Afrim Zeqiri, Gjermani
Është krenaria jonë, por edhe krenaria e Austrisë, e cila e mban dhe na e ruan. Dikur kam thënë: Përse Austria na e ka marrë dhe na e mban vlerën tonë? E kam kuptuar kur kam lexuar historinë tonë nga fillimi shkollor.
Nga fillimi shkollor, në F. Vrellë, 2 km larg ishte Shkolla Fillore dhe në hollin e shkollës ishte e gjithë ballina e murit me një foto të Gjergj Kastriotit tonë.
Pra, ishte viti i parë shkollor, shtator 1971–72. Por, siç duket, kolektivi i arsimit i Sh.F. në Vrellë nuk arriti ta mbronte. Pas dy vitesh, sa më kujtohet, fotoja e Gjergjit nuk ishte më në mur, ndërsa 10 vjet më vonë, më 1981, nuk kishte shumë figura të tjera kombëtare, as në mure e as në librat shkollorë!
Në fund të vitit 1999, një shok në Mitrovicë, Xh. Murseli, më tha: «Urime çlirimi i Kosovës, por po kam frikë nga qarqe të ndryshme antishqiptare, që do të na pengojnë në realizimin e bashkimit të Kosovës me Shqipërinë, tani me anë të islamit turko-arab!»
«Joooo!», i thashë shokut tim të ngushtë, «se nuk do të ndodhë, sepse populli ynë tanimë është i shkolluar e i lexuar, i shëtitur e i ditur, sa të mos bjerë pre e një ideologjie primitive islamiste turko-arabe, siç ishin shqiptarët e vitit 1912!»
Jo, por me shokun, dhe pa pritur e pa u kujtuar, vërtet na dolën mazllumat e shefqetët e sulltanëve, të porositur nga Serbia, që ta quanin Gjergj Kastriotin «katil, çafër-kriminel», “hero i 3 % katolikësh”, siç e pati quajtur ish-deputeti neoosmanli Gëzim Kelmendi, që vazhdimisht ftohet prej “mediave tona” në debate televizive!
Se Kryeheroi Arbnor Gjergj Kastrioti ua ka prishë projektet e sulltanëve të Perandorisë Osmane për të na zhbërë me Islam.
Shqiptar Shaljani në Vjenë tek përkrenarja e Gjergj Kastriotit
Flamurin na e quajtën leckë, Nënë Terezën e sulmuan me fjalorin e ndytë, ne shqiptarët na quajtën ardhacakë, ndërsa serbët vendas, etj.
Pra, i dhashë të drejtë shokut për shqetësimin, por tani, kur shoku dhe shumë shokë po heshtin para agjenturave të tilla serbiane, po hesht edhe Qeveria, që nga fillimi i viteve 2000 e deri më sot!
Merre me mend: vendet që praktikojnë islamin, si puna e Egjiptit, u tregojnë qeverive tona shqiptare se keni mbi 30 organizata islamike me qëllime ekstremiste, duke përfshirë edhe Kosovën e Shqipërinë, e kryeministrat tanë koktohen çdo ditë duke përuruar xhamitë e tyre ekstremiste!
