Lidhja e Shkrimtarëve e Kosovës
Lidhja e Shkrimtarëve dhe e Artistëve – Dega në Kukës
NJOFTIM
Lidhja e Shkrimtarëve e Kosovës dhe Lidhja e Shkrimtarëve dhe e Artistëve – Dega në Kukës, më 9 e 10 qershor 2023, organizojnë festivalin ndërkombëtar tradicional të poezisë DRINI POETIK në Prishtinë-Prizren-Kukës, që sivjet mbahet për të katërmbëdhjetën herë me radhë. Tradicionalisht mbahet në shenjë të Lidhjes Shqiptare të Prizrenit.
Sesioni letrar i kushtohet shkrimtarit e atdhetarit SULEJMAN KRASNIQI, i cili një pjesë të madhe të veprave të tij letrare ia ka kushtuar Lidhjes Shqiptare të Prizrenit. Sivjet shënohet 145-vjetorit i Lidhjes, prandaj LSHK-ja do ta mbajë sesionin letrar me temën:
VEPRA LETRARE DHE ATDHETARE E SULEJMAN KRASNIQIT – Në 145-vjetorin e Lidhjes Shqiptare të Prizrenit. Paraqiten disa kumtesa nga studiues e shkrimtarë për jetën dhe veprën e këtij kolosi të letërsisë shqipe.
FNP “Drini poetik” hapet të premten, më 9.06.2023, në bibliotekën kombëtare “Pjetër Bogdani” në Prishtinë, fillon me sesionin letrar në orën 12 dhe vazhdon me takimin letrar “Lira magjike” në orën 17.
Të shtunën, më 10.06.2023, në orën 10, poetët udhëtojnë për Prizren, ku në Sheshin e Lidhjes së Prizrenit, në orën 12 mbajnë “Orën e Lidhjes”, kurse në orën 18, në pallatin e kulturës “Hasan Prishtina” të Kukësit organizojnë “Valët e Drinit”. Autobusi niset nga Instituti Albanologjik i Prishtinës.
Në këtë festival janë paraqitur rreth njëqind poetë nga të gjitha viset shqiptare, kurse dy poetët nga Pakistani, që pretendojnë se kanë origjinë nga Shqipëria, për shkak të situatës atje, nuk do të kenë mundësi të marrin pjesë.
Juria letrar jep tri çmime “Metafora I, II, III” dhe një komplet veprash letrare e shkencore të Institutit Albanologjik.
Kryesia e LSHK-së,
Kryetari
Prof. dr. Shyqri Galica
