. Nasser a tout nationalisé, a fait fuir les étrangers et surtout il a persécuté les juifs qui n’ont jamais fait de mal à l’Égypte mais ont contribué à son essor économique et moderne. Avec Nasser l’Égypte a perdu son visage occidental. Quel dommage pour une si ancienne civilisation et 150 ans de dynastie royale d’origine albanaise qui a réformé l’Égypte et lui a permis d’ être le pays le plus moderne et le plus occidentalisé du monde arabo-musulman. Vraiment fâcheux !
Son fils Fouad II vit en Suisse (né en Égypte en 1952 quelques mois avant la révolution). Dans les années 60 quand j’ai rendu visite à Rustem Ramani, un matiane ami de ma famille, j’ai eu l’occasion de le rencontrer le prince (10 ans environ à cette époque) à Lutry en Suisse (non loin de Lausanne). Cet albanais, que j’ai connu en Égypte avec son fils Halit, jusqu’à sa mort a toujours veillé à la sécurité du prince Fouad II qui vit toujours en Suisse.

S’mbulohet Shqipja, poezi nga Sami S. Shatri

Drini.us
-
0
S’mbulohet Shqipja, poezi nga Sami S. Shatri

Sami S. Shatri, Prishtinë

Poezi
K’oka pa një andërr e randë
re të zeza, t’uj ardhë n’kto anë
korba t’zi, nga shkretëtira
pjellë e keçe, nga Rusia
me argat, nga shqiptaria
paskan ardhë, me direktiva
Shqipes t’bukur, me’ju vu shamia
me burkë t’zezë, me’ju mb’lu fytyra
këmbë e krye, me’i humbë hijeshia
me’u venitë, për jetë dashnia
m’u shu shpresa e dituria
me’u k’thy mbrapa, historia
m’u përhapë, n’Shqipni errësira!
Kush guxon, Shqipen ta m’bulon
krah’t e saj, t’i sakaton
syrin çark, t’ja vërbon
zemrën prush, t’ja robnon
zërin pushkë, t’ja ndalon
lirinë Dardane, t’ja kufizon
ZOT i madh, kurrë se duron!
A thu ZOTI, paska thanë
nën futë t’zezë, Kombin me lanë
bijtë e Shqipes, qon’ju n’kambë
amanet Gjergji, e’pat lanë
veshë e dokë, me’i ruajt të tanë
brez pas brezi, f’mijve me’u lanë
tirç e plis, xhubletë, marhamë!
Se kjo është, veshja e Kombit
Aleksandrit e Kastriotit
Boletinit e Mic Sokolit
Zhuj Selmanit e Bajo Topullit
Tepelenës e Adem Jasharit
dadës Shotë e Xhevë Lladrovcit
ma e bukura e gjithë globit
e bekuar nga vetë ZOTI!

Iran: Rritje e pakënaqësisë publike, ikja e trurit dhe imigrimi

Drini.us
-
0
Iran: Rritje e pakënaqësisë publike, ikja e trurit dhe imigrimi

Për të kuptuar rrënjën e padrejtësisë arsimore në Iranin e sunduar nga regjimi, ne duhet të hedhim vështrimin në politikat arsimore të regjimit pas luftës tetëvjeçare Iran-Irak në vitet 1980. Menjëherë pas përfundimit të luftës, ndërsa regjimi u përball me një deficit të madh buxhetor, ai vendosi të hapë shkolla gjysmë-qeveritare, private dhe jofitimprurëse për të kompensuar defiçitin e tij buxhetor duke plaçkitur popullin iranian.

Duke ndarë institutet arsimore, regjimi krijoi diskriminim të madh midis të pasurve, kryesisht fëmijë të zyrtarëve dhe besnikëve të regjimit, si anëtarët e Gardës Revolucionare (IRGC) dhe forcave Basij, dhe fëmijëve të zakonshëm.

Sipas studimeve të kryera në vitin 2019, Irani renditet në vendin e dytë më të madh të ikjes së trurit në botë me migrimin e afro 180,000 profesionistëve të arsimuar. Natyrisht, me përkeqësimin e të gjitha aspekteve të jetës në Iran gjatë shumë viteve të fundit dhe rritjen e pakënaqësisë publike, kjo statistikë padyshim është rritur.

Kjo pakënaqësi vërehet edhe në statistikat ekonomike. Klasa e mesme pothuajse është zhdukur dhe artikujt ushqimorë thelbësorë si mishi dhe frutat janë jashtë tryezës për miliona. Lajmet për grevat e punëtorëve dhe punonjësve që nuk janë paguar prej disa muajsh janë një fakt i përditshëm i jetës në Iran. Shkalla e papunësisë tek të rinjtë ka arritur një të tretën e popullsisë dhe tani ka një bollëk të diplomuarish universitarë që punojnë në punë krahu, si ngarje taksie. Situata është aq e keqe sa gati një e treta e popullsisë metropolitane, të cilët nuk mund të përballojnë më të paguajnë qiratë e rënda, janë përzënë në periferi të qyteteve dhe jetojnë në kushte shumë të këqija në kasolle që nuk kanë standarde minimale jetese, si uji i rrjedhshëm. , energji elektrike, banjo e duhur etj.

Sondazhe dhe statistika

Sipas hulumtimit të fundit nga agjencia e lajmeve Tasnim, e lidhur me IRGC-në, me titull: “Observatori i Migracionit iranian”, 40 deri në 53 për qind e qytetarëve të katër grupeve sociale, duke përfshirë studentë dhe të diplomuar, profesorë, studiues, mjekë, infermierë dhe biznes fillestar. sipërmarrësit, deklaruan se dëshira e tyre për të emigruar nga Irani ishte “shumë e lartë”. Në këtë sondazh morën pjesë rreth tre mijë persona dhe rezultati supozohet të japë një pasqyrë të situatës së këtyre katër grupeve në lidhje me çështjen e emigracionit.

Profesorët dhe studiuesit janë në krye të atyre që kanë shprehur një dëshirë të madhe për të emigruar nga Irani me 53%. Renditja e radhës me 45% është e rezervuar për mjekët dhe infermierët. 73% e mjekëve dhe infermierëve dhe 59% e studentëve dhe të diplomuarve pjesëmarrës në këtë anketë e konsideruan shumë të lartë rolin e ndryshimeve ekonomike dhe rritjen e mprehtë të inflacionit në gatishmërinë e tyre për të migruar.
Emigrimi i mjekëve dhe infermierëve iranianë ka arritur nivele të paprecedentë në vitet e fundit dhe institucionet dhe autoritetet iraniane nuk po e fshehin më atë. Kufizimi i shkallës së pranimit dhe vendet e lira të paplotësuara në fushat e specializimit mjekësor në dy-tre vitet e fundit tregojnë migrimin e mjekëve dhe preferencën për të marrë ekspertizë në vende të tjera me shpresën për të gjetur punë në të njëjtat fusha. Kjo bëri që rreth 700 kapacitete të specializuara mjekësore të mbeten bosh vitin e kaluar, edhe në fusha si zemra dhe urologjia, dhe Irani përballet me një situatë edhe më të vështirë në fushën e mjekëve specialistë.

Kryeministri Kurti priti në takim komandantin e KFOR-it, Gjeneral Major Ferenc Kajári

Drini.us
-
0
Kryeministri Kurti priti në takim komandantin e KFOR-it, Gjeneral Major Ferenc Kajári

Prishtinë, 24 gusht 2022

Kryeministri i Republikës së Kosovës, Albin Kurti, së bashku me Ministrin e Punëve të Brendshme, Xhelal Sveçla, priti në takim komandantin e Forcave paqeruajtëse të NATO-s në Kosovë (KFOR), Gjeneral Major Ferenc Kajári.

Në këtë takim, u theksua zotimi për angazhim dhe koordinim ndërmjet Qeverisë, institucioneve të Republikës së Kosovës dhe Forcave paqeruajtëse të NATO-s në Kosovë (KFOR) për garantimin e sigurisë dhe lëvizjen e lirë.

Kryeministri Kurti dhe Ministri Sveçla falënderuan Gjeneral Major Kajárin për angazhimin dhe përkushtimin e KFOR-it, veçanërisht javëve të fundit.

Gjeneral Major Kajári e njoftoi Kryeministrin Kurti për praninë, angazhimet dhe përgatitjet shtesë të KFOR-it për të garantuar paqe e siguri në veri të Ibrit.

U ritheksua gatishmëria për komunikim, bashkërendim të veprimeve e bashkëpunim të ngushtë ndërinstitucional, në shërbim të paqes, e në ruajtje të rendit publik dhe sigurisë për të gjithë qytetarët e Republikës së Kosovës.

Atë Brian: Katedralja e Shën Nënë Terezës, një shenjtërore tejet e rëndësishme për popullin e Kosovës

Drini.us
-
0
Atë Brian: Katedralja e Shën Nënë Terezës, një shenjtërore tejet e rëndësishme për popullin e Kosovës

E risjellim përvojën e Atë Brian Kolodiajchuk, postulatorit të kanonizimit të Nënë Terezës, gjatë vitizitës së tij në vitin 2017 në festën e shugurimit të Katedrales Shën Nënë Tereza në Prishtinë, gjatë së cilës ai kishte sjell edhe reliktin e gjakut të Nënë Terezës, i cili u vendos në altarin e posaçëm.

Nga Atë  Brian Kolodiajchuk*

Para disa ditësh, pata nderin dhe gëzimin të marr pjesë në shugurimin e Katedrales së re të kushtuar Shën Terezës së Kalkutës në Prishtinë, Kosovë, që u kremtua në ditën e festës së Nënë Terezës, më 5 shtator. Isha dëshmitar i drejtpërdrejtë për këtë ngjarje tejet të rëndësishme kombëtare për popullin e Kosovës dhe, në të vërtetë, për gjithë njerëzit me origjinë shqiptare.

Në këtë ditë historike kishte disa aspekte apo çaste shumë të rëndësishme. Isha shumë i emocionuar nga prania e të dërguarit të posaçëm të Papës, Kardinalit Shqiptar Ernest Simoni (i cili i mbush 89 vjet muajin e ardhshëm), që vitin e kaluar Papa Françesku e kishte nderuar duke e krijuar kardinal, si mirënjohje për 28 vjetet që i ka bërë punë të detyruar gjatë sistemit komunist në Shqipëri, së pari në një minierë e pastaj në kanalet e ujërave të zeza. Çfarë dëshmie frymëzuese!

Për të treguar peshën e madhe të kësaj ngjarje për Kishën dhe Vendin, ishte i pranishëm Delegati Apostolik për Kosovë, argjipeshkvi polak Juliusz Janusz, shumica e ipeshkvijve nga Shqipëria dhe vendet përreth (p.sh. Italia, Rumania, Mali i Zi, Kroacia, Serbia, Maqedonia). Duke marrë parasysh historinë e Kosovës, Shqipërisë dhe Serbisë, ishte prekëse të shikosh shenjat e paqes mes ipeshkvijve nga Serbia e atyre nga Kosova e Shqipëria.

Jam shumë i sigurt se Shën Nënë Tereza ka qenë e kënaqur me të gjithë atë popull që ishte i pranishëm brenda dhe jashtë katedrales; me praninë e liderëve të Vendit (posaçërisht të presidentit) dhe të Qytetit, me përfaqësuesit e myslimanëve dhe të ortodoksëve. Nënë Tereza ka pasur aftësinë unike për të bashkuar njerëzit me bindje dhe fe të ndryshme. “Le ta duam njëri-tjetrin si bijë të Zotit”, do të thoshte ajo.

Isha i nderuar të lexoj ungjillin në gjuhën angleze dhe të marrë pjesë në procesion kur Kardinali e vendosi reliktin e gjakut në relikuiarin e madh të Shën Nënë Terezës. Më ka bërë shumë përshtypje se sa e rëndësishme është për ipeshkvijtë, meshtarët dhe laikët të kenë reliktin e gjakut. Natyrisht, Zyra Postullatore për Çështjen e Kanonizimit iu ka dhënë famullive nga relikte prej qime floku (për shkak se kemi relativisht pak gjak), por unë kam sjell me vete reliktin e gjakut. Ashtu si tha ipeshkvi i vendit në mesazhin e tij në fund të Meshës, trupi i Nënë Terezës është në Kalkutë, por është shumë kuptimplote të kemi në këtë Katedrale gjakun e një shenjtëreshe me gjak shqiptare!

Isha i emocionuar nga famullitari i katedrales dhe meshtarët e tjerë që punojnë bashkë me të, për dëshirën që kishin për të shpallur personin dhe shpirtin autentik të Shën Nënë Terezës, në mënyrë që kjo Katedrale të jetë për shumë njerëz një vend ku mund ta njohin, ta nderojnë dhe të frymëzohen prej Shën Nënë Terezës. Ajo do t’iu kërkonte të gjithë shtegtarëve, përveç tjerash, “të bëjnë gjëra të vogla me dashuri të madhe” ose “gjëra të zakonshme me dashuri të jashtëzakonshme”, duke filluar me ata që i kanë në familje dhe në bashkësi.

Kisha si ndërtesë është shumë e madhe e me lartësinë e saj dominon qendrën e qytetit. Katedralja është e projektuar dhe e punuar me shije. Më pëlqeu jashtëzakonisht shumë vendndodhja e statujës së Nënë Terezës në njërën anësore të Kishës me reliktin e saj të gjakut nën këmbët e saja, prej nga Nëna mund “të sheh” Jezusin në Tabernakull (Shenjtërueshmin Sakrament) dhe Nënën e Tij në anësoren tjetër të Kishës. Kjo ishte shumë frymëzuese për mua.

E gjithë kjo është një shembull i mrekullueshëm se sa e rëndësishme është Nënë Tereza për shumë njerëz. Ndoshta, që nga Shën Françesku i Asizit e këndej, nuk ka pasur shenjtë më të njohur e më të dashur, jo vetëm në Kishë, por edhe jashtë saj, nga ata me fe të ndryshme apo nga ata të pa fe. Unë jam i sigurt se Katedralja e Shën Nënë Terezës në Prishtinë do të ketë një rol të rëndësishëm për ta bërë Shën Nënë Terezën më të kuptueshme dhe më të respektueshme në Kishë dhe në Botë.

*Autori është vëlla misionar i dashurisë, degë e meshtarëve soditës që e ka themeluar Nënë Tereza. Atë Brian ka qenë postulator i kanunizimit të Nënë Terezës. Ka sjell reliktin e gjakut, e cila në ditën e shugurimit është vendosë në relikuiarin e madhe te altari i Nënë Terezës në Katedrale. E falënderojmë përzemërsisht Atë Brian për këtë shkrim mbi mbresat e tija në mesin tonë, që e ka shkruar ekskluzivisht për Revistën “Drita”.

Te Sheshi dhe statuja e Aristotelit në Selanik 

Drini.us
-
0
Te Sheshi dhe statuja e Aristotelit në Selanik 

Nga: Sinan Kastrati, Suedi

Vazhdon nga numri i kaluar me titull ”Zosimea, shkollë me nam, nxënës e personalitete të njohura” publikuar në revistën Drini.us, 23 Gusht 2022 në rubrikat “Dossier, Histori, Kujtime” 

Nga Ditari im (5) i kujtimeve të mia të udhëtimeve në Shqipëri, Greqi dhe Kosovë në korrik dhe gusht 2022 

Greqia shteti me afro 1 milion banorë ku nuk lejohet shkolla shqipe e as gjuha e folur 

Rruga për në Selanik kishte aq shumë tunele sa as në Austri, në dy drejtimet për në Gjermani, nga Sllovenia, nga Lublana dhe nga Maribori nuk besoj se ka tunele se kishte rrugës për në Selanik. 

Rrugët ishin ku s`ka më të mira në Evropë, me tabela sipas standardeve vërtetë më të larta ndërkombëtare, por të shkruara në greqisht dhe me alfabet grek. Dëshiroj të mos gabohem por më dukek se nuk përdornin fare alfabetin latin në gjuhën e shkrimit. 

Qyteti i Selanikut 

Qyteti grek i Selanikut 

Selaniku është qyteti antik më i bukur në brigjet e Gjirit Thermaikos, është kryeqyteti kulturor i Greqisë. Jeta në këtë qytet të mahnitshëm është gjithmonë emocionuese. 

Selaniku ka një popullsia më shumë se 1 milion njerëz, me rrethinë. 

Selaniku u themelua në vitin 315 para Krishtit. mbretit maqedonas Kasandër. Ai e quajti qytetin pas gruas së tij Selaniku, e cila ishte motra e Aleksandrit të Madh.  

Në vitin 146 para Krishtit Selaniku u pushtua nga romakët. Pas rënies së Perandorisë Romake, qyteti u bë pjesë e Bizantit. Selaniku ishte në udhëkryqin e rrugëve të rëndësishme tregtare nga Kostandinopoja në Romë dhe nga Athina në Detin e Zi. Kjo i dha qytetit rritje dhe pasuri të shpejtë. 

Cka duhet patjetër vizitua në Selanik? 

Kullën e bardhë 

Kulla e Bardhë është simboli i qytetit të Selanikut. Kulla u ndërtua në vitin 1530 nga osmanët për të mbrojtur qytetin nga deti dhe ishte pjesë e fortifikimeve të qytetit. Lartësia e saj arrin 27 metra, diametri i unazës së mureve është 23 metra. Brenda, ekziston një sistem kompleks kalimesh midis kateve. 

Sheshin e Aristotelit, statujën e Aristotelit 

Sheshi Aristoteli është zemra e qytetit. 

Monument i Aleksandrit të Madh 

Aleksandri i Madh është një personalitet kulti i respektuar nga çdo banor i Selanikut. Në kohën e sundimit të tij qyteti ishte kryeqyteti i shtetit të pavarur të Maqedonisë dhe arriti kulmin e zhvillimit të tij. 

Sheti në bregdet, Selanik, 2022

Plazhet e Selanikut etj. 

Pritja 

Pakëz para mbrëmjes, arritëm në Selanik. Hotelin ku u vendosëm, ishte i kategorisë së lartë por jo i shtrenjtë qysh e mendonim ne. Ishte afërsisht si hotelet ”motra” në Shqipëri dhe në Kosovë por personeli kishte një përvojë me turistë në çdo pikëpamje. 

Na thanë se në vitin 2019, Greqinë e kanë vizitua 40.000.000 milion turistë, katërfishi i banorëve të Greqisë. 

Para dyerve të hotelit na priti Eva, mësuese vullnetare shqiptare nga Korça që punonte me nxënës pa asnjë qindarkë. Ajo është korçare dhe ishte ajo bashkë me dy mësuese tjera që na ndihmuan dhe shoqëruan gjatë gjithë udhtimit tonë dyditor në Selanik dhe rrethinë. 

Pasi u vendosëm në hotel dhe i lamë valigjet me rroba e sende personale e higjenike, ato na dërguan në një hotel disakatësh në qendër të Selanikut. Na thanë se pronari është shqiptar.  

Në teracën e kulmit të hotelit, te Sheshi Aristolel, Selaniku shihej si në pëllëmbë të dorës. 

Poshtë hotelit në një shesh të gjërë ishte vendosur statuja e Aristotelit 1*) 

Aristoteli është ndër filozofët më të vjetër dhe ndër më të rëndësishmit. Veprat e madhore të Aristoleit, disa i kemi edhe në gjuhën shqipe dhe shërbehemi nga to edhe në Letërsi, si ”Poetika” e cila sipas botuesit Cabej ”Pikëpamjet e tij për artin e veçanërisht për poezinë, (epikën, lirikën dhe tragjedinë), Aristoteli i ka shfaqur në veprën e tij “Poetika”, e cila ka arritur deri te ne në formë të cunguar. Por edhe me kaq mund të krijohet një ide e qartë mbi pikëpamjen estetike të filozofit dhe estetit të parë të madh të lashtësisë”. 

Në teracën e hotelit, pim pije të ndryshme. Unë pija lëngje ndërsa të tjerët pinin birra e verë. Aty ndejtëm deri sa erdhën edhe Jonida e Violeta, gjithashtu mësuese të gjuhës shqipe me nxënës shqiptarë, vullnetarisht 2*). 

Pastaj me Eva, Jonida dhe Violeta, mësuese e re elbasanase na propozuan që darken ta hamn te hotel tjetër jo larg qendrës. 

Shkuam këmbë ndërsa freskia e Egjeut dhe vapa e ditës, shkriheshin me frymën e lehtë e flladin e mbrëmjes. Ecnin çkujdeshëm nga dy e tre veta. Unë nganjëherë mbetesha mbrapa, vetëm e menjëherë kur më vërenin, njëra nga koleget mësuese, ndalej e me shoqëronte duke treguar histori të Selanikut, të punës e jetës dhe të shqiptarëve që sipas tyre, janë gjysma e banorëve të Selanikut.  

Darka solemne me Evën, Joniden, Muratin, Violetën dhe mua (Sinan Kastratin) Selanik, 1 gusht 2022

Na thanë se Selaniku ka afro 1.000.000 (Një milion banorë) por nga nga ky numër, 500.000 janë shqiptarë, pa asnjë të drejtë, do të shtoja unë). As shqiptarëe që shërbenin në hotele, nuk guxonin të na flisnin në gjuhën shqipe. Diskriminim që nuk ka vend tjetër në botë më të egër e aty. Shqiptarët punojnë punët që nuk i punojnë grekët e paguhen sikur të ishin skllavë, sa për bukë goje. … 

Tavolinat e hotelit ku shkuam të darkojmë, na i mbushën plotë me mishëra të pjekur, pije, perime (ullinj) e ëmbëlsira. Ishte e pamundshme ta futje dorën në gjep e të paguaje para tyre. 

Mikpritja e tri mësuesve shqiptare, edhe pse punonin pa pagesë me nxënës shqiptarë, as sa për me i mbulua shpenzimet mujore, ato punonin si pastruese, kuzhiniere neper shtëpi private e punë tjera të që për grekërit janë nënqmuese 3*) prandaj ato punë i kryenin shqiptarët, vajza e gra me fakultete.  

Duhët ti trokasim në ndërgjegjen edhe të Ministrisë së Punëve të Jashtme e Ministrisë së Arsimit të Shqipërisë që fare nuk kujdesen për gjysmëm e popullsisë që jeton në Greqi pa asnjë të drejtë elementare, jashtë rregulllave, normave e ligjeve ndërkombëtare për të drejtat e njeriut, shkollimit etj. 

Vonë natën pas bisedave të gjata e të përzemërta, shkuam të pushojmë në hotel për tu zgjuar të nesërmen, të hënen me 1 gusht 2022 me hëngër mëngjesin …. dhe me e fillua ditën e re, ditën e dytë, me shpresa të reja. 

Te Kulla e Bardhë, Selanik, 1 gusht 2022

Porti detar i Sekanikut ku thuhet se disa qindëra mijëra shqiptarë nga Kosova e Maqedonia (tash e Veriut) u shpërngulën në Stamboll, Turqi. Selanik, 1 gusht 2022

1*) Aristoteli 

Aristoteli (384 – 322) ishte filozof, mendimtar dhe shkencëtar i shquar i Greqisë antike. Konsiderohet gjeniu më i madh intelektual i botës antike perëndimore. 

Veprat: 

Vepra (Corpus Aristotelicum) 

Logica – Organon (Όργανον) 

Categoriae (Κατηγοριαι) 

De interpretatione (Περὶ Ἑρμηνείας) 

Analytica priora (Ἀναλυτικῶν προτέρων) Α–Β 

Analytica posteriora (Ἀναλυτικῶν ὑστέρων) Α–Β 

Topica (Τοπικῶν) Α–Θ 

De Sophisticis Elenchis (Περὶ σοφιστικῶν ἐλέγχων) 

Physica (Φυσικῆς Ἀκροάσεως) Α–Θ 

De caelo (Περὶ οὐρανοῦ) Α–Δ 

De generatione et corruptione (Περὶ γενέσεως καὶ φθορᾶς) Α–Β 

Meteorologica (Μετεωρολογικῶν) Α–Δ 

De mundo ad Alexandrum (Περὶ κοσμοῦ πρὸς Ἀλεξάνδρων)* 

De anima (Περὶ ψυχῆς) Α–Γ 

Parva naturalia 

De sensu et sensibilibus (Περὶ αἰσθήσεως καὶ αἰσθητῶν) 

De memoria et reminiscentia (Περὶ μνήμης καὶ ἀναμνήσεως) 

De somno et vigilia (Περὶ ὕπνου καὶ ἐγρηγόρσεως) 

De insomnis (Περὶ ἐνυπνίων) 

De divinatione per somnum (Περὶ τῆς καθ’ ὕπνον μαντικῆς) 

De longitudine et brevitate vitae (Περὶ μακροβιότητος καὶ βραχυβιότητος) 

De juventute et senectute (Περὶ νεότητος καὶ γήρως) 

De vita et morte (Περὶ ζωῆς καὶ θανάτου) 

De respiratione (Περὶ ἀναπνοῆς) 

De spiritu (Περὶ πνεύματος) 

Historia animalium (Περὶ τὰ ζῷα ἱστορίαι) Α–Κ 

De partibus animalium (Περὶ ζῴων μορίων) Α–Δ 

De motu animalium (Περὶ ζῴων κινήσεως) 

De animalium incessu (Περὶ πορείας ζῴων) 

De generatione animalium (Περὶ ζῴων γενέσεως) Α–Ε 

De coloribus (Περὶ χρωμάτων)* 

De audibilibus (Περὶ ἀκουστῶν)* 

Physiognomica (Φυσιογνωμονικῶν)* 

De plantis (Περὶ φυτῶν) Α–Β* 

Mirabilium auscultationes (Περὶ θαυμασίων ἀκουσμάτων)* 

Problemata (Προβλημάτων) Α-ΚΑ-ΚΘ,ΛΑ-ΛΗ* 

De lineis insecabilibus (Περὶ ἀτόμων γραμμῶν)* 

De ventorum situ et nominibus (Ἀνέμων θέσεις καὶ προσηγορίαι)* 

De Melisso, Xenophane, Gorgia (Περὶ Ξενοφάνους, Περὶ Ζήνωνος, Περὶ Γοργίου)* 

Metaphysica (Τῶν μετὰ τὰ φυσικά) Α–Κ 

Ethica Nicomachea (Ἠθικῶν Νικομαχείων) Α–Κ 

Magna moralia (Ἠθικῶν Μεγάλων) Α–Β* 

Ethica Eudemia (Ἠθικῶν Εὐδημίων) Α–Η 

De virtutibus et vitiis (Περὶ ἀρετῶν καὶ κακίων)* 

Politica (Πολιτικά) Α-Θ 

Oeconomica (Οἰκονομικῶν) Α–Β* 

Ars Rhetorica (Τέχνης ῥητορικῆς) Α–Γ 

Ars Poetica (Περὶ ποιητικῆς) [5] 

 

Nga Wikipedia, “Aristoteli” 

https://sq.wikiquote.org/wiki/Aristoteli  

”Aristoteli” 

https://sq.wikipedia.org/wiki/Aristoteli 

Qyteti grek i Selanikut 

https://poradnuk.com.ua/sq/qyteti-grek-i-selanikut.htm 

Aristoteli, ”Poetika” 

Libraria digjitale  

https://online.fliphtml5.com/lscg/dsnw/#p=1 

2*) Mësuese vullnetare 

Kisha dëgjua por kurrë nuk do të besoja se vendi i ”Demokrocisë”, ku edhe sot përdoret në botën e qytetëruar, jo vetëm të mos e përkrah e paguaj punën e mësueseve por edhe i ndjek mësueset shqiptare tamam sikur në kohët e errëta kur kisha greke vriste e priste … shqiptarë, fjalën shqipe e alfabetin shqipe. 

Është një nga temat më të ngutshme që shteti shqiptar duhet ta ndihmoi por ai ka rënë në gjumë. 

(më shumë: njëherë tjetër) 

3*) NËNÇMOJ kal. 

Çmoj dikë a diçka më pak nga ç’është a nga ç’vlen në të vërtetë; tregoj mospërfillje për dikë a diçka, nënvlerësoj; kund. mbiçmoj. I nënçmonte punën (aftësitë). Nënçmon mendimin e tjetrit. 

Nuk i jap rëndësinë e duhur dikujt a diçkaje, nuk e vlerësoj si duhet dhe kjo sjell pasoja të dëmshme. Nënçmon kundërshtarin (armikun). Nënçmojnë luftën e klasave. Nënçmon dëmin e alkoolit (e duhanit). E nënçmonte rrezikun. 

Nënçmohem nënçmim . 

Vazhdon   

Sinan Kastrati, Suedi    

Malmö, 24 gusht 2022    

sinan.kastrati@hotmail.com

Historike: Për herë të parë, pas dhjete vitesh bisedimesh Kosovë-Serbi, Qeveria e Kosovës e ngrit në Bruksel (BE) problemin shqiptarëve në Luginën e Preshevës

Drini.us
-
0
Historike: Për herë të parë, pas dhjete vitesh bisedimesh Kosovë-Serbi, Qeveria e Kosovës e ngrit në Bruksel (BE) problemin shqiptarëve në Luginën e Preshevës
Kryemnistri i Republikes se Kosovës Albin Kurti në bisedë me gazetarin zviceran te Le Canton27.ch

Bruksel, BE 24 gusht –Delegacioni i Qeverise se Republikës së Kosovës i prire nga kryeministri Albin Kurti, per here te parë e ngriti problemin e shqiptarëve në Luginen e Preshevës ne Bruksel, pas dhjetë vitesh bisedimesh Kosovë-Serbi në BE, njofton gazeta zvicerane ne shqip Le Canton27.ch, duke ju referuar burimeve diplomatike nga Brukseli.

Përfaqesuesit nga Presheve përshëndesin angazhimin e Qverisë së Kosovës për casje serioze të cështje së shqiptarëve në Luginë !

Originalbild anzeigenNjeri i pare i Qeverise se Kosovës Albin Kurti kërkoi ne Bruksele, konform resiprocitetit, qe shqiptarët etnik në Medvegjë, Bujanoc dhe Preshevë t’i gezojne te njejtat te drejat sikur serbe ne Kosovë. Kerkesen e Qeverises se Albin Kurti ne Bruksel per reciprocitet me te drjatat e serbeve te Kosovës dhe Lugines se Preshevës, përfaqesuesit nga Lugina e kane pershëndetur dhe e kane konsideruar historike, meqe per here te pare pas gati nje decenie bisedimesh ne Bruksel u ngrit zëri i ceshjes shqiptare në Luginne e Presheves ne Bashkimin Evropian. Kete e kofirmoi per gazeten zvicerane Le Canton27.ch edhe zëdhensja e Qeverise se Kosovës.

Lidhur me raundin e fundit ne Bruksel me perfaqesuesve te Kosovës (Albin Kurit) dhe te Serbise (Aleksnader Vucic) per gazetne zvcerane L4e Canton27.ch jkane deklaruar edhe zyratre te BE-së ne Bruksel.

“Mbledhja është përqendruar në fusha te ndyrshem, ne veqanti mbi ate se çfarë don  të thotë standardizimi për secilën nga palët dhe çështjet aktuale, në veçanti targat. Ne gjithashtu kujtojmë se Kosova ka pranuar krijimin e një shoqate/komuniteti të shumicës serbe në 2013. Ai u ratifikua nga Asambleja e Kosovës dhe ne presim Kosovën që të nderojë detyrimin e saj ndërkombëtar dhe ta vendosë atë punë..” ka thene per redaksine tone znj. Paloma Halla Caballero, zyrtare nga BE.

Sikur deputeti i vetem shqiptar në parlamentin e Serbise z.Shaip Kamberi edhe kreu i Këshillit Kombëtar të shqiptarëve ne Luginene Preshevës z.Ragmi Mustafa ka përshëndetur angazhimin seroz të Qeverise se Kurit për Luginen e Preshevës ne kancalarit e BE-së ne Bruksel, sipas te cilit “komuna e Medvegjës, Bujancoit dhe Preshevës duhet të ketë të njëjtat të drejta si serbët në veri të Kosovës dhe se marrëveshja e Kosovës do të përfshije edhe shqiptarët e Lugines se Preshevës

“Nuk ka asnjë arsye që serbët në Kosovë të kenë më shumë liri, më shumë të drejta dhe më shumë barazi nga shqiptarët nga ‘Lugina e Presevo’. Nuk ka asnjë arsye për ta marrë këtë menjëherë me shqiptarët, për sa kohë që mund të arrihet. Një marrëveshje e qëndrueshme midis Kosovës dhe Serbisë do të krijonte një hapësirë ​​më të lartë për përparim dhe Serbinë dhe Kosovën, duke trajtuar komunitetet dhe në Kosovë dhe në Kosovë, sepse standardet e dyfishta me të vërtetë krijojnë hapësirë ​​për tensionet dhe konfliktet e ardhshme – tha ai.

Ndryshe edhe vete tha presidenti i Serbisë Aleksandar Vucic në fjalimin publik të dielen e fundit se “shqiptarët ne Lugine e Preshevës kanm propozuar një marrëveshje të përgjithshme prej gjashtë pikësh..”

Kur eshte fjala për dilagut ne Bruksel, përfgaqeusesit e Lugine se Presheves se paku 30 her e kishi  kerkuiar ngaq verite e Ksoovës keto 20 vitete fundit qe edhe diskrmnimi i shqpitaregve te Liginen e Presheves te prfshihen ne negoaciata mes Kosovës dhe Serbisë, por ne fakt asnje qeveri ajo e Serbise jo se jo, po as ajo kosovare nuk e kane përmendur kurre Luginen e Presheves. Kete ka kishte konfirmuar gazetarit te Le Canton27.ch ish zedhenësja e BE-së znj.Maja Kocijancic.

Se a është folur edhe Luginën e Preshevës, pasi ishte bërë fjalë për Veriun e Kosovës në takimin   mbrëmshëm në Bruksel mes kryeministrit kosovar dhe atij serb, Thaci-Dacic, ish- zëdhënësja e BE-së (Cethrin Achton) znj.Maja Kocijancic, kihste deklaruar se «në takimi e fundit në Bruksel mes Dacic dhe Thaci nuk është biseduar për Luginën e Preshevës..»

Kocijancic ne vazhdim kihste phuar se «siq e dini bisediemt mes Prishtinës dhe Beogradit, sikure edhe dy takimet mes Dacic dhe Thacit janë të përqëndruar kryesisht mbi cështje e serbeve ne Kosovë. Ne në Bruksel i kuptojmë shqetësimet e shqiptarëve nga Lugina e Preshevës, por kjo e tërë varet nda dy krimeministra. Prandaj, për Luginën e Preshevës mund të  flitet në Bruksel, nëse Thaci dhe Dacic janë dakrod, pse jo”

Se a ka gjasa ndonjehere që nesër apo ne ditët e ardhshme të flitet edhe për problemet e shqiptarëve në Medvegjë, Bujanovc dhe Preshevë?

Kësaj pyetje, Maja Kocijancic iu përgjigj shkurt se “kjo nuk varet nga Brukseli, por nga palët në rajon. Nëse dëshiron Prishtina, pse jo. Kjo varet nga pala kosovare, nëse do të flasë për Luginen e Preshevës por sa kuptuj une me kete qeveri jo e cila deri me tash ketu ne Bruksel kurre nuk eshte permendur Lugina e Preshevës nga Hashim Thaic dhe as nga Isa Mustafa, as ne korridore e mos te flasim ne bisedime me perfaqesusit serb nga Beogradi ”.

FBKSH: Nuk pranojm kurrfarë eksperimenti si lloji i të ashtuquajturi “Asosacion i Komunave Serbe”

Drini.us
-
0
FBKSH: Nuk pranojm kurrfarë eksperimenti si lloji i të ashtuquajturi “Asosacion i Komunave Serbe”

FBKSH, Tiranë

Kjo kurrë nuk do të implementohet dhe gjdo rregullim i dyfishtë brenda Shtetit të Kosovës është i destinuar të dështojë. Shkenca ka vërtetuar se shqiptarët janë pasardhës të drejtpërdrejt të ilirëve të lashtë. Shqiptarët janë populli më i vjetër në Ballkan,banorë të përhershëm të kësaj hapësire gjeografike më mijëra vjet para se të vinin fiset sllave në këto anë nga trojet e tyre përtej Karpateve.

Pseudoshkenca dhe kisha ortodokse serbe gjithmonë kanë qenë dhe janë në shërbim të politikës së tyre ,qëllimi i së cilës është pushtimi dhe sundimi i popujve shqiptarë dhe zhdukja fizike e popullit shqiptar. Prandaj Evropa duhet ta thrrasë ndërgjegjjen dhe ligjin e të Drejtave të Njeriut , që Serbia duhet denohet për gjenocid ndaj Kombit Shqiptarë dhe popujve tjerë në Ballkan. Duhet të ju njifet e drejta për Bashkimin e Trojeve Etnike Shqiptare Kombit Shqiptar.

Historia ka dëshmuar se kolonizimi i Kosovës dhe trojeve etnike shqiptare , si dhe ndërrimi i përbërjes etnike të saj në favor të sërbëve,me gjithë përpjekjet energjike të regjimeve të mëparshem serbo-jugosllave nuk patën suksese. Sistemet fatëkeqe serbo-jugosllave tashmë kanë përfunduar dhe janë dënuar e bombarduar nga NATO në krye me Amerikën.

Të gjitha ata që provojnë të bëjnë eksperimente ndaj Kombit Shqiptarë që është themelues i Evropës, të kenë kujdes. Evropa të rreshtohet drejtë me politikat ndërkombëtare që mbrojnë parimet njerëzore të Kombeve të Lira e të pavarura sipas të Drejtave Univerzale të Njeriut.

Hyzri Salihu Nën/Kryetar i FBKSH,së Koordinator i përgjithshëm i strukturave të FBKSH,së Antarë Kryesie i SHAIBK,së Tiranë

Shqipëri Etnike -Siguri Kombëtare

16.08.2022

Presidentja Osmani në takim me të dërguarit e posaçëm Lajčák dhe Escobar: Kosova është palë konstruktive, e përgatitur dhe e angazhuar në procesin e dialogut të përqëndruar në njohjen e ndërsjellë

Drini.us
-
0
Presidentja Osmani në takim me të dërguarit e posaçëm Lajčák dhe Escobar: Kosova është palë konstruktive, e përgatitur dhe e angazhuar në procesin e dialogut të përqëndruar në njohjen e ndërsjellë

Presidentja e Republikës së Kosovës, Vjosa Osmani, priti në takim përfaqësuesin Special të BE-së për Dialog, Miroslav Lajčák dhe të dërguarin e posaçëm të Shteteve të Bashkuara të Amerikës për Ballkanin Perëndimor, z. Gabriel Escobar.

Presidentja Osmani ka përsëritur qëndrimin se Kosova është palë konstruktive, e përgatitur dhe e angazhuar në procesin e dialogut, të përqëndruar në njohjen e ndërsjellë. “Kosova asnjëherë nuk ka kontribuar në tensione dhe është angazhuar vazhdimisht për paqe dhe stabilitet si dhe për zgjidhje evropiane”, ka thënë Presidentja Osmani.

Në këtë kontekst, Presidentja Osmani ka shprehur përkushtimin e Kosovës për ta vazhduar bashkëpunimin dhe koordinimin me partnerët tanë, duke potencuar se angazhimi i vendit tonë në dialog është i bazuar në mbrojtjen e sovranitetit, rendit kushtetues dhe integritetit territorial të Kosovës, të cilat janë të paprekshme.

Presidentja Osmani ka theksuar se Kosova është e ndërtuar mbi parimin e një shoqërie multietnike ku të gjithë kanë të drejta të barabarta, pa dallim etnie.

Presidentja Osmani, në ditën e pavarësisë së Ukrainës, priti në takim një grup gazetaresh ukrainase të strehuara në Kosovë

Drini.us
-
0
Presidentja Osmani, në ditën e pavarësisë së Ukrainës, priti në takim një grup gazetaresh ukrainase të strehuara në Kosovë

Presidentja e Republikës së Kosovës, Vjosa Osmani, në ditën e pavarësisë së Ukrainës priti në takim një delegacion të gazetarëve të strehuar nga Ukraina në Kosovë, në kuadër të programit “Gazetarët në Rezidencë”, të iniciuar nga Asociacioni i Gazetarëve të Kosovës, Qendra Evropiane për Liri të Shtypit dhe Medias, si dhe të mbështetur nga Qeveria e Kosovës.

Presidentja Osmani ka uruar gazetarët ukrainas në ditën e pavarësisë së Ukrainës dhe ka inkurajuar ata për ta vazhduar punën e guximshme në mbrojtjen e së vërtetës.

“Askush më mirë se populli i Kosovës nuk e njeh dhimbjen dhe vuajtjet e popullit ukrainas. Në luftë nevojitet të plasohet e vërteta. Siç ka fituar Kosova më 1999 bashkë me miq, ashtu do të fitojë edhe Ukraina”, ka theksuar Presidentja Omani në takim me gazetarët ukrainas.

Sipas Presidentes Osmani populli i Kosovës është përkrah atij të Ukrainës, teksa ka ftuar gazetarët ukrainas që të jenë zë i fuqishëm i thellimit të raporteve ndërmjet të dy shteteve.“Kosova do ta mbështesë popullin e Ukrainës deri kur atje të triumfojë liria dhe paqja”, ka theksuar Presidentja.

Ndërkaq gazetarët ukrainas kanë falënderuar shtetin e Kosovës për mbështetjen e deritashme, teksa nga AGK-ja dhe ECPMF-ja kanë paralajmëruar shtimin e numrit të gazetarëve ukrainas, të cilët do të strehohen në Kosovë.

1...1,2511,2521,253...1,737Faqja 1,252 nga 1,737