Dije Demiri Frangu
____
Janë do vorre në Kosovë mbushur gjinj grash
Janë do vorre në Kosovë
Që heshtin më shumë se tjerat
Të mbushura flokë të gjata,
Gjinj grashë që rrjedhin qumësht
Janë do vorre në Kosovë me mitra të fryra
vorre me vezore që prisnin evoluimin
Vorre me fëmijë që duhej të lindnin
Do vorre ku as kurorat s ‘guxojnë të qajnë
Emrat e tyre një kohë në gjykata jehojnë
Janë do varre në Kosovë
Me plumba trupave e vërragë sopatash
E mbi to vetëm re të zeza rrinë
Janë do varre në Kosovë me kangë-vaj mbushur
S’di a ka vend për shiun në to
Janë t’ mbushur lot nënash që vazhdojnë
Të qajnë për fëmijët
Që s’mund ua mësojnë alfabetin
