Kreu Blog Faqe 1261

Personat e kësaj fotoje që defiluan rrugëve të Prishtinës e që u arrestuan nga policia, a janë “rojet e moralit islam?”

Drini.us
-
2
Personat e kësaj fotoje që defiluan rrugëve të Prishtinës e që u arrestuan nga policia, a janë “rojet e moralit islam?”
Marin Sopi, Llapushnik-Drenas
__
Flitet për “pasdaranët” e Kosovës!
Po këta dhjetë personat e maskuar, me veshje të zeza, që defiluan në rrugët e Prishtinës, a nuk ngjajnë në rojet e moralit të islamit në Iran, apo siç quhen ndryshe Pasdaranët?
Meqenëse Policia e Kosovës i ka arrestuar, është mirë që të dalin me një deklaratë, sepse kështu fusin dyshime dhe frikë te popullata, e cila këto ditë është mjaft e shqetësuar për faktin se kemi hyrë në një fazë të re të definimit çka është vlerë kombëtare dhe demokratike e çka cenim i laicitetit të shtetit dhe me këtë të fundit edhe devijim nga rruga, të cilën na e trasuan dëshmorët dhe martirët e shumë gjeneratave.
Uroj që këta djem, në të zeza e me qen për dore, të jenë pjesë më shumë e një show mediatik, sesa ata që duan t’i sfidojnë organet e sigurisë së shtetit duke i frikësuar qytetarët.
Atë çka shohim në dasma dhe në përditshmërinë tonë, shefqetat dhe BIK – u e kanë humbur betejën. Kushtetuta e vendit duhet respektuar!

Shamia nuk ka me hy nëpër shkolla dhe me iu ngul kombit si thikë në zemër, kur ai nuk e do shaminë

Drini.us
-
0
Shamia nuk ka me hy nëpër shkolla dhe me iu ngul kombit si thikë në zemër, kur ai nuk e do shaminë
Në foto: Deputetja boshnjake e Kuvendit të Kosovës, Dude Balje, një propagandiste që e aktron nevojën e shpifur për të ashtuquajturen “çështje e shamisë” për komunitetin mysliman, të nxitur prej islamistëve politik.
Liri Loshi, shkrimtar, Kanada
___
Islamistët: “95% jemi muslimanë!”
E pa vërtetetë. Nëse musliman i bie me i plotësu strikt 5 shartet e Islamit, atëherë nuk dalin as 10%. Pjesa tjetër janë muslimanë pasivë, që nuk e praktikojnë fenë pos kur asht festë bajrami, që nuk falën, që nuk binë shahadet, ose binë shahadet veç kur tutën, kur iu kerset reja para kamve dhe që nuk e kanë hiç problem me pi birra, verë, wiski, vodka deri në dehje të trupit.
Të tillët nuk e stimulojnë bartjen e shamisë, as nuk e votojnë atë në asnjë rast. Meqë, deputetët përfaqësojnë popullin, atëherë komuniteti që po shtyen përpara futjen e shamisë nëpër shkolla, nuk ka aq vota sa me e kalu një ligj për këtë. Qeveria mundet me e pezullu udhëzimin për ndalimin e shamisë, por pezullimi, si një gjë e përkohëshme, nuk është adresim definitiv i çështjes. Pra, shamia nuk ka me hy nëpër shkolla dhe me iu ngul kombit si thikë në zemër, kur ai nuk e do shaminë.
Ju që po thoni se na që jemi kundër shamisë jemj pak, ose jeni tu genjy me qëllim propagande. ose thjesht, nuk e njihni popullin tuaj. Ne që jemi kundër shamisë, jemi shumica absolute dhe ju garantoj se shamia s’ka me kalu. Albin Kurti me deklaratën e tij në mbështeje të shamive, ka ba një gaf politik që ka me i kushtu. Nuk ka me pasë ma shumë vota, por ka me pasë ma pak vota. Pse? Sepse vetëm në parlament adresohet definitivisht çështja e shamisë e parlamenti asht i dominuar nga deputetët që nuk i mbyllin dritaret e kombit me perde të mesjetës. Vota nuk kalon.
Albin Kurti e di mirë se shamia është e dëmshme për kombin, është një mollë sherri që i ndanë shqiparët dhe ai nuk i bën presion askujt me e kalu shaminë. Albini ma shumë ka me ba presion për kodin civil (martesat e gjinisë së njëjtë) sesa për shaminë. Tash po shihet qartë se Albini ju ka premtu me e kalu shaminë, por që po themi se nuk e kaloi? Atëherë ju grupi i islamistëve politikë do të largoheni nga Vetëvendosje dhe do të kërkoni një partner tjeter. Rrugë tjetër nuk keni.
Ju jeni të njëjtit që jeni sorrollatë te LDK, PDK, të Pacolli, te Ferid Agani, të Gëzim Këlmendi e krejt në fund tash tek Albini. Ju s’keni shumë vota, veç genjeni se keni. Në fakt votat i keni marrë në emër të ndryshimit pozitiv e jo për kauzë të shamisë nëpër shkolla qysh jeni t’u vepru tash. Populli nuk i jep vota askujt për me e degradu jeten e tyre siç po tentoni ju tash kur po mendoni se jeni faktor politik. Nuk keni qenë faktorë, as nuk jeni. Po të ishit nuk do të futeshit në xhep të Albinit, por do të provonit me liderin tuaj shpirtëror, Shefqet Krasniqin, atë që nënë Terezës i caktoi përjetësinë në ferr! Ju e dini mirë se me Shefqet Krasniqin as pragun nuk e kaloni.
Ju veç keni dashtë me u rritë si grup në Vetëvendosje t’u i pranu formalisht kauzat e Albinit e me e realizu kur t’ju vie në shtek kauzën e shamisë. E, nëse kjo ndez, me e ba edhe segregacionin e nxënësve mashkuj nga nxënësit femra, qysh e “ka lanë” Allahu në Kuran! Pastaj vijnë kërkesa tjera edhe ma radikale deri tek lejimi i martesave brenda familjes qysh bahet në shumë vende islamike që ky popull i urren dhe nuk i pranon.
Prandaj ju keni me e lanë mulla Albinin dhe keni me kalu të djali i haxhi Milazimit dhe prej aty të dosti juaj Lumiri, prej Lumirit te Feridi dhe krejt në fund keni me përfundu aty ku e keni vendin – të Gëzim Këlmemdi. Qaty me Gëzimin keni me u sjelllë e pështjellë dhe parlamentin jo me pa me sy edhe rrafsh 30 vjet, që do me thënë kurrë.
Agjendat fetare s’kanë me kalu, as sot dhe asnjëherë. Shkoni merruni vesh me atë që ju ka premtu. Populli ju refuzon sapo ta marr vesh kush jeni e çka doni. Prej tash ju premtoj se kam me punu që me e nxjerr në shesh fytytën dhe qëllimin tuaj të vërtetë. Prishtina nuk ka me i ngja Sarajevës së pasluftës, por ka me mbetë Prishtinë evropiane dhe gjithnjë ma e civilizuar, siç kanë dashtë ata që e kanë dhanë jetën për liri kombëtare e jo për çështje fetare.
Shkollat publike nuk kanë me i ngja mejtepeve. Nëse nuk don Albini me shku rrugës se kombit, ju paralajmëroj se kemi me e gjetë një Albin tjetër!

Me propozimin për shaminë edhe Albini u korruptua!

Drini.us
-
1
Me propozimin për shaminë edhe Albini u korruptua!
Nga: Zeqir Bekolli, shkrimtar, Drenas
___
Nuk mbet kush në Kosovë pa u korruptua. Më në fund po del se edhe Kryeministri i Kosovës u korruptua, gjë të cilën nuk e kam besuar më parë, sepse një kohë e pata kundërshtuar publikisht ish- kryeministrin Ramush Haradinaj, kur pat thënë publikisht se “Albini është hajn”. Atëbotë punoja në ministri, e Ramushi nuk u tregua hakmarrës dhe nuk mori asnjë masë ndaj meje.
Por tash po e shoh se vlerësimi im nuk paska qenë bash i saktë, se për vlerësime të tilla u dashka me pritë, me i dhanë njeriut pushtet, e pastaj me ba vlerësimin.
Kur përmendim fjalën korrupsion, të gjithë mendojnë se flitet për ata që vjedhin pare. Por nuk është pikërisht ashtu. Janë dhjetra e ndoshta më shumë lloje të korrupsionit. Njëri prej tyre është edhe propozimi i Albinit për shaminë, të cilin ky e bën nën trysni të krerëve të BIK-ut, por edhe me qëllimin që ky propozim nesër t’ i kthehet në votë.
Pra, në këtë rast, ky është një lloj përfitimi, sepse Kryeministri keqpërdorë pushtetin, për të marrë një vendim, që nuk është në interesin nacional, në kundërshtim me ligjet ekzistuese të shtetit jo fetar( laik), por edhe në kundërshtim me ligjin dhe me rregullat e shkollave tona. Propozimi i Kryeministrit është edhe në kundërshtim me të drejtat dhe liritë e fëmijëve, sepse duke ua vënë shaminë fëmijëve në kohën e adoleshencës, pa pritur vendimin e tyre në moshën madhore, shkelë rëndë këtë të drejtë, dhe jo vetëm këtë.
Me këtë propozim, që nuk shpresoj se miratohet, mohohet e drejta e femrës për me vendosë për fatin e vet.
SI PO SAKATOSET CIVILIZIMI YNË I LASHTË?!
Veshjet tona kombëtare janë plot kolorit, tërheqëse për syrin, që bartin më vete optimizëm dhe dëshmojnë civilizimin tonë të lashtë.
Burka, një veshje e huaj, personifikon Mesjetën e hershme. Ajo dëshmon pozitën e rëndë të gruas dhe paralajmëron kthimin në kohën e errët të njerëzimit.
Fotot krahasuese flasin vet.

Zeqir Bekolli

Parodi për shaminë
Hoxhallarët n’kamë janë que
Shumë bërtasin nëpër xhami
Donë Mesjetën me aplikue
T’i mbulojnë fëmijët me shami
Kështu thonë e kemi ba njet
Kosovën mbrapa për me que
Drejt e drejt deri n’Mesjetë
Kështu turko-arapët na kanë urdhnue
Se kjo rrugë nuk është risi
Për këtë BIK-u është betue
Autostradë për Rusi, Serbi,Siri
Me shami dojnë me ndërtue
Hesht Kuvendi, thotë s’ka gajle
Se ka zëdhënësen për shami
Deputetën Duda Balje
Me shumë përkrahës në LVV-i
Opozita sikur struci
E ka futë kokën thellë në zallë
Për shami si ndihet zëri
Flasin tinëz veç në mahallë
Shkollat tona duan me i nxi
Me arrna të sjelluna nga shkretëtira
Hoxhallarët si me inat
Se duan ligjin, duan shejirat!
Flasin zëshëm ban, ban, ban
Pa respekt për arsim, Ministri
Duan pushtet si n’Afganistan
Jo qytetërim, demokraci
Femrën duan me e gjunëzue
Që të mos ndihet zëri i saj
Me rrah me gurë e me torturue
Siç veprojnë atje n’Saharë
O BIK i “dashun” nuk je në Bagdat
Pse n’Kosovë nuk je regjistrue
Qyshkur je firmosur n’Beligrad
S’don me Prishtinën me ndërrue
Jemi Europë, NATO, Amerikë
Mesjetën moti e kemi shkelmue
S’duam ISIS, ju themi pikë
Duam fëmijët tanë lirinë me shijue
Mbani shamitë n’mejtepe, n’xhami
Skeni punë në shkollat tona
Duam fëmijët të rritën n’liri
Ndal burkave ,mbi kokat tona
Ju themi troq nuk bëjmë hajgare
Juve të frymëzuar nga ISIS
I kemi veshjet tona kombëtare
Tirq, zhguna edhe plis

Rusia, prapavijë e rrezikshme e armiqve të kombit shqiptar

Drini.us
-
0
Rusia, prapavijë e rrezikshme e armiqve të kombit shqiptar
Në foto: Tanket e Federatës Ruse në Mariupol-in e pushtuar të Ukrainës
Nga: Hyzri Salihu, Ferizaj
* Urgjentisht duhet izoluarë Rusia në Botë
Rikujtim#
Strategjia ruse shfrytëzon nostalgjinë e lavdisë së dikurëshme të ish-Bashkimi Sovjetik për ringritjen graduale të fuqisë së saj.
Ajo synon armatimin strategjik për të mbrojtur territoret dhe është e ndikuar nga rreziku i shpërbërjes.
Si aleate historike e Serbisë, Rusia depërton në Ballkan duke synuar depërtimin financiar në vendet e Ballkanit Perëndimor. Përmes ndikimit politik dhe spiunazhit diplomatik, ajo nxit luftën hibride, duke sfaqur agresivitet në qëndrimet e saj politike e diplomatike.
Nuk mohohet ëndrra ruse për daljen në Adriatik, në Maltë për të dominuar Mesdheun. Me strategji të organizuar ajo nxit përçarjen midis kombeve, vendeve të NATO në rajonin Ballkanik dhe demostron forcën gjeostrategjike për të ushqyer krizat brenda BE. Ndikimi rus është i pranishëm në Serbi, duke syniuar kontrollin pjesë-pjesë të rajonit. Lufta hibride parasheh masa shtrënguese për nënshtrimin politik të kombit shqiptar.
Ajo ndjek synimet aq sa e ka lidhur Serbinë pas qëndrimit të saj, edhe pse kjo e fundit është e rrethuar nga vende të NATO dhe formalisht aspiron për t’u antarsuar në BE.
Prapa çështjes së Kosovës, më shumë sesa Serbia qëndron Rusia. Vendi që e pengon njohjen e Kosovës në fakt është Rusia dhe politika e Serbisë është një pasojë e qëndrimit rus.
Politika e Serbisë duhet të denoncohet si luftënxitëse dhe destabilizuese. Ajo pretendon për antarësim në NATO dhe në BE, në të njejtën kohë që armatoset maksimalisht nga Rusia dhe mban qëndrim të dyshimtë në marrëdhëniet me Perëndimin.
Nëse nuk ndërhynë Bashkësia Ndërkombtare , do të ketë pasoja të mëdha !

Popull me “Stockholm syndrome”

Drini.us
-
0
Popull me “Stockholm syndrome”

Nga: Albulena Bilalli, Prishtinë

Në udhëzimin administrativ UA 06/2014

në Nenin 3

– Veprimet e ndaluara

– Nxënësit i ndalohet: pika 1.13 që thotë: Bartja e uniformës fetare.

Pra, nuk është e përcaktuar gjinija apo shamia, mos i ngatërroni gjërat.

Këtu nuk ka të bëjë me gjininë femërore, që e keni banalizuar nëpër rrjete sociale. Këtë nxitje e kanë filluar disa meshkuj.

Pra disa Ameba të përgjysmuara.

Nëse një grup i vogël ekstremistësh meshkuj, duan ti legalizojnë bindjet dhe veprimet e veta serike, duke u fshehur pas shamisë së grave është paburrni, pafundësisht hipokrizi dhe ligësi.

Cenim i të drejtave është me përdorë figurën femërore, për interesa politike apo religjioze. Ndërsa vajzat dhe gratë tona heshtin në mënyrë kolektive! Tash kjo po lenë përshtypje që edhe këto pa mbulesë, nuk kane liri të shprehjes e as guxim. E fajet nuk i kanë ata, po vet gjinija ime, që e idealizon Amebën edhe e ngritë në piedestal.

Për lirinë, emancipimin e tyre duhet të flasin, të i mbrojnë, e luftojnë vajzat dhe gratë vet. Ky është emancipim.

P.S.

Për ata që nuk e kuptojnë termin e Stockholm syndrome: Ky term u përdor për herë të parë nga media në vitin 1973, kur katër pengje u morën gjatë një grabitjeje bankare në Stokholm, Suedi. Pengët mbrojtën rrëmbyesit e tyre pasi u liruan dhe nuk pranuan të dëshmonin në gjykatë kundër tyre. 

Islami politik, nënshtrimi i politikës dhe heshtja e intelektualëve shqiptar

Drini.us
-
2
Islami politik, nënshtrimi i politikës dhe heshtja e intelektualëve shqiptar

Nga: Nue Oroshi, Kiel, Gjermani

Ka më se paku  njëzet vite që kam qenë ndër të rrallët që me forcën e argumentit shkencor dhe politik e kam ngritur zanin kundër dukurive të këqia në botën shqiptare, qoftë ato të islamit politik që fatkeqësisht e ka kapluar politikën shqiptare qoftë kundër orientimit komunisto-pansllavist që e ka dëmtuar deri në palcë kombin shqiptar.

Këto dy ideologji politike kanë bashkëpunuar dhe po bashkëpunojnë shumë ngusht me njëra – tjetrën. Këto dy re të zeza që po fluturojnë mbi tokat arbërore janë duke e tymosur me të zi tokën dhe qiellin arbëror. E keqja më e madhe qëndron se në të shumtën e rasteve kemi pasur dhe kemi politikan tradhëtar që për të ruajtur elektoratin politik ata janë në gjëndje që të shtrijnë qafën dhe të pranojnë çdo gjë që i dëmton deri në palcë trojet arbërore.

Ata që kanë qenë më herët në politikë dhë në qeverisje përmes shumë shkrimeve dhe analizave politike i kam kritikuar më forcën e argumentit për gabimet me islamin politik dhe nënshtrimin ndaj Turqisë e Serbisë. Me pas është vërtetuar se kritikat kanë qenë konstruktive dhe çdo gjë që e kam thënë ka dalë e vërtetë. Ndërsa këta të rinjt që sot janë në pushtët në Kosovë , nëse i nënshtrohen Islamit Politik, ata nuk do të kenë jetëgjatësi politike. E faktet po dëshmojnë se edhe këta të rinjët janë shumë afër që të bijnë komplet nën ndikimin e islamit politik.

Shqiptarët historikisht kanë jetuar edhe sot jetojnë bashkë me njëri-tjetrin pavarësisht besimeve fetare që ju takojnë. Por ajo që e ka dëmtuar dhe e dëmton shqiptarin është arabizimi i trojeve shqiptare përmes mijëra milionave euro që po jep Serbia, Rusia, Turqia dhe shtetet Arabe që ti japin një orientim e imazh (pamje) tjetër kombit shqiptar dhe jo ashtu siç është.

Dorën në zemër duhet ta pranojmë një fakt se deri diku ja kanë arritur qëllimit që të kenë sukses. Zakonisht sukses kanë pasur tek ato familje që tradicionalisht kanë qenë të lëkundura në aspektin kombëtar. Ato familje herë kanë qenë me turkun, herë me shkaun, herë me komunizmin dhe sot i gjen me islamin politik. Pra, janë shërbetor i të gjitha regjimeve dhe ideologjive  antishqiptare. Dorëzimi i politikanëve të sotshëm islamit politik në Shqipëri, Kosovë dhe Maqedoninë shqiptare, është një shenjë se këta politikan shumica prej tyre jo të gjithë, rrjedhin nga familje me një identitet të përzier kombëtar dhe janë një lloj përzierje që nuk dihen fare se prej nga rrjedhin, kush janë dhe çfarë përfaqësojnë. Deri sa këtij lloji të politikanëve nuk ju intereson fare çështja kombëtare por janë dashuruar në pushtet dhe janë në gjendje çdo gjë të bëjnë vetëm që ta mbrojnë pushtetin.

Zhgenjimin më të madh e kam me shqiptarët intelektual të besimit islam. Jam i bindur se në të gjitha trojet shqiptare kemi shqiptar atdhetar të besimit islam, intelektual të mirë dhe të mirfilltë që kanë punuar dhe po punojnë që çështja kombëtare të ecë përpara. Më shumë prej tyre ka dy dekada që jam duke punuar bashkë dhe kemi arritur që të qesim në dritë historinë e mohuar të kombit shqiptar. Këta shqiptar të mirë dhe atdhetarë duhet ta ngrisin zërin dhe ti thonë politikës mjaft është mjaft.

Orientimi i Shqipërisë dhe Kosovës, është Evropa dhe Amerika. E jo Serbia,Turqia, Rusia e Arabia.Shqiptari i mirë mund të lutët e falët në kishë dhe xhami, por është  gjaku i përbashkët arbëror, që na bashkon dhe këto hijena nuk munden të na ndajnë kurrën e kurrës. Deri sa nje pjesë e intelektualëve që jetojnë në viset etnike shqiptare mund të kenë ndonjë frikë të hakmarrjes siqë është heqja nga puna apo ndonjë frikë tjetër. Por pse frikësohen dhe nuk e ngrisin zërin intelektualët shqiptar në mërgatë? Kanë frikë apo janë antarësuar dhe e kalojnë jetën në ndonjë shoqatë apo klub turko – arab dhe janë tjetërsuar komplet.

Të gjithë shqiptarët duhet ta dinë dallimin në mes të shtetit laik dhe shtetit që udhëhiqet me sheriati. Shqipëria e Kosova janë shtete laike me kushtetutë ku ju mundësohet të gjithve liria e besimit fetar. Kjo është krejt në rregull. Por shkollat janë institucione shtetrore të të gjithë shqiptarëve pa dallim feje apo ideje. Aty nuk duhet të ngjyrosën me ngjyrime të islamit politik.Të gjithë ata që mendojnë se Kosova duhet të Arabizohet e kanë gabim. Sepse për Arabizimin e Kosovës maksimum mund të jenë 10% shqiptarë dhe jo 95% siç trumbetohet. Kurse 90% e shqiptarëve në Kosovë e Shqipëri janë të orientuar kah Evropa dhe Amerika.

”Shkronja vret e fryma jep jetë ”, thotë një fjalë e vjetër latine.Shqiptarët duhet ta dijnë një gjë. Nëse të vret dikush lypet që të nxirret gjaku.Por nese e vret veten shkon gjak humbur. Nuk duhet te shkojmë gjakhumbur por duhët të lidhim  besën me njëri-tjetrin pa dallim feje apo krahine që Shqiptarinë ta vendosim në rend të parë. Në fund e kam edhe një vërejtje për të gjithë tradhtarët që janë duke shkelur mbi gjakun e heronjve të të gjitha brezave.Keni kujdes se përveç që do t´iu vret gjaku i deshmorëve, heronjve dhe martirve shqiptar që u sakrifikuan nëpër shekuj për një tokë, qiell, diell e shtet shqiptar, do të vjen koha që nuk do ti kullosni kuajt aziatikë e karpatianë nëpër trojet shqiptare se nuk është bërë ujë  gjaku i Gjergj Kastriotit.

U mbajt Akademi përkujtimore dhe promovimi i librit, “Frrok Gojani pedagog dhe misionar i denjë i shkollës shqipe”

Drini.us
-
0
U mbajt Akademi përkujtimore dhe promovimi i librit, “Frrok Gojani pedagog dhe misionar i denjë i shkollës shqipe”

Shkruan: Lekë Mrijaj, Klinë

Nën patronatin e Forumit të Intelektualëve “Luigj Gurakuqi” në Klinë dhe në bashkëpunim me Drejtorinë e Arsimit dhe Drejtorinë për Kulturë, Rini dhe Sport të komunës Klinës, në Asamblenë e komunës së Klinës, është mbajtur Akademi Përkujtimore me rastin e 85 vjetorit të lindjes së prof. Frrok Gojanit, njëkohësisht për nderë të tij është bërë edhe promovimi i librit:”FRROK GOJANI PEDAGOG DHE MISIONAR I DENJË I SHKOLLËS SHQIPE” autor Mikel Gojani.

Autori i librit Mikel Gojani …

Moderimin e kësaj Akademie Perkujtimore dhe promovimi të librit e bëri Valjeta Gojani (mbesa e prof. Frrokut) e cila veq tjerash tha se: “Profesor Frrok Gojani një jetë të tërë ja kushtoi dijes dhe arsimit shqip pikërisht dhe për këtë ideal të lartë i ngjan Qiriut Naimian, duke shkrirë veten për t’u bërë dritë të tjerëve. Gjatë gjithë rrugëtimit jetësor, profesor Frrok Gojani bëri përpjekje që midis nesh të sjellë sa më shumë dritë mendimi, sa më shumë dituri, sa më shumë vërtetësi. Ndërsa në vazhdim moderatorja Gojani. Këtë përkushtim dhe idealizëm të tij e konfirmoi edhe data e 28 Nëntorit të vitit 2020, kur në këtë Ditë më Kulmore të Kombit – Ditën e Flamurit Kombëtar, u shua nga jeta, duke na i lënë peng Selinë e dijës, mësimet, mesazhet dhe udhërrfimet që brezave të rinj do t’ju shërbejnë frymëzim në jetën e tyre. 

Tërë jetën punoi si misionar i denjë i arsimit për të gjallë të tij duke siguruar i siguruar vetës përjetësinë tha në fjalën e saj moderatorja, znj/sha Valjeta Gojani.  

Të pranishëm në këtë ngjarje ishin drejtues të pushtetit lokal, zv/kryetarja, znj. Marqe Tanushit-Selmanaj me stafin e saj, miq, familjarë të prof. Frrok Gojanit, bashkolegë e ish nxënës të tij Intelektual të lartë dhe qytetarë të tjerë nga Klina me rrethinë. Njëkohësisht morën pjesë edhe klerikët shqiptar të dy bashkësive fetare katolike e muslimane, dom Pashk Dani, mulla Xhevat Kryeziu dhe dom Ambroz Demaj. 

Të pranishmit në këtë Akademi me nga një fjalë i kanë përshëndetur zv/kryetarja Marqe Tanushi-Selmanaj e Skender Maxharaj, drejtor i tanishëm, i shkollës së mesme “Luigj Gurakuqi” në Klinë.  

Me pas në këtë Akademi përkujtimore për jetën dhe veprën e prof. Frrok Gojanit, ka folur edhe prof. Pal Canaj, kryetar i Forumit të Intelektualëve “Luigj Gurakuqi” Klinë i cili shpalosi disa mbresa kujtimi për prof. Frrok Gojanin duke thenë: “Mësuesi është përhapësi i dritës“ pohonte atdhetari dhe mësuesi ynë i madh  Luigj Gurakuqi “Një nxënës, një mësues, një libër dhe një laps mund të ndryshojnë botën”, ka thënë aktivistja e shquar pakistaneze Malala, laureate e Çmimit Nobel për Paqe. Kjo humaniste ishte shprehur kështu disa vite me pare, ndërsa profesori Frrok Gojani  para gjysmë shekulli, përmes  lapsit dhe librit, respektivisht arsimimit te gjeneratave të reja synonte ta ndryshonte botën e njerëzve të rrethit të tij, në Kosovën e atëhershme . Për profesorin Frrok Gojani si mësimdhënës , drejtor i parë i Gjimnazit “ Luigj Gurakuqi” në Klinë, për misionin e tij prej iluministi, ruajnë përshtypje shumë bashkëkohës të tij, mbresa të cilat vështirë të jenë shteruese, kushtuar kësaj figure të ndritshme të arsimit shqiptar. Madje Profesor Frrok Gojani, gjatë shkollimit të mesëm sa isha në gjimnaz,  ishte  drejtor i Gjimnazit ‘Luigj Gurakuqi” në Klinë, por ka pasur semestra që angazhohej edhe si mësimdhënës. Në të gjitha angazhimet e tij profesori Frrok Gojani ishte një kontributdhënës i një shembulli të rrallë. Figura e këtij pedagogu nga ish nxënësit dhe koleget e tij mbetet në kujtesë si vlerë e një periudhe historike. Mbresa kujtimi: Urtësia prej pedagogu e profesorit Frrok Gojani sikur ngjasonte me metodologjinë e Sokratit.  “Unë nuk mund t’i mësoj askujt asgjë, unë vetëm mund t’i bëjë ata të mendojnë” -shprehej Sokrati.

Ndërsa Shkrimtari argjentinas Borges pati thëne “E kam imagjinuar gjithnjë Parajsën si një lloj biblioteke”, ndërsa shkrimtari Mikel Gojani, bibliotekën, ketë parajse të dijes e ka begatuar me monografinë kushtuar profesorit: “Frrok Gojani pedagog dhe misionar i denjë i shkollës shqipe”. Rruga jetësore prej pedagogu e  profesorit Frrok Gojani, ishte misioni i tij i përndritjes se mendjes tek gjeneratat e reja. Prandaj në përkujtim të mësuesit –profesorit  Frrok dhe pishtarëve të tjerë të arsimit, si dhe në shenjë te 30 -vjetorit të nismës Shtëpi- Shkollë,  në rrethanat e okupimit serb në Kosovë, sa bukur do të jehonte që një prej rrugëve në kahe të gjimnazit, në qytetin e Klinës të quhet “Rruga e Mësuesit”, tha në fund të fjalës prof. Pal Canaj.  

Në pjesën e dytë të Akademisë përkujtimore në drejtimin e panelisteve: dr. Xhavit Bicaj, Luigj Gojani, Anton N. Berisha, Fatjona Gashi, drejtoreshë e kulturës, Mikel Gojani, autor i librit, u mbajt edhe promovimi i librit: “FRROK GOJANI PEDAGOG DHE MISIONAR I DENJË I SHKOLLËS SHQIPE” ku folen njohës të përmasave të larta letrare. 

Shkrimtari dhe studiues i mirënjohur i letërsisë, i cili njëherësh është edhe redaktor i këtij libri, prof. Prend Buzhala veq tjerash tha se:  ”Emri i pishtarit të arsimit Frrok Gojani është i njohur, jo vetëm në Komunën e Klinës, Dukagjin, Rugovë, por edhe në tërë Kosovë, Shqipëri dhe gjithë hapësirat tona etnike. Ky pishtar i dijes dhe i arsimit shqip,  një jetë të tërë ia kushtoi këtij misioni të shenjtë arsimimit dhe edukimit të shumë brezave shqiptarë. Ndërsa në vazhdim ka trajtuar librin “FRROK GOJANI PEDAGOG DHE MISIONAR I DENJË I SHKOLLËS SHQIPE” dhe foli për srukturen tekstuale e dëshmuese të librit si dhe bëri disa evokime në intermexo.  Me një fjalë, prof. Prendi tha se është sikundër e thotë dhe e pranon vetë W. Churchill: “Mësuesit e shkollave kanë një fuqi që kryeministrat vetëm mund ta ëndërrojnë”. Dhe kjo dëshmi e kësaj fuqie misionare pedagogjike, e tejkohshme, na vjen edhe tani, nëpërmes kësaj monografie.

Shkrimtari dhe studiuesi më i spikatur letërsisë shqipe, prof. dr. Anton Nikë Berisha e vlerësoj prof. Frrok Gojanin veq tjerash ka thenë se secili autor që është marrë mirëfilli me studimin e letërsisë sonë gojore nuk e ka pasur të vështirë të bindet se në procesin e formimit, të gjallimit e të zhvillimit të popullit tonë kjo letërsi me llojet e saj luajti një rol të rëndësishëm dhe të vijueshëm që nga kohët më të lashta. Krijuesit gojorë nëpërmjet këngëve dhe llojeve të ndryshme të prozës (përrallës, kallëzimit, anekdotës) ose urimeve, mallkimeve, fjalëve të urta etj., shprehën botën e tyre të brendshme dhe shfaqën ndjenjat dhe mendimet për jetën, për veprimin dhe për fatin e njeriut, pastaj për natyrën dhe për dukuritë e saj tha prof. Anton Berisha. 

prof. Anton Berisha

Pedagogu, shkrimtari dhe studiuesi i cilësueshëm, prof. Hajdin Morina: Emri i profesorit Frrok Gojani është një nyjë ku lidhen ndryshimet, zhvillimet, sfidat dhe planifikimet për një arsim sa më të avancuar e cilësor, të mbështetur në tabanin tradicional historik dhe kombëtar, në komunën e Klinës, por edhe më gjerë. Ky personalitet e ka siguruar tashmë vendin në panteonin e arsimit shqip, pranë personaliteteve të tjera që dhanë mund e gjak për zhvillimin e shkollës shqipe dhe për shfrytëzimin e kapaciteteve të saj për emancipimin e popullit, për përparimin dhe pjesëmarrjen e tij në krijimin e integruar të vlerave evropiane dhe të produkteve që do t’u nevojiten brezave të nxënësve dhe të mësuesve të çdo kohe kur do të përballen me sfidat e reja të epokave të zhvillimit ekonomik e teknologjik dhe me kërkesat për ndryshim të kurrikulave mësimore në përputhje me prirjet dhe tendencat bashkëkohore, por të ndërlidhura gjithmonë me traditat e mira dhe pozitive të shkollës sonë tradicionale, me rrugën e saj plot mundime e sakrifica, flijime e vizion të qartë për perspektivat kombëtare dhe ato të integrimit në praktikat më të përparuara dhe më të dobishme të shkollës bashkëkohore në Europë e më gjerë.

Profesor Gojani ka qenë me pikëpamje dhe ide novatore në fushën e mendimit pedagogjik dhe në fushën e emancipimit kulturor e qytetar. I kishte hije dhe ndikim fjala, rrëfimi për shkollën, për historinë e për pajtimin kombëtar. Nëpër ndeja, në raste gëzimesh e hidhërimesh, shprehte dëshirën ta marrin fjalën të rinjtë dhe kur krijohej një situatë e tillë e komunikimit, profesori bëhej një dëgjues aktiv dhe emocionohej. Kudo e thoshte fjalën e vet që rrezatonte dashuri, përvojë dhe interesim të dëgjuesve për ta kuptuar në tërësi domethënien, kuptimin dhe mesazhin që ishte aktual në kontekstin kohor. Kishte aftësi të rralla oratorike, kreative dhe komunikatave. Kudo ishte mësues i mirë dhe efektiv. Jo vetëm para nxënësve në shkollë. E kaloi një jetë vertikalisht. Asnjëherë, në asnjë rrethanë shoqërore e personale, nuk bëri kompromis për çështje të kombit, të arsimit dhe të gjuhës shqipe. Profesor Gojani është rilindës i kohës sonë. I devotshëm në parimet, qëndrimet dhe praktikat e tij njerëzore, qytetare, zyrtare dhe edukative. I devotshëm në qasjen ndaj gjuhës shqipe dhe produkteve të saj letrare. I pakompromis dhe kritik konstruktiv ndaj çdo shfaqjeje jo të mirë, diletante dhe pa etikë në kontekstin shoqëror qoftë në fushën politike e shoqërore, qoftë në fushën arsimore e kulturore. Unë kështu e njoh profesor Frrok Gojanin tha në fund të kumtesës së tij, prof. Hajdin Morina.  

Publicisti, Lekë Mrijaj bëri një portretizim të figurës së prof. Frrok Gojanit dhe veprës dedikuar këtij pishtari të arsimit, shkruar nga prof. Mikel Gojani, duke thenë: Se “Historia është mësuesja e jetës”, më së miri e shohim në monografin “FRROK GOJANI PEDAGOG DHE MISIONAR I DENJË I SHKOLLËS SHQIPE” të studjuesi dhe shkrimtari Mikel Gojani. Ky autor, edhe pse vokacion kryesor ka artin shumdimenzional letrar, me stilin e tij tejët të veçantë, ka bërë një emër të fuqishëm në fushën letërsisë shqiptare por edhe në atë të historiografisë letrare dhe shkencore. Këtë kushtimisht e them se e deshmojnë veprat e tija të shumta monumentale të botuara, qe janë libra të zhanreve të ndryshme me ese, poezi, romane, studime, hulumtime, gazetari, opinione etj. Përmes, këtij recensioni të shkurtër unë pak a shumë jam munduar që t’i pasqyroj disa pika të rëndësishme të këtij projekti që ka një vlerë madhore në oqeanin e historiografisë sonë, gjë që ky libër siq e kam thenë edhe sipër, lirisht mund të themi se mund të jetë model edhe për hartimin e shumë librave të tjera nëpër kapituj të librit të cilat paraqesin një vlerë të madhe për galerinë e Selisë së dijës dhe arsimit tonë mbarshqiptar tha në mes tjerash publicisti, Lekë Mrijaj.  

Me këtë rast të shenuar me një këngë rapsodike përkushtimore dedikuar doajenit të arsimit shqip prof. Frrok Gojanit, është prezantuar edhe rapsodi i mirënjohur, Bajram Haliti nga Skënderaj, me tekstin e shkruar nga krijuesi Zenel Zekolli. Ndërsa në emër të familjes së Frrok Gojanit, të pranishmit i përshëndeten dhe i falenderuan për pjesmarrje në këtë ngjarje, biri i tij Arianiti dhe autori i librit, prof. Mikel Gojani.  

Në fund të organizimit autori i librit, prof. Mikel Gojani, ju ka dhuruar nga një libër të gjithë të pranishmeve.  

Hysen Uka kall kamishin

Drini.us
-
0
Hysen Uka kall kamishin
Ilustrim i huazuar i një plaku …
Ndoc Bushgjoka, shkrimtar, Tropojë
Toleranca është bija e dyshimit.
Remark
***
Hysen Uka kall kamishin.
Atje ku Drini plak bënte një kthesë, ndanë drumit Shkodër – Gjakovë, kishin shpinë Hysen Uka i Ndreajve. Dikur thoshin trim dai si Hysen Uka, por vjetët kishin rrjedhë si uji i Drinit poshtë kullës së tij, e tash ai pa djalë pa çikë po i afrohej qindit. Dera e tij ke e hapun për mik, dashamir, kumbar, uzdajë e drumtarë. Pa zjarm, bukë, raki e miradije s’ke gjetë kurrë.
Atë ditë tuj pi duhan shihte flakët e zjarrit në vatër e kujtonte kohërat e dikurshme. Ashtu tuj ndejt me vështrimin e përhumbun ia merr kangës:
Çka kan’ malet që ushtojnë,
Dalë Berisha po luftojnë,
Shalë e Nikaj po i nimojnë…
E bash në atë varg, tre drumtarë tuj u kthye prej Shkodre mbrrijnë te kulla e Hysen Ukës. Ishin tre burra veshë e ngjeshë si s’kish ma mirë. Celinat n’krah e koburet e gjata në shokë. Njëri prej tyre, burrë karaduzë, me i ra hunda në tokë e gjuante me allti, nxjerr kamishin bishtgjatë, e mbush me duhan dhe afrohet te dritarja e shpisë. Sheh atë burrë plak tuj këndue afër zjarrit, përhumbë në mendime dhe pa e njatjetue e kurri fjalë tjetë, zgjat kamishin dhe i flet si rrogtarit në hanin e Shkodrës:
– Vndomia i gacë !
Plakut iu pre kanga. Vetullat shllungë të bardha iu rrëzuen mbi qerpikë e ftyra iu idhtue si ne ato kohëra kur pat dalë prej istikami tuj hallakatë:
– O del djalë për fushë se mue më thonë Hysen Uka i Merturit e nuk qes prej mas cungut.
E kqyri kamishin dhe dorën që e mbante. Një kori të tillë s’ia kish ba kush kurrë.
Pa nja pa dy, fjalët vonojnë, merr hekurin e votrës e sjell m’ thupërzak të kamishit, tuj folë të madhe:
– S’jam urë zjarri shkretë me ndez kamishët badihavxhinjve!
Kamishi u thye e gjysma e thupërzakut i mbet në dotë karaduzës drumtar.
– Ah! Ta q***** kryqin, – bërtiti ai e kthei celinën.
Hysen Uka u çue në kambë si dikur, shkuli pushkën prej murit, hapi derën e doli përjashta. Sa doli në oborr, merr shenjë e qet. Ndie se njeri prej tyre briti, e atë dakik tri pushkë flaksa u shprazën drejt tij. Hysen Uka u ul kadalë tuj u mbajtë mbi pushkë. bani kryq dhe u pshtet në kah të djathtë, sikur donte me fjetë gjume, pa u çue ma kurrë.
Dy kushërinjte e Hysenit, Nik Toma e Sadik Jetishi ndiejnë krismat e pushkëve, tretën ça kishin në dorë, e si Zana ia dhanë vrapit. Në oborr të kullës gjejnë plakun Hysen Uka mbytë në gjak. Plaku foli dy tri fjalë dhe mbylli sytë. Përtej udhës tre burra po ecnin sa mundnin shpejt. Nika e Sadiku kuptojnë gjithçka. Pa u marrë vesh me njëri tjetrin njeri rend drumit e tjetri mori shtegun e vadës pak më lart.
– O ndal ku shkon djalë bre, – piskati të madhe Sadik Jetishi, me i shti mnerën edhe fëmijës në bark të nanës.
Pushkë e piskamë. Tre drumtarët mbetën të dekun. Nika e Sadik Jetishi i kthyen mbarë u vunë pushkët përkrah e qitën zanin se asht vra Hysen Uka i Merturit.
Katër vetë të vramë thjesht për një kapërdisje dhe urrejtje fetare. Jo ma larg se njëqind vjet më parë, edhe ata udhëtarët kishin ba kryq, ndezë qiri e lutë Pashkë, Shënkoll e Shnandue.
Fjala, se si ndodhi e qysh u vra Hysen Uka, mori dhenë. E dikush në skaj të oxhakut i këndoi me çifteli atë kangë që ka ardhë deri sot:
Hysen Uka kall kamishin,
Mos ma shaj lum baca kryqin,
Kam do diel bukur të mërziçëm,
Kam Nik Tomën e Sadik Jetishin,
Për dy pare pushkën ta nisin,
Për dy pare ta nisin pushkën,
Vranë tre vetë për Hysen Ukën.
…
Hysen Uka shkon livadhit,
Qet shahi si Zana e malit.
Kësodrore, këto shkaktuan ndasitë fetare, dhe ne mburremi me tolerancën e paqënë kurrë. Nuk kemi parë e as nuk shohim se si e qysh po katandisemi përditë e më zi edhe nga ky armik i tmerruar.
Ndaj shënova në fillim thënjen e Erih Maria Remark se “Toleranca është bija e dyshimit.”
– Kush beson bëhet shumë lehtë fanatik. Prandaj të gjitha besimet kanë kushtuar aq shumë gjak.
(Shih E. M. Remark “Harku i Triumfit” faqe 51

Që ditën kur ushtria turke kryeulun, la Shqipërine dhe u nis drejt Anadollit e deri me sot, turqit kanë ëndërruar kthimin

Drini.us
-
0
Që ditën kur ushtria turke kryeulun, la Shqipërine dhe u nis drejt Anadollit e deri me sot, turqit kanë ëndërruar kthimin
Ndoc Bushgjoka, shkrimtar, Tropojë
____
Para pesë vjetësh, dhe pakkush dëgjonte.
Turku… si turku… dhe ndarja e roleve.
” Për të shmangur fjalën plagosëse ” turk “, ishte gjetur myslimanizmi, një nga tri besimet kryesore në botës. “
Kadare “Mosmarreveshja”
Që ditën kur ushtria turke kryeulun si grue e vejë, la Shqipërine dhe u nis drejt Anadollit e deri me sot, turqit kanë ëndërruar kthimin, dhe njiherit edhe riroberimin e shqiptareve.
Por pas viteve ’90 -të kur liria solli dhe çoroditjen e madhe, drejt trojeve shqiptare u sulen, shtetarë turq e ideologe te neootomanizmit, turli tinzaresh e hafijesh, dumbabistash e gjithfare laperdharesh. Qellimi – te gerryenin kombëtarine shqiptare, te felliqnin kulturen tone, te banalizonin gjuhen e shenjte shqipe, dhe permes gjithfare lutjesh, mallkimesh,hilerash turke, te shkaktonin edhe perçarjen e madhe duke treguar se ombrella e shpetimit, eshte ajo Turqia, qe ” i do aq shume shqiptaret”, i do jo si shqiptare, por si turq myslimane.
Për të realizuar qëllimit e mbrapshte antishqiptar neoroberuesit otomane, kane mobilizuar e hedhur ne sulm lyshtra poshtanikesh mercenare, te cilet i kane maskuar edhe me emra shqiptaresh te shquar, e qe operojne permes webit me grupe gjoja kombetare e deri me emrat ” kastriot ” etj.
Para pak kohe pashe se nje poshtanik të tille me emrin “kastriot deçani” se ku kishte gjetur nje postim kallpë kunder At Gjergj Fishtes, Dom Ndre Mjedes dhe Luigj Gurakuqit, dhe e trumbetonte si zbulimin e shekullit, dhe per çdo argument qe shkruhej aty, thosh me nje gjuhe çatalle prej çakalli, (gjuha e shkruar prej tij ishte nje medet – ibret), se: “ti dashamir nuk ki kapacitet”.
Qëllimi i hafijes te maskuar me emrin “kastriot deçani” ishte te shpallte se ” gjuhen e shkruar shqipe e ka inspiruar e financuar sulltani, dhe se At Gjegj Fishta , Dom Ndre Mjeda, Luigj Gurakuqi e te tjere si ata, ishin veçse sherbetore te sulltanit turk dhe lepiresa”.
( Njerez ruhuni nga plehrat ! )
Edhe pse kjo rrenë për livadh është sa e trashe aq dhe banale, ka njerëz qe e marrin seriozisht, si prootomanistët, ashtu edhe proshqiptarët.
Se sa e ka dashur turqia dhe turqit gjuhen shqipe eshte e njohur dhe e dine edhe femijet. Ka me mijera e mijera fakte te ndalimit me terror te gjuhes shqipe nga turqit. Dhe ky ndalim behej kur lejohej dhe trimërohej edhe gjuha greke dhe ajo sllave. kur lejoheshin e financoheshin edhe shkolla greke dhe ajo sllave.
Kur diktohej se ne ndonje shkolle flitej shqip, veprohej si ne rastin e Koto Hoxhit , qe e ka pershkruar me aq ndjenje Sevasti Qiriazi- burgosje tmerruese. Dhe kjo jo ne vitin 1500, por pas viteve 1900.
Pas Kongresit te ALFABETIT nje nga shkrimtaret me te medhenj turq, Sulejman Nazif, i quajturi ” kolosi i letersise turke “, ne kulmin e zemerimit ndaj gjuhes shqipe dhe alfabetit latin, “qe ata shqiptaret kishin zgjedhur” , kishte shkruar disa artikuj kunder ” shqiptareve mendjemedhenj”.
Turku Sulejman Nazif perveç mllefit dhe smires, çuditej se si ishte e mundur që shqiptaret kerkonin te ringjallnin nje gjuhe qe pas ndalimit shumeshekullor duhej te kishte vdekur me kohe.
Megallomanise shoviniste turke, te shprehur permes turkut Sulejman Nazif, ju kundervu me nje leter te hapur studenti shqiptar Mustafa Kruja. Dhe dihet se Mustafa Kruja nuk ishte i krishtere. Por kjo s’kishte rendesi. Ishte shqiptar, nje shqiptar i ndritur.. Krejt ndryshe nga anadollaket e hapur e te maskuar me emra shqiptare te tipit “kastriot deçani”.
Ndokush mund te çuditet apo te dekurajohet nga neootomanistet turq te maskuar me emra shqiptare dhe qe flasin nje zhargon qe pretendojne se ështe shqipe. Hiç mos u dekurajoni. Nuk jane shqiptare, por turq. Safi turq, “kastriot” deçanogllu. Jane turq te dale nga funderrinat e kohes se mesme. I dalloni lehte, edhe pertej maskes se emrave. Shihni si e flasin dhe e shkruajne shqipen. Shihni mentalitetin e tyre.
Krejt siç i kanë portretizuar shqiptaret moti :
– Turq te pabese.
…
Ndarja e roleve…
Folësi, me një mjekër të zezë dhe surratzi, kishte mbi një orë që deklamonte duke interpretuar me duar, duke shtrëmbëruar fytyrën, shkulur mjekrën. Fliste e fliste. Se si në atë pjesë të tokës ( dar-al-islam), besimi ishte bjerrë e se robt e allah-ut të çoroditur nuk i faleshin allahut të madhnueshem, nuk i mbulonin gratë, pinin verë e raki, e në dhomat e tyre të pritjes mbanin portretet e atij tradhëtarit të profetit, atë bukëshkalin, kryengritësin, vrasësin e muslimanëve, që pat shpalosë aso kohe një flamur me një shkabë të neveritshme, si për inat të gjysmëhënës.
– Cdo gjë sot atje ku dikur ne kishim ngulur mirë këmbët për të kërcënuar Europën, është kthyer së prapthi, bërë lesh arapi, ndërsa kaurrët u kanë zënë frymën besimtarëve tanë, që dikur kishin mbrojtje njëzet pikat e përcaktuara nga Kalifi Omar
(pastë rahmet ).
Dëgjuesit me sytë e përlotur, kishin kapur leshrat, përdridhnin gishtërinjtë shtrembëronin nofullat duke mërmëritur me llahtar :
– Nëc – nëc – nëc, ah -ah, allah, – shyqyr që kemi lindur muslimanë.
– Në keto kushte, – vazhdoi pas pak folës, – ne duhet të rendim atje. Të sakrifikohemi, të mos lëmë birë miu pa u futur, Të veshim lëkurën e qëngjit, të shpërndajmë ndihma, të fshehim thonjtë, – dhe ai mblodhi gishtërinjte siç ben macja kur do te mos gërvishë.
– Do ta nisim dhe me mallkimin e atij tradhëtarit që atje e mbajne si më të madhin hero, gati-gati një gjysëm perendi, – tha njëri.
– Jooooo. Ulu ! – e urdhëroi ai me tërsëllimë. – Ne duhet të punojmë me mend, jo si ai hoxha i Shkupit që çdo të xhuma shante heroin e tyre. Gabim ! Ai nuk rrëzohet lehtë. Duhet të rrëzojmë të tjerët. Të gjithe Gjergjat e tjerë. Pastaj rrëzohet dhe Gjergji i Madh. Le të ndjekim mësimet e sulltanit të madhnueshëm Mehmet Pushtuesit kur mori Konstandinopojën. Ai kishte dërguar me kohë atje njerëzit e tij. Kishtë blere me flori drejtuesit e fesë. Jenadhi, çdo ditë gjatë oratorisë së tij dhe lutjeve , thoshte se ” Më mirë do të ishte në Kostandinopojë çallma e Sulltanit se mitra e Papës. Ajo dinakëri bëri të mundur pushtimin e qytetit, dhe jo KERKAPORTA, që dikush e kishte “harruar” hapur.
Ne do të sundojme përseri atje kur të kemi qorrollepsur miletin, kur të kemi mashtruar, e pastaj frikësuar çdo rob allahu. Kur sejcili prej nesh do të luajë si duhet rolin e tij…
– Rolin.. – pyeti dikush nga salla.
– Po, po rolin. Ja psh ti Mahmut, që sot e tutje nuk do të mbash më këtë emër kaq kundërmonjës. Jo, do të kesh një emër te mallkuar. Pikërisht ” kastriot”. ta zëmë, do të thuash se je nga Deçani, nga është ai kryevezri i vendit që na ka quajtur ” flliqanat me mjekër”.
Dhe ti mahmutie, qysh tash do të heqësh atë emër që mban erë të këndshme arabie, dhe do të marrësh emrin e asaj kaurres “donika kastrioti”.
Do bëni sikur shkriheni për Gjergjin, atë bukëshkalin, dhe do sulmoni gjithë gjergjat e tjerë. Bie fjala, Gjergjin e Alfabetit të kaurrëve e të Lahutës . Shpifni për të. Shajeni. Përbalteni. Thoni se ishte një lëpirës i Turqve, dhe paguhej pej tyre të shante e mallkonte sllavët. Le të mos zgjatemi sejcili prej jush i ka të përcaktuara deri në detaje detyrat.
Për ata qe ju dallojnë e ju tregojnë me gisht, bashkuhuni dhe
sulmoni në grup, sipas strategjisë së hijenave.
Mundohuni ta tallni, ta nervozoni. Mos harroni ti thoni se: “ti ski kapacitet”.
Pastaj hidhuni në degën tjeter, që ai t’ju ndjekë, pastaj si një majmun kërceni në një tjetër pemë, më tej zbrisni në toke dhe ngjituni në hurmën tjetër, e prej atje urinoni e hidhni përgërat që ndjekësi të ikë i çmeritur nga era juaj beduine.
Dhe tani nisuni…
Yxhym !

Përhapja e neootomanizmit me ndërtimin e xhamive

Drini.us
-
0
Përhapja e neootomanizmit me ndërtimin e xhamive
Xhevat Gjini, Viti
____
Idetë per zgjerimin (rikthimin) e ndikimit turk ne te gjitha vendet e rajonet e pushtuara dikur nga Perandoria Otomane tashme jane angazhime, investime, politika, fonde dhe projekte te shtetit te udhehequr me dore te hekurt nga Erdogani. Turqia e Erdoganit po angazhohet intenzivisht per perhapjen e neootomanizmit, sidomos ne token shqiptare, qe otomanet e kishin mbajtur gati pesë shekuj te pushtuar dhe pa asnje te drejte kombetare!…
Dy shtetet e Shqiperise (Republika e Shqiperise dhe Republika e Kosoves) ka njezet vite qe jane shnderruar ne kantiere ndertimi xhamish turko-arabe! Vetem ne territorin e Republikes Shqiptare te Kosoves (10800 km katrore) jane ndertuar, pas Luftes, rreth 900 xhami!!! Kurse ne shtetin tone Amë eshte lejuar ndertimi i xhamise me te madhe ne Iliri fare prane tempullit te demokracise, fare prane godines me te rendesishme te shtetit, Kuvendit te Republikes dhe qindra xhami tjera!!!
Keto dite eshte dhene leja edhe per ndertimin e nje xhamie te madhe, dhjetra milionshe, ne qytetin tjeter shqiptar, ne Prishtine!!! Projektet, fondet, madje edhe vendi per ndertimin e nje xhamie, behen dhe percaktohen nga Turqia!!! Kuptohet me agjenci te tilla si TIKA, e qe eshte agjenci qeveritare-shteterore e Turqise!!! Ka edhe fonde e agjenci te tjera me pak te rendesishme, por qe kane te njejtin qellim shovinist: dobsimin e qenies shqiptare (do te donin edhe zhberjen!?), nga njera ane, dhe krijimin e imazhit te nje kombi islamik ne boten perendimore per shqiptaret… Te dyja keto qellime i sherbejne fort politikave shteterore neootomane te Turqise se Erdoganit dhe politikave shoviniste serbe, greke, “maqedone” e malazeze… Ketyre qellimeve turko-serbe ndaj kombit shqiptar u bashkohet edhe Greqia dhe kisha e saj shoviniste.
Ndertimi i xhamive ne token shqiptare nuk ka te bej fare me arsyet religjioze e me besimin ne Zot! Ato jane ndertuar e po i sherbejne, bashke me klerin e mercenarizuar, ideologjise neootomaniste ne ekspansion dhe ideologjive shoviniste e neofashiste serbo-greke dhe maqedono-malazeze.
Mbjellja e tokes shqiptare me xhami e minare turke (me simbolin e gjysmehenes pushtuese shekullore!!!) dhe ndotja e qiellit shqiptar (hapesires sone ajrore) me thirrje tiranike turko-arabe u bë dhe po behet e mundshme nga qeverite e korruptuara qe qeverisën e po qeverisin dy shtetet tona ne Shqiperi!
Ne favor te ketij ekspansioni antishqiptar eshte edhe mungesa e elitave te mirefillta kombetare, kulturore dhe intelektuale ne shoqerine shqiptare! Populli shqiptar kurre nuk ka patur me shume njerez me diploma universitare e me tituj shkencor-akademike, por edhe kurre nuk ka patur me pak njerez me formim intelektual, shkencor e kulturore kombetar dhe me kurajo qytetare e njerezore per t’u perballur e “kacafytur” me kete “permbytje” te kombit tone ne fillim te shek. XXI!! Kudo ne mjedisin shqiptat sundon shundi kulturor e artistik, obskurantizmi fetar, injoranca e mediokriteti, kozmopolitizmi dhe inferioriteti!!! Quo vadis popull shqiptar?!
Se pse ndertohen xhamite ne hapsiren shqiptare tregojne edhe vendet e zgjedhura per ndertimin e tyre e qe nuk kane te bejne fare me “nevojat e besimtareve” per to! Besimtaret e vertete falen e luten ne shtepite e familjet e tyre pa patur nevoje per “marketing”.
Shembull ilustrues per qellimin dhe funksionin antishqiptar te ketyre xhamive eshte edhe xhamia e ndertuar ne udhekryqin e madh, ne hyrje te Prishtines! Aty ku takohen rruget qe vijne nga Ferizaji, nga Gjilani e tash me rrugen tranzit edhe nga Drenica, Peja, Prizreni…! Vendi ku eshte ndertuar kjo xhami (shih fotote me poshte !) nuk ka asnje shtepi apo pallat banimi afer! Aty eshte “lagje” objektesh tregtare, pikash karburanti, hotelesh e objektesh tjera afariste… Aty nuk mund te kete shtepi e pallate banimi as ne te ardhmen, sepse eshte kryqzim i madh rrugesh e nuk ka hapsire. Pra, secili e kupton se xhamia u bë, si shume e shume tjera, per “marketing” neootoman dhe per t’i deshmuar botes se ky popull koken e shpirtin i ka ne Lindje-Azi (Ankara) e jo ne Perendim-Evrope, se kjo hapsire eshte “rezervat” i Turqise erdoganiste e jo toke e shqiptareve dhe e Shqiperise!!?? Zot, jepna force shpirterore e mendore qe te ruajme dhe perjetesojme deshiren dhe vullnetin tende per te qene e per te mbetur shqiptarë ne token e Shqiperise! Zot, ndihmoji e thirri bashkekombesit tane qe te kthehen ne rrugen tende e qe te njohin deshiren e vullnetin tende per t’u lutur ne gjuhen tone e per te qene shqiptare! Amen!
1...1,2601,2611,262...1,737Faqja 1,261 nga 1,737