Ky rrëfim i Ragip Kçikut nuk është thjesht një episod personal – është një aktakuzë ndaj gjithë asaj klase pseudofetare dhe pseudopatriotike që ka blerë moralin dhe shpirtin e këtij populli në emër të fesë dhe kombit, por që në thelb janë asgjë më shumë se agjentë të korrupsionit dhe mashtrimit.
Ky është Islami i blerë me tendera, leje ndërtimi, dhe pazare nën tryezë!
Ata që dikur, me mjekra të rreme e flamuj në shpinë, mashtronin popullin se po shkonin të çlironin Kosovën në emër të Zotit, sot janë po të njëjtit që ndërtojnë xhami milionëshe për interesa personale dhe partiake. Këta nuk janë besimtarë. Këta janë tradhtarë islamikë, grupe të organizuara me mendësi terroriste, të cilët kanë për qëllim të përçajnë kombin dhe ta shkatërrojnë ndërgjegjen shqiptare nga brenda.
Kush tjetër përveç tyre ka guximin të përdhosë emrin e Zotit për të fshehur miliona euro korrupsion? Kush tjetër përveç tyre e përdor xhaminë si një pikë shitjeje, ku pazaret bëhen jo për falje, por për ndarje të parave dhe pushtetit?
E falënderoj mikun tim të nderuar, Gjergj Kabashin, për zërin e tij që nuk është shuar kurrë, për guximin dhe qëndrimin e tij të palëkundur përballë hipokrizisë fetare dhe kombëtare. Ai është një zë që duhet dëgjuar me kujdes – sepse është zëri i vetëdijes shqiptare, që nuk hesht kur Atdheu dhe besimi përdhosen.
Ne, shqiptarët, nuk do të shpëtojmë as me miliona euro xhami, as me mjekra false, por vetëm me njerëz të ndershëm, shpirtra të lirë, dhe patriotë të vërtetë që nuk e shesin dinjitetin për tender.
Zgjohu shqiptari im – zgjohu përpara se të jetë vonë!
