Homazh për mjekun emblematik, Dr. spc. Xhafer Morinen

Shkrime relevante

Kemi jetuar si zogjtë nën rrasa guri, poezi nga Arif Ejupi

Kemi jetuar si zogjtë nën rrasa guri (Me këtë poezi reagoj ndaj...

Kur Islami Politik hyn në Sport, shnënjestër e ka shtetin!

Albert Leka, Prishtinë ____ Ajo që po ndodh në Kosovë nuk duhet të...

Për të qenë shqiptar me shpirt e me zemër, ashtu siç jam unë, të duhen edhe 100 jetë, jo vetëm një!

Amina Nuraj, Novi Pazar (Tregu i Ri) _____ Ooo, kur një mbeturinë njerëzore...

Çështja shqiptare, në rrezik nga vet shqiptarët!

Xhemil Zeqiri, Danimark Adem Demaçi, Ibrahim Rugova dhe historia që nuk duhet...

Pranvera që nuk u gjunjëzua, nga grilat e burgut të Prishtinës te zëri i Hydajet Hysenit

Nga Sak Muji (Sylë Mujaj) – pjesëmarrës i demonstratave të 11–26...

Shpërndaj

Florim Zeqa

Dr. spc. Xhafer Morina mjek i përmasave ndërkombëtare

Vdekja na e mori edhe një personalitet të shquar, mjekun specialist Dr. Xhafer Morina, me përvojë të gjatë si internist-kardiolog në shërbim të popullatës sonë! Ishte aktivist dhe veprimtarë i shquar i viteve të krenarisë kombëtare.

Humbje e madhe për familjen dhe shoqërinë

Xhafer Morina ishte një nga personalitetet më markante të Komunës së Klinës dhe jo vetëm. Ishte emër i njohur në mbarë Kosovën, trojet etnike dhe në mërgatën tonë!

Xhafer Morina i ka përfunduar me suksese të larta studimet e Mjekësisë së Përgjithshme në Universitetin e Prishtinës, kurse specializimin për Mjekësinë Interne (Kardiologji) e ka kryer në Univeristetin e Beogradit.

Xhafer Morina i përket plejadës së parë të Internistëve (Kardiologëve) në Kosovë!

Para luftës, në vitet e rënda të okupimit klasik të Serbisë, Xhafer Morina ka shërbyer si internist-kardiolog në Shtëpinë e Shëndetit në Klinë.

Pas mbylljes së institucioneve publike ishte vënë në shërbim të pacientëve me sëmundje kardiake jo vetëm në komunën e Klinës, por edhe më gjërë në rajonin e Pejës, Istogut, Deçanit, Skenderajt, Drenasit, Malishevës, etj.

Pas luftës, Dr. Xhafer Morina për 26 vite rresht ka punuar si specialist i mjekësisë interne (internist) në Poliklinikën “Biolab Zafi” në Klinë, ku trajtonte pacientë me probleme të ndryshme shëndetësore, përfshirë ato të fushës së kardiologjisë.

Si e njoha Dr. spc. Xhafer Morina!?

Ishte vjeshtë e vonë e vitit 2011, Pasi ia rregullova dokumentet e bashkimit familjarë, Nënën time (Hysnije Zeqa) me të ardhur në Itali e dërgova për vizitë tek mjeku familjarë (medico di famiglia). Ajo me vete e kishte marrë një qese të mbushur përplot barna të rekomanduara nga mjek të ndryshëm nga Kosova!

Pas kontrollit rutinor, mjeku i mori dhe i shikoj me kujdes barnat, me ç’rast ia largoj të gjitha me përjashtim barnave të Doktor Xhaferit, të cilat ia rekomandoj që t’i përdor edhe më tutje!

Por, ky verifikim i mjekut specialist nga Kosova nuk përfundon më kaq!

Pas një muaji, Nëna ime pësoi ‘Infarkt MIO’, nga i cili shpëtoj me suksese të përgjysmuar falë intervenimit urgjent në Spitalin e Conegliano-s (TV-Itali).

Me të dalur nga Spitali, mjekët specialist, përveç barnave të përshkruara nga ana e tyre, i rekomanduan që t’i vazhdoj edhe ato të Dr. Xhafer Morinës!

Edhe pse doktor Xhaferin e njihja personalisht nga vitet e ’90-ta, e njoha më mirë se askush tjetër nga sëmundja e Nënës sime të ndjerë, Hysnije Zeqa në vitin 2011 në Itali!

Mjek me vyrtyte të larta njerëzore

Dr.spc. Xhafer Morina, përveqse një njeri i urtë dhe i mirë, ishte atdhetar i devotshëm, profesionist i spikatur shëndetësor, Internist-Kardiolog i përmasave kombëtare dhe ndërkombëtare, i cili, tani e tutje do t’i takojë botës së amshueshme, porqë përjetësisht do të kujtohet me nder dhe respekt të përhershëm nga qytetarët e Klinës dhe mbarë Kosovës.

Xhafer Morina ishte doktori që iu shërbu mijëra e mijëra pacientëve me përkushtim të lartë profesional, me dashuri njerëzore dhe humanizëm të madh.

Mungesa e tij do të jetë e madhe dhe e pakompensueshme për pacientët, miqtë, kolegët dhe farefisin e gjerë, por mbi të gjitha për familjen e tij, e cila përveq dhimbjes, e ka krenarinë e përjetshme për birin e saj, prindin dhe gjyshin e devotshëm dhe atdhetar!

Ngushëllimet më të sinqerta familjes Morina, bashkëshortes, djemve, vajzës dhe të gjithë familjarëve, kolegëve dhe miqve, në veçanti pacientëve të shumtë! Forcë në përballimin e dhimbjes!

Lavdi jetës dhe veprës humatitare të mjekut emblematik, Xhafer Morina!

I qoftë i lehtë dheu i Kosovës, të cilën aq shumë e deshi dhe i shërbeu me nder dhe atdhedashuri!

Prehu në paqe, Doki!

K O M E N T E

SHKRUAJ NJË KOMENT

Ju lutem, shkruaj komentin tuaj!
Ju lutem, shkruaj emrin tuaj këtu