Komandant Mësuesi, dikur jo vetëm luftëtar i Ushtrisë Çlirimtare të Kosovës, por edhe mësues i përkushtuar, është ndër shqiptarët e parë që ka pasur guximin të flasë hapur kundër islamit politik. Ai e ka parë çlirimin e vendit si një betejë të dyfishtë: për lirinë e tokës dhe për lirinë e shpirtit.
Emri i tij ishte Beqir S. Sutaj, por pas pagëzimit vendosi ta mbajë me krenari emrin e tij shqip, Lekë Sutaj. Ky veprim nuk ishte vetëm ndërrim emri, por një akt simbolik, një rikthim i vetëdijshëm te rrënjët e lashta arbërore, te drita e fesë dhe kulturës që na mbajti gjallë ndër shekuj.
Mësuesi e tregon qartë se si mendësia turko-sllave, e imponuar përmes pushtimeve dhe robërive shekullore, na ka lënë të pazhvilluar e të pashkolluar, duke na mohuar të drejtën për dije, arsim dhe përparim njerëzor. Populli shqiptar, i shtypur ndër mote, ka mbijetuar vetëm falë forcës shpirtërore, besës dhe dashurisë për atdheun. Vetëm Zoti i madh e di sa ka vuajtur ky popull për të ruajtur gjuhën, emrin dhe dinjitetin e vet.
Por koha ka ndryshuar. Sot, me vullnet të lirë e me zemër të hapur, bijtë e këtij kombi po kthehen te rrënjët e tyre shpirtërore, në gjirin e Kishës së tyre katolike – aty ku dikur u pagëzuan të parët tanë, aty ku u formua vetëdija jonë kombëtare e perëndimore.
Zoti i bekoftë të gjithë ata që kërkojnë të vërtetën dhe dritën e shpirtit.
Zot, bekoje popullin tonë. Zot, bekoje vendin tonë me hirin Tënd.
Me 06.11.2025
Blerim Nika
Shih videon:
1. Krijuesin -Zotin kemi obligim ta adhurojmë, ndersa feja është dëshirë;
2. Kam të lexuar se në botë janë 8.200 (tetëmijë e dyqind) fé, ku janë përfshirë katolicizmi dhe Islami.
3. Kam dëgjuar Radio-Vatikanin në vitin 2006, Papa pat folë: “Për herë të parë në histori Islami na kaloi me rritje prej 19,7% e na me rritje prej 17,9%.
4. Me kthimin e Gjergj Kastriotit – SKËNDERBEUT në Krujë në vitin 1443, i ka tubue krenët e të gjitha fiseve shqiptare dhe, përveç ju ka tdânë:
Tash t’i lidhim duer e gishta,
E t’i lam’e xhamia e kisha!
‘ KJO LËN TË KUPTOSH SE edhe në Kohën e Skënderbeut kas pasë xhamia e kisha ka pasë edhe muslimanë edhe katolikë;
5. 424 vjet më vonë, Pashko Vaso ka thënë fjalën e famshme: “Mos t’i kqyrim kisha e xhamia,
FEJA E SHQIPTARIT ËSHTË SHQIPTARIA!” që na mëson se edhe në atë kohë ka pasë xhamia – muslimanë dhe kisha – katolikë.
Dhe, po e përefundojë me këto fjalë:
SI T’KRISHTJENË, SI MUSLMAN’
JEM’ T’NJOJ GJAKU . VËLLAZËN TE TAN’
JEM’ T’NJOJ GJAKU, JEM’ T’NJOJ FISI,
JEM’ SIKUR DEGËT QË JANË T’NJOJ LISI!
Respekt,
për juve – autor i shrimit, dhe
për Kryeredaktorin e PD –