Gëzim Muçolli
MALLI I UDHÊVE BINARE
Vjen në terr nga qyteti i Romeos
i zgjatur nga dhimbja mbi rrugën e hekurt
mbi binarë shkarkon vargje rënkimi të legjendës
së Xhulietës së pasherr
e në bredhje ngarkon udhëtarët e ngutshëm
stacioneve plot pritje
mes shpalljes së arritjes
në ndalesat e stacioneve
lokale
tingëllon ftofshëm urdhëri
i detyrueshëm i maskave
ffp dy
rikujton mnershëm kohën e papërfunduar të pandemisë
dhe budallakive njerëzore
në pritje të vitit të ri
treni gjysmë i zbrazët thërret
dimrin e borës së munguar
në imazhet e çerekshekullit
mes mjegullës ikë para
drejt lagunës ngjyrë stine
në fund të ëndërrës veneciane
ku jeta harron larminë e karnevalit
buzë vijës së verdhë
të stacioneve të mallit
për pellegrinët pa adresë.
Gëzim Muçolli
Padova, 30 dhjetor 2021.
