Kreu Blog Faqe 1244

Besimi i vërtetë është besimi shkencor!

Drini.us
-
0
Besimi i vërtetë është besimi shkencor!
Ahmet Asani, Zvicër 
***
▪︎ Krijuesi ia dha njeriut jetën me kusht që ate ta jetoj e shijoj, ta jetoj duke e ndertuar e zbukuruar e jo duke e shkatërruar botën! Per ta dalluar të vërtetën nga gënjeshtra, të mirën nga e keqja, perpos Trupit dhe Shpirtit, Krijuesi njeriut i dha edhe FRYMËN Njerëzore (gjer. GEIST, hebraisht rûaḥ arabisht e turqisht RUH ne gjuhët sllave DUH), për te cilën mund të themi se eshte një shpirt i dytë, shpirt të cilin njeriu bashkë me familjen, rrethin dhe shoqërinë e më gjere mund ta pasuroj e formësoj vet!
▪︎ FRYMA Njerezore – pra ky shpirt i dytë i njeriut në vete permbanë mendjen, logjikën, diturinë, aftesinë per punë kerkimore e zbuluese, aftesinë per te komunikuar me Shpirtin – Krijuesin e shumë aftesi tjera të cilat njeriun e bejnë Krijues – Zot të vetvetes!
▪︎ Religjionet dhe kleriket me sistemet që kanë krijuar, jo që nuk janë në rrugë të Zotit, por ne fakt janë kunder Zotit! Po të ishin religjionet ne rrugë të Zotit nuk do të perkahnin e nxisnin drejtuesit e shteteve nē luftërat shkatërruese, nuk do të tregtonin fjalët e Zotit, por sikur gjithë njerëzit tjerë do të kishin profesionet e tyre dhe do të jetonin nga puna e tyre!
▪︎ Nuk dua të flas për sistemet religjioze që nuk i njoh, por sa i përket këtyre Abrahamike qe i kemi në mesin tonë, që e urrejnë e nuk e pranojnë njëri tjetrin, mund të them shlirë se asnjeni prej tyre nuk janë në rrugë të Zotit!
▪︎ Sistemet që e friksojnë njeriun nga Zoti, qe fusin urrejtje mes njerëzve, kombeve e shteteve, nuk mund të jenë në rrugë të Zotit! Prandaj Fryma Njerëzore dhe logjika e shëndosh të cilēn na e ka dhanë Krijuesi na thotë se besimi i vërtetë është ai besim që arrihet përmes punës, përvojës e dijes – shkencës, pra është BESIMI SHKENCOR!

Në Muzeun Kombëtar të Kosovës, sot u diskutua për jetën dhe veprën e Nënë Terezës

Drini.us
-
0
Në Muzeun Kombëtar të Kosovës, sot u diskutua për jetën dhe veprën e Nënë Terezës

Prishtinë, më 2 shtator 2022

Tryezë diskutimi për Shën Nënë Terezën 

Në Muzeun Kombëtar të Kosovës, sot u diskutua për jetën dhe veprën e Nënë Terezës. 

Panelistët, prof. dr. Jahja Drançolli, Don Lush Gjergji dhe Gëzim Alpion folën për formimin e identitetit të saj që kishte elemente të thella kombëtare shqiptare, familjare dhe fetare shpirtërore. 

Profesor Alpion theksoi se shembullin e Nënës Terezës nuk duhet vetëm ta përcjellim me fjalë, por duhemi ta jetësojmë duke vepruar në të njejtën mënyrë si ajo, duke ndihmuar personat në nevojë. 

Profesori Drançolli foli rreth studimeve të tij për familjen Bojaxhiu, specifikisht për babain e Gonxhe Bojaxhiut, Nikollës. Ai theksoi se familja e Nënës Terezë ka qenë themeli nga ku ajo ka marrë shembujt e parë si duhet ndihmuar të tjerët, bazuar në aktivitetet që i ka zhvilluar babai i saj. 

Diskutimi mbi studimin e thellë që Imzot Don Lush Gjergji i ka bërë figurës së Nënës Terezë gjatë jetës së tij duke publikuar 17 libra për të, u fokusua shumë rreth spiritualitetit të saj. Fokus i dha sakrificës së jetës në shërbim të personave në varfëri, sëmundje, të pastrehëve, dhe asaj që përkundër sulmeve nga komunitetet e ndryshme në Indi, kurrë nuk ndaloi së ndihmuari personat në nevojë. 

Të pranishëm në këtë ngjarje ishin këshilltari i Presidentes Osmani, Vehbi Miftari, këshilltarja e ministrit Çeku, Rozafa Imami, kryeshefi i Agjencisë Shtetërore të Arkivave të Kosovës, Bedri Zyberaj, drejtori i Muzeut Kombëtar të Kosovës, Ajet Leci, ud-drejtori i Galerisë Kombëtare, Naim Spahiu, zyrtarë të MKRS-së, studiues, profesorë dhe qytetarë. 

(Ministria e Kulturës së Kosovës – Prishtinë, 2 shtator 2022) 

Të pranishëm në këtë ngjarje ishin këshilltari i Presidentes Osmani, Vehbi Miftari, këshilltarja e ministrit Çeku, Rozafa Imami, kryeshefi i Agjencisë Shtetërore të Arkivave të Kosovës, Bedri Zyberaj, drejtori i Muzeut Kombëtar të Kosovës, Ajet Leci, ud-drejtori i Galerisë Kombëtare, Naim Spahiu, zyrtarë të MKRS-së, studiues, profesorë dhe qytetarë.

Një sqarim miqësor rreth një keqkuptimi në Tetovë

Drini.us
-
0
Një sqarim miqësor rreth një keqkuptimi në Tetovë
Xhevat Gjini, Viti
__

LËVIZJA

SQARIM MIQËSOR
Se ku lexova një si punë komenti a si punë reagimi të shkruar nga një anëtar – veprimtar i dikurshëm i LPK – së lidhur me një veprimtari të Shoqërisë LËVIZJA në Tetovë. Me sa kuptova ky shoku nuk ishte kundër vendosjes së Pllakës në shtëpinë e familjes Sherifi – bazë dhe strehë e LPK – UÇK – së, por kundër ardhjes së Kryetarit të Tetovës në shpalosjen e Pllakës! Sipas tij, Bilall Kasami dikur paska kritikuar e paska “sharë” LPK – në. Edhe mund të jetë e vërtetë, por ne nuk kishim ftuar Bilall Kasamin në këtë ngjarje të shënuar për Tetovën shqiptare, por Kryetarin e komunës, i cili edhe tha fjalët më të mira dhe të zgjedhura për LPK – UÇK – në. Dhe jo vetëm në Tetovë… Në të gjitha veprimtaritë tona për 40 – vjetorin e themelimit të LPK – së i kemi ftuar kryetarët e komunave pa marrë parasysh partinë e tyre politike. Madje, të gjitha veprimtaritë e organizuara gjatë këtij VITI JUBILAR i kemi bërë bashkë me komunat tona shqiptare dhe bashkë me shoqatat tona autoktone…
Lëvizja Popullore e Kosovës është themeluar, është udhëhequr, është përpjekur dhe ka luftuar me idenë dhe programin e bashkimit të popullit – kombit pa dallim ideologjie, feje e krahine për çlirimin e tokave të pushtuara të Shqipërisë. Sa kohë, energji e mund (edhe para) shpenzonin anëtarët-veprimtarët dhe drejtuesit e LPK-së për zgjerimin e radhëve me anëtarë, veprimtarë e luftëtarë të rinj. LPK-ja i ftonte edhe partitë politike pa asnjë dallim që t’u bashkoheshin përpjekjeve dhe luftës për liri e bashkim kombëtar. Prandaj, idetë dhe programi i LPK – së fituan besimin dhe përkrahjen e një populli – kombi (edhe të botës) dhe LPK-UÇK -ja fitoi luftën kundër Serbisë pushtuese dhe kundër sllavomaqedonëve pushtues…
LPK – ja ishte sintezë, artikulim dhe materializim i bashkimit politik dhe luftarak të forcave atdhetare, i vullnetit, i përpjekjeve dhe i luftës shekullore për liri, pavarësi e bashkim kombëtar. Prandaj, nuk ia dolën ta mposhtnin pushtuesit me aleatët dhe kolaboracionistët e tyre. LPK – ja nuk udhëhiqej nga ide, mendësi, frymë e politika përjashtuese… Lëvizja Popullore e Kosovës ishte edhe një shkollë e madhe politike, kombëtare, demokratike dhe emancipuese e popullit tonë.
Shoqëria LËVIZJA nuk është dhe s’ka si të jetë LPK – ja (organizatë politike – çlirimtare). Ajo është një bashkim i veprimtarëve të vullnetshëm të LPK – së dhe të veprimtarëve të Lëvizjes Kombëtare Shqiptare pa dallim. Janë të mirëseardhur edhe shqiptarët që nuk kishin lindur bashkë me ne (s’mund të ishin brezi ynë) por që përqafojnë vlerat liridashëse, atdhetare, emancipuese dhe demokratike të LPK-së dhe të Lëvizjes sonë Kombëtare Shqiptare përgjithësisht. Qëllim themelor i Shoqërisë LËVIZJA është mbledhja, dokumentimi, botimi dhe afirmimi i veprimtarisë politike, kombëtare, emancipuese, demokratizuese e çlirimtare të LPK-së dhe Lëvizjes Kombëtare Shqiptare për çlirimin e tokave të pushtuara të Shqipërisë. Shoqëria LËVIZJA është krijuar dhe ekziston edhe për t”i ndihmuar dhe nxitur institucionet tona shkencore e arsimore dhe ato politike e shtetërore në Prishtinë, Shkup e Tiranë që ta kuptojnë rolin dhe peshën vendimtare të LPK-,së për organizimin dhe drejtimin e suksesshëm të Luftës Çlirimtare në trojet e pushtuara shqiptare. Përpjekjet, veprimtaria dhe lufta politike e çlirimtare dhe emancipuese e demokratizuese e LPK -së dhe e Lëvizjes Kombëtare Shqiptare duhet të bëhen pjesë e rëndësishme e teksteve shkollore dhe universitare kudo ku mësohet e studiohet shqip. Kjo përpjekje, veprimtari dhe luftë komplekse e LPK-së duhet dhe do të pasqyrohet edhe nga arti dhe letërsia shqiptare. Shkolla jonë nuk mund të quhet shkollë kombëtare nëse aty nuk mësohet dhe studiohet gjerësisht veprimtaria e LPK-së posaçërisht dhe e Lëvizjes Kombëtare Shqiptare përgjithësisht, për çlirimin e tokave të pushtuara të Shqipërisë. Nxënësit dhe studentët tanë nuk do të duhejë të dinin e të studionin vetëm për persekutimin, dhunën, terrorin dhe gjenocidin e Jugoserbisë në trojet e pushtuara të Shqipërisë… Ata, duhet të mësojnë dhe studiojnë sidomos për përpjekjet, mundin, qëndresën, luftën, sakrificën, heroizmin dhe lavdinë e etërve, gjyshërve dhe stërgjyshërve të tyre… Të rriten, edukohen dhe frymëzohen me luftën, heroizmin dhe lavdinë e LPK – UÇK-së, të jenë krenarë me ato përpjekje, me atë luftë dhe me heronjtë e mendjes e të Luftës Çlirimtare, me heronjtë e penës e të pushkës. Vetëm kështu do të siguroheshin vazhdimësia dhe përpjekjet për zgjidhjen përfundimtare të çështjes shqiptare në Iliri, gjë që do të shënonte edhe fundin e konflikteve dhe luftërave shkatërrimtare në këtë nënqiell… Vetëm kështu dhe vetëm atëherë do të “paqësoheshin”, emancipoheshin dhe demokratizoheshin edhe vendet fqinje që mbajnë të pushtuara toka të Shqipërisë… Shqiptarët e mendjes, të penës dhe angazhimit për çështjen shqiptare nuk duhet të harrojnë kurrë se Shqipëria dhe kombi ynë edhe sot janë copë – copë (në 5 – 6 shtete)!! Ne nuk duhet për asnjë çast të harrojmë se “gjuetia e shtrigave” ndaj veprimtarëve dhe luftëtarëve të LPK – UÇK – së, (ideve, konceptit dhe programit të LPK – UÇK – së…), atyre të mendjes e të pushkës, edhe sot është aktive (me mjete dhe metoda “klasike” e “moderne”…
Shoqëria LËVIZJA ka parasysh realitetin dhe mjedisin politik pluralist shqiptar. Shumica e anëtarëve-veprimtarëve e luftëtarëve të LPK-së, LKÇK-se dhe të Lëvizjes Kombetare Shqiptare jane përcaktuar, anëtarsuar ose janë simpatizantë të një partie politike. Ky fakt nuk përbën dhe nuk do të duhejë të përbënte problem për të qenë pjesë e Shoqërisë LËVIZJA. Mjafton që në Shoqëri të mos bashkohemi me idetë, politikat dhe angazhimet ditore të partive, por me kapitalin dhe vleratë liridashëse, atdhetare, emancipuese e demokratizuese të LPK – së dhe të Lëvizjes sonë Kombëtare. Shkrimet e karakterit “polemizues” që lexojmë ndonjëherë në stilin e asaj “ku isha unë e ku ishe ti” (me karakter mohues e përçarës), ose shkrimet e “tregimet” që fillojnë me “unë” dhe mbarojnë me “unë” nuk i duhen lexuesit shqiptar, sepse të tilla ka me tepricë. Ne, sipas meje, ishim LPK-ja. E gjithë veprimtaria jonë ishte dhe i takon LPK-UÇK-së. UNË, TI, AI pa LPK-UÇK-në dhe veprimtarinë e përbashkët të organizuar e strukturuar do të ishim edhe sot: UNË, TI, AI (disa nga ata). Ne, populli i pushtuar dhe LPK- ja e Lëvizja jonë Kombëtare ishim me fat edhe që kishim në krah shtetin shqiptar… Prandaj, shokë, bashkëveprimtarë e bashkëluftëtarë ta ruajmë respektin dhe konsideratën për njëri-tjetrin dhe mbi të gjitha për atë përpjekje dhe luftë kolosale që ka hapur perspektivë të sigurt për zgjidhjen përfunfimtare të çështjes shqiptare. Lavdi në jetë të jetëve shokëve dhe gjithë të rënëve për liri! Nderim dhe konsideratë për veprimtarët dhe luftëtarët e mendjes e të pushkës që i kemi në jetë !
Qofshi me shëndet e faqebardhë kudo që jeni!
Xhevat Gjini,
Kryetari i Shoqërisë LËVIZJA

A po ikin turistët nga Shqipëria?

Drini.us
-
0
A po ikin turistët nga Shqipëria?

Përktheu: Ilir Canhasi, Suedi

Kështu ikën me qindra mijëra turist evropian shto këtu suedez dikur nga Bullgaria, arsyeja- mospritja e mirë ndaj tyre.

Ndërsa Edi Rama është i nxënë me ”Open Balkan”. Kaos në një hotel suedez në Shqipëri: “U sulmua dhe shkatërroi pishinën”

Nga: Matilda Aprea Malmqvist , Emil Forsberg 

LAJME

Herët në mëngjes të së premtes, kaos ka shpërthyer në hotelin Apollo Prestige Resort në Shqipëri. Rreth 50 suedezë arritën të shihnin sesi zona e hotelit u shkatërrua nga ekskavatorët.

– Njerëzit janë të prerë, ka polici dhe postblloqe, thotë udhëtari Johan. Hoteli shqiptar me katër yje përshkruhet në faqen e internetit të Apollo si një resort ku qëndroni në vendndodhjen më të mirë: “Hoteli ka një zonë të madhe pishine me pamje nga uji i gazuar”. Prej pesë ditësh, Johan dhe gruaja e tij kanë qenë në hotel dhe kanë shijuar zhytje freskuese në pishina. Por herët në mëngjesin e së premtes, ata kuptuan se zona e hotelit kishte përfunduar së larë.

– U zgjuam nga një shpim i përgjakshëm jashtë dritares, thotë ai. Johani shikoi nga dritarja dhe pa me habi sesi makineritë e mëdha po shponin pishinën dhe pjesët e ambienteve të hotelit.

– Njerëzit janë të prerë. Është kaos këtu, policia dhe kordonët, ekipet televizive dhe gazetarët. Më pas janë stafi nga Apollo që përpiqen të gjejnë hotele të reja për banorët. Edhe suedez Melker dhe e dashura e tij qëndrojnë të fshehur në dhomën e hotelit ndërsa kaosi vazhdon jashtë. – Na thanë të rrimë larg. Ata ende po gërmojnë atje, thotë ai dhe vazhdon:

– U zgjova në shtatë këtë mëngjes nga diçka që ulërinte si ferr. Mendova “çfarë dreqin ishte ai?”. Pastaj, kur do të hanim mëngjes, ishin 50 policë në këmbë dhe rrethonin pishinat. Stafi i hotelit qëndronte pranë dhe qanin, nuk dinin ku të shkonin. Situate e veshtire” Sipas Johanit, nuk është dhënë asnjë shpjegim zyrtar se përse makineritë e mëdha po shkatërrojnë resortin.

– Por flitet se hoteleri është në opozitë me qeverinë. Se qeveria aktuale vendosi për këtë sepse qëndrimi politik i pronarit nuk përputhet me atë të tyre. Nëse po, atëherë është shumë serioze. Në fund të fundit, është një vend që është pjesë e BE-së, thotë ai. Ai thotë se udhëtimi për në Shqipëri ishte një udhëtim i minutës së fundit, por ata nuk do të kthehen kurrë, asnjëherë.

– Nesër do të fluturojmë në shtëpi, thotë dhe duhet të mbyllë bisedën, shpimet janë intensifikuar dhe nuk mund të dëgjojmë më njëri-tjetrin. Melker gjithashtu shqetësohet për situatën.

– Keni dëgjuar sesi Shqipëria është bërë më tërheqëse për turistët, por sërish shqetësoheni pak. Po sikur të na ndodhë diçka, nuk e dini nëse do të ketë të shtëna apo diçka tjetër. Është një situatë e vështirë, thotë ai. UD: Nuk ka situatë krize Sipas menaxheres së shtypit të Apollo, Sandra Miller Kinge, rreth 50 suedezë jetojnë në hotel dhe tani po punojnë për të vënë situatën nën kontroll.

– Ne kemi komunikim të ngushtë me hotelin dhe autoritetet, dhe kemi staf në vend në Shqipëri, të cilin mund ta kontaktoni nëse jeni të shqetësuar. Ne po bëjmë gjithçka që mundemi për ta zgjidhur këtë. Apolloni nuk e di se çfarë fshihet pas ringjalljes.

– Nga sa kuptoj unë, është një lloj dëmtimi i një pishine. Nuk është argëtuese, është një pishinë më pak për t’u përdorur. Por me sa dimë, asgjë kërcënuese nuk ka ndodhur. Ne ndjekim zhvillimin dhe përpiqemi të sigurojmë që të ftuarit të kalojnë mirë.

Ministria e Punëve të Jashtme shkruan në një email për Aftonbladet: “Ministria e Jashtme ka dijeni për një incident në një hotel në Shqipëri, por nuk ka asnjë informacion që të tregojë se është një situatë krize konsullore. Udhëtarët e prekur që kanë pyetje duhet të kontaktojnë operatorin e tyre turistik.

____

Vërejtje!

Videon dhe fotot mund ti shihni në artikullin e Aftonbladet suedeze.

Kaos på svenskhotell i Albanien: ”Stormade in och borrade sönder poolen” (aftonbladet.se)

Shqiptarët – Anglia- Droga

Drini.us
-
0
Shqiptarët – Anglia- Droga
Ilir Canhasi, Suedi
______
Më pyesin kolegët në punë se pse shqiptarët po tentojnë ta kalojnë kufirin me dokumente false dhe ”look a like” për në Britani?
Pyetje të cilës deri vonë nuk kisha përgjigje të saktë,
e kuptoni, ata kanë hyrë në shtetet e Schengenit( EU) si turistë apo me leje pune, ku të gjitha mundësit i kanë për të kërkuar punë në mënyrë të rregullt, por jo ata kërkojnë të hynë ilegalisht në Britaninë e Madhe.
Po, kryeministri ynë Edi Rama çfarë bënë për të parandaluar këtë dukuri të keqe?
Lexoni përgjigjjen nga gazeta ”THE TIMES”.
Kuptohet kjo nuk vlen për të gjithë!
Si joshen të rinjtë shqiptarë nga paratë, droga dhe jeta prej “gangsteri” në Britani
Nga Tom Kington, The Times
Roberto Mulaj mund të admirojë pamjet e Kosovës fqinje nga ferma e tij, e cila ndodhet në një luginë në Shqipërinë e veriut. Megjithatë, më shpesh, adoleshenti gjendet i strukur me telefonin e tij duke parë videot e reperit të tij të preferuar, Marin, të cilit i pëlqen të tregojë video me shuma të mëdha parash dhe të lëvizë nëpër Londër me një Mercedes me ekipin e tij me armë.
Jam i interesuar të shkoj në Angli. Duket një jetë më e mirë se këtu, e kam parë në Instagram”, tha Roberto, 14 vjeç.
Babai i tij, kryetari i fshatit lokal, Dobrune, tha se ai nuk pretendonte të pengonte Roberton që të largohej, edhe nëse rrezikonte të binte në kthetrat e një bande shqiptare të drogës me bazë në Britani.
Roberto së shpejti mund t’i bashkohet 6,000 shqiptarëve që kanë hipur në gomone për të kaluar Kanalin Anglez këtë vit, një rritje e nxitur nga trafikantët shqiptarë që u bënë pjesë e këtij biznesi dikur të dominuar nga kurdët me çmime deri në 3,000 paund, në krahasim me 15,000 paund që shqiptarët paguanin për t’u fshehur në një kamion.
Kontrabandistët dinak i nxisin klientët e tyre të kalonin tani ose do të rrezikonin deportimin në Ruandë, që do të thotë se komunitete të tëra në Shqipëri po shkatërrohen. Në Dobrune janë larguar së fundmi 15 persona, duke lënë pas vetëm 60 banorë, raporton abcnews.al.
Shifrat janë negative për krahinën përreth Hasit, e cila kishte një popullsi prej 17,000 banorësh një dekadë më parë.
“Tetë mijë njerëz nga Hasi tani ndodhen në Londër, 400 të tjerë janë në Francë në pritje të kalimit dhe 33 familje janë larguan vetëm muajin e kaluar. “Zoti i ruajtë,” tha Dylber Geca, kreu i arsimit në qytetin provincial të Krumës, ku një kabinë telefonike e kuqe ndodhet jashtë një kafeneje lokale të quajtur “Britani”.
“Për ne Britania e Madhe është gjithçka,” tha Shefget Douti, shefi i këshillit, i cili rrëfeu se një nga djemtë e tij jetonte ilegalisht në Britani.
Të shtyrë nga varfëria e rëndë, shumë njerëz kanë ikur për t’u bashkuar me të afërmit që kanë udhëtuar në Mbretërinë e Bashkuar 20 vite më parë, kur disa pretendonin se ishin refugjatë që po largoheshin nga lufta e vitit 1998 në Kosovë.
Ata shpesh kërkojnë për punë të ndershme, por të rinjtë tani po joshen gjithnjë e më shumë për të punuar në fermat e kanabisit të ngritura nga bandat shqiptare që sot kontrollojnë gjysmën e furnizimit me kanabis të Britanisë, pasi tashmë kanë monopolizuar biznesin e kokainës.
“Shumica nuk synojnë të bëhen kriminelë, por sigurisht që janë të rrezikuar në momentin që hipin në varkë,” tha Fatjona Mejdini, nga Iniciativa Globale kundër Krimit të Organizuar.
Në Zahrisht, afër Krumës, një mësues 32-vjeçar i quajtur Festim Dauti ishte më pak i bindur.
“Ata hyjnë në botën e krimit plotësisht të vetëdijshëm se çfarë po bëjnë”, tha ai. “Po humbas studentë të mirë që do të ishin bërë mësuesit dhe mjekët që na duhen për të ndërtuar një të ardhme për Shqipërinë.”
40 vendas kryesisht adoleshentë janë larguar për në Britani gjatë dy muajve të fundit, tha Dauti: 10 për qind e popullsisë së fshatit. Zyrtarët britanikë thonë se bandat e drogës po bëjnë pjesë të tyre edhe personat pa precedentë penalë, për të zëvendësuar 497 shqiptarët e dëbuar vitin e kaluar. Kjo i lejon atyre të kenë punëtorë për shtëpitë e tyre të drogës, me videot e TikTok që tregojnë dhoma të mbushura me bimë kanabisi, raporton abcnews.al.
Një person komentoi: “A keni nevojë për punëtorë?” Një tjetër tha: “Unë mund të vij nesër.”
Fabian Zhilla, një ekspert krimi në Institutin Kanadez të Teknologjisë në Tiranë, tha: “Rekrutimi nuk bëhet nga bosët, por nga këmbësorët, të ashtuquajturit barinj që kujdesen për të mbjellat, të cilët arrijnë te miqtë dhe të afërmit”.
Shqiptarët përbënin 19% të kalimeve të paligjishme në vitin deri në qershor, duke tejkaluar çdo kombësi tjetër. Ideja për t’u larguar ka përfshirë çdo cep të rrugës në Has, ku BMW dhe Audi me targa britanike – shpesh të personalizuara i përkasin djemve që janë kthyer nga Londra.
“Vajzat shqiptare thonë se po presin të provojnë të takohen me një djalë me ‘targë të verdhë’,” tha një banore. McMansions, e ndërtuar nga emigrantët shqiptarë që janë bërë të pasur në Britani mbulojnë peizazhin.
Mejdini tha: “Realiteti është se emigrantët flenë në dyshemenë e shtëpive të kanabisit, të zgjuar nga alarmet vazhdimisht për të ujitur bimët”. Një video tregon një shqiptar, i mbuluar nga gjaku, i cili ishte dhunuar barbarisht; një paralajmërim që pasi të punësoheni, të hiqni dorë nuk është një opsion.
Për të rikthyer shqiptarët, Britania dhe Shqipëria nënshkruan një marrëveshje javën e kaluar për të përpunuar me shpejtësi riatdhesimet. Alastair King-Smith, ambasadori britanik në Tiranë, tha: “Njerëzit po punojnë gjatë gjithë kohës për këtë. Ne synojmë të kthejmë emigrantët në Shqipëri sa më shpejt të jetë e mundur, brenda ditëve dhe jo muajve”.
Ajo që mund të jetë një zgjidhje për Britaninë, mund të krijojë probleme për Shqipërinë pasi më shumë anëtarë të bandës po dërgohen në shtëpi. Trafikantët shqiptarë të drogës me bazë në Britaninë e Madhe tashmë e kanë zakon të konfliktohen me njeri-tjetrin kur kthehen në atdhe.
Dy bandat konkurruese me origjinë nga Elbasani, të cilat filluan me operacionet e drogës në Birmingham dhe Liverpool si dhe në kontinent, kryen 13 vrasje në shenjë hakmarrje në qytetin e tyre midis 2018 dhe 2021, të shkaktuar nga vjedhja e dyshuar e një dërgese kokaine prej 50 kg në Londra.
“Bandat vrasin në Shqipëri dhe jo në Mbretërinë e Bashkuar, sepse besojnë se mund të paguajnë policinë dhe prokurorët,” tha Klodiana Lala, një reportere krimi.
Një arsye tjetër për t’u frikësuar se aktiviteti i bandave britanike do të përhapet në Shqipëri, për shkak të një amnistie mbi pasurinë e fshehur që po shqyrtohet nga qeveria në Tiranë.
“Ekzistojnë shqetësime të mëdha se një amnisti fiskale mund të shfrytëzohet nga kriminelët për të pastruar paratë e pista, duke përfshirë edhe nga Mbretëria e Bashkuar,” tha King-Smith.
Qeveria britanike tani po përpiqet ta zgjidhë problemin duke i ofruar Shqipërisë deri në 8.9 milionë paund për të zhvilluar rajonin rreth Hasit dhe qytetit të Kukësit me shpresën që njerëzit të mos largohen.
Britania gjithashtu mund të ofrojë para për një digë të re dhe ndërtimin e një burgu. Në Dobrune, Alush Myzyraj, një shofer autobusi shkolle është i shqetësuar se mund të jetë vonë.
“Një herë kam çuar 40 fëmijë në shkollë. Tani po dërgoj tetë, kështu që sapo e lashë punën sepse nuk ia vlen. Të gjithë janë në Britaninë e Madhe, rroftë Britania e Madhe.”
Nxënësit tani po përballen me një shëtitje 90-minutëshe nëpër një rrugë të paasfaltuar për të shkuar në shkollë këtë dimër, tha kryebashkiaku.
“Kur të fillojë bora, do të ketë një tjetër arsye që ata të largohen gjithashtu.”
Ndërsa Britania e Madhe rrit numrin e riatdhesimeve të emigrantëve të paligjshëm shqiptarë, një trafikant i dyshuar droge, të cilit tashmë i është ndaluar hyrja në Britani, po bën bujë në politikën shqiptare.
Fation Dauti, i cili drejtonte një Bentley, iu sekuestrua rezidenca në Mbretërinë e Bashkuar në vitin 2019 pasi Agjencia Kombëtare e Krimit siguroi prova se ai ishte një lojtar kyç në biznesin e kokainës dhe kanabisit në Britani, i lidhur me trafikun e njerëzve dhe i akuzar për dhunë.
Megjithatë, ai nuk është akuzuar dhe avokati i tij, Hektor Lahi, tha për The Times se Dauti ka deklaruar gjithmonë se është i pafajshëm dhe po kërkon të drejtat e tij. Lahi tha se Dauti, 37 vjeç, po kundërshtonte ndalimin e Mbretërisë së Bashkuar në Gjykatën Europiane të të Drejtave të Njeriut me një vendim të mundshëm që pritet të meret brenda tre javësh.
Dhjetorin e kaluar, në Tiranë, Dauti u filmua përballë një turme mbështetësish të ish-kryeministrit Sali Berisha. Në video, ai shihet duke shkelmuar derën e një sallë takimesh në selinë e partisë së Berishës gjatë përleshjes mes fraksioneve rivale të partisë.
Në atë kohë, Partia Demokratike u nda në dy grupe rivale, njëra e udhëhequr nga Berisha, dhe kundërshtarët e tij që kishin mbyllur derën e sallës së mbledhjeve për të mos lejuar që mbështetësit e tij të mblidheshin atje.
“Dauti nuk e përfaqëson partinë në asnjë mënyrë. Ai ishte atje si aktivist”, tha një zëdhënës i partisë.
Vetë Berishës i është ndaluar hyrja në Mbretërinë e Bashkuar dhe SHBA për dyshimet se ai është i përfshirë në korrupsion – pretendime që ai i mohon. Ai ka raportuar se Britania e Madhe e ka akuzuar atë për “marrëdhënie me grupet e krimit të organizuar dhe kriminelët që paraqesin rrezik për sigurinë publike në Shqipëri dhe Mbretërinë e Bashkuar” dhe se ai ishte i gatshëm t’i përdorte këto lidhje” për të çuar përpara ambiciet e tij politike.

Mund të jetë një imazh i një ose më shumë persona dhe teksti që thotë "10:15 MENU 4G THE ස究 TIMES SATURDAYSEPTEMBER32022 Subscribe WORLD IN DEPTH How young Albanians are lured into drugs and violence in Britain Thousands of youths tempted by displays of wealth have crossed the Channel in dinghies this year, ripping apart the villages they leave behind Continue reading Enjoy unlimited digital access. £l for 6 months. Subscribe now Already a subscriber Login AA thetimes.co.uk"

Ramabaja: Krimi në arsim ka emër

Drini.us
-
0
Ramabaja: Krimi në arsim ka emër
Sadri Ramabaja, analist politik, Prishtinë
_____
Gjendja dëshpruese në sistemin tonë të arsimit, në të gjitha nivelet, ka përgjegjësit e saj që kanë adresë. Ata duhet t’i kërkoni tek LDK-ja dhe PDK-ja.
Këto dy forca politike janë shkatërruesit real të arsimit në Kosovë.
Grafiku që po e sjell më poshtë [është i publikuar në një studim të pedagogut tonë Halim Hyseni], dëshmon krimin që kanë bërë këto dy parti politike në këtë sektor.
Përqindja e analfabetëve funksionalë në Kosovë krahasuar me atë të analfabetëve funksionalë në disa nga shtetet e BE-së, e dëshmon inkriminimin e përmasave morbide që është bërë për 20 vite me radhë.
Në vend që drejtuesit e ri të LDK-së dhe PDK-së të dalin e të kërkojnë falje për këtë krim të pandëshkuar, ata instrumentalizojnë Sindikatën e Arsimit përmes krerëve të saj!
Ndërkaq krerët e Sindikatave të Arsimit, që janë thejshtë shtojcë e marioneta të SHIK-ut alias PDK-së, janë dëshmia më e mirë e talljes që ata tok kanë bërë për 20 vjet me Shtetin dhe të ardhmen e ktij vendi.
Rrahman Jasharaj dje de fakto mori rolin e kryeopozitarit, duke bërë publike kauzën e re të opozitës. Ai bëri thirrje hapur popullit të “bëhemi bashkë për t’mos lejuar Kosovën të kthehet në diktaturë!”
Çka ka të bëjë kjo grishje me angazhimet sindikaliste dhe me grevën që ai po e drejton?
Megjithatë, është më mirë që ai edhe përmes këtij “llapsusi” politik, e bën të qartë se në shërbim të kujt është kjo grevë.
Rrjedhimisht bëhet edhe më e qartë se krimi në arsim ka emër.
Halim Hyseni, një ndër ish – udhëheqësit kryesor të arsimit përpara luftës e me ndikim të madh gjithashtu pas luftës në Kosovë.
Mund të jetë një imazh i teksti që thotë "Gr.2. Përqindja e analfabeteve funksionalë në Kosove dhe të disa vendeve tẻ Evropes 4% Finlanda Islanda Estonia Kosova 11% 14% 0% 10% 20% 30% 40% 77% 50% Kosova 60% Estonia 70% 80% Islanda 90% Finlanda"
* Sqarim! “Medokasi im”, dmth bashkëvendasi i Medvegjës. Halim Hyseni është i lindur në Kapit të Medokës, Medvegjës .

Rrahman J., gazeta Nacionale dhe Haxhi Qamili

Drini.us
-
1
Rrahman J., gazeta Nacionale dhe Haxhi Qamili
Sadri Ramabaja, Prishtinë
____
Duket se zejen e shpifjes gazeta NACIONALE po e intensifikon më shumë këto ditë, duke i shërbyer kështu luftës hibride që po merr përmasa të reja kundër Republikës.
Dje ajo shpifi se gjoha unë e paskam etiketuar Rrahman Jasharin si njeri të Serbisë!
Për hir të lexuesve, opinionit, më duhet të merrem me këtë shpifje të radhës.
Unë kurrë nuk e kam cilësuar Rrahman Jasharin si njeri të Serbisë.
Me veprimet e tij, ai më ka bindur se ka qenë dhe mbetet marionetë e SHIK/PDK-së. Kaq.
Dhe dje ai këtë e dëshmoi publikisht edhe më fuqishëm se çdo herë tjetër.
Edhe Haxhi Qamili si person, po edhe akti i kryengritjes si një Lëvizje fshatarësh të rebeluar, mund të mos kenë qenë të ndërlidhur me Serbinë a Turqinë, por me impaktin e tij/tyre në jetën politike të kohës, dërgonin ujë në mullirin e tyre.
Shqipërisë së sapo dalë nga zgjefha shekullire osmane, i duhej si buka e uji, stabiliteti politik dhe forcimi i pavarësisë.
Paralele fare lehtë mund të tlrhiqni efhe me momentumin politik wë ndodhet Republika e dytë e jona.
***
Prej dje janë vu në mbështetje të figurës së Rrahman Jasharit edhe personalitete publike, dhe ish miq e bashkëpunëtorë tjerë, që në një kohë, kanë punuar bashkë me Rrahman Jasharin.
Ju rikujtoj se Haxhi Qamilin e kanë pas mbrojtur edhe drejtues të Shtetit e personalitete tjera me peshë për bëmat e tyre në dobi të Kombit, por historiografia jonë ka dëshmuar se ishin gabim.
Personalisht jam kundër linçimit dhe si Njeri edhe mund të ndajë shumë mendime me RrJ dhe këta mbështetës të tij, por duke marrë në konsideratë faktin se ai dhe përgjithësisht krerët e Sindikatës (së Arsimit), më asociojnë në Haxhi Qamilin me veprimet e tyre, më falni, por në këtë rrafsh nuk mund t’ju falë.
Prabdaj i bëj thirrje Rrahman Jadharit, mos të lejoj të shkoj në histori si Haxhi Qamili. Këtë mundësi ai e ka në dorë vet.
Tani kur ligji për pagat pritet të definojë qartë mbështetësit real të mësimdhënësve dhe klasës punëtore përgjithësisht, greva nuk ka kurrfarë kuptimi si veprim sindikal.
Do t’i lutesha Qeverisë dhe Kuvendit, si qytetar aktiv dhe në cilësinë e profesor universitar, që procedimin e ligjit ta bëjë në mënyrë të përshpejtuar.
Gazeta NACIONALE, që abuzon para së gjithash me emrin e saj, le të vazhdojë të shpifë tutje.
Karvani ecën përpara.

Grevat ka mundësi të mbahen pa luajtur rolin e viktimës … , kur nuk jeni viktima!

Drini.us
-
0
Grevat ka mundësi të mbahen pa luajtur rolin e viktimës … , kur nuk jeni viktima!
Pamje nga një protestë e këtyre ditëve në Prishtinë nga ana e “grevistëve” të udhëhequr nga kryesindikalisti i arsimit Rrahman Jashari. 
Liri Loshi, Skenderaj
___
Tash u përzinë gjerat pak me këtë kërkesën që sindikatat me opozitën ta pamundësojnë rrëshqitjen në diktaturë. A është greva e mësimdhënësve për rroga a për diktaturë?!
Në krejt botën demokratike qeveritë ballafaqohen me greva dhe me grevistët. Herë takohen e bisedojnë e herë nuk takohen. Herave tjera negocohet përmes ndërmjetësuesve, pa u takuar fare. Për çdo orë pune të humbur qeveritë demokratike të botës i ndalin pagesat. Mbetet çështje e sindikatave se a do t’i kompenzojnë punëtorët për ditët e humbura të punës. Dhe, askush nuk i quan këto qeveri si diktatoriale.
Unë jam në Kosovë për pushime dhe po shoh familje që përpiqen ta mbyllin muajin me një pagë të ndihmës sociale. Kujtoni njerëzit e hendikepuar që duan të punojnë e nuk munden. Edhe ata duhet të jetojnë, apo? A ju shkon mendja se si ia dalin në fund të muajit. Për një familje e di vetë se si ia del, sepse e di që i ndihmon familjari i tyre nga Kanada, por nuk di se si ia ia bëjnë qindra familje të tjera kur dy prind të hendikepuar marrin vetëm 200 euro së bashku në muaj!
Në asnjë mënyrë nuk dua ta banalizoj të drejtën e çdo punëtori për të kërkuar atë që meriton, por mos e banalizoni grevën tuaj me deklarata politike duke e paraqitur veten viktimë. Kosova është e varfër dhe mësuesit i kanë rrogat e vogla. Por më të vogla janë rrogat në sektorin privat. Deri dje ishin vetëm 170 euro në muaj. Sot janë 260 euro. Gjerat duhet parë pozitivisht. Një qeveri që ka nisur nga A-ja (ngritja e rrogës minimale) sigurisht se do të vijë edhe të B-ja (ngritja e pagesave sociale), pastaj të C-ja (ngritja e rrogave të sektorit publik) e kështu me radhë.
Është në natyrën dhe të drejtën e njeriut që të kërkojë sa më shumë. Kërkoni edhe ju sa të mundeni! Por, merrni pak mësim nga të tjerët. Grevat ka mundësi të mbahen e mësimi të mos bojkotohet. Grevat ka mundësi të mbahen pa luajtur rolin e viktimës. Nëse deri sot keni qenë nder kategoritë më të paguara në Kosovë, kjo tregon se nuk jeni viktima.
Pas Covid-19 dhe pas luftës në Ukrainë, jeta është vështirësuar në tërë botën. Normalisht se në situata të këtilla, ata që e pësojnë të parët janë qytetarët e vendeve të varfëra, siç është edhe Kosova. Personalisht kam mirëkuptim për juve, por edhe për policët, për zjarrfikësit, për mjekët, infermierët, stafin civil në qeveri, në komuna etj. Nëse jeni ju viktima, atëherë krejt këto kategori janë viktima të varfërisë bashkë me juve!
Luftoni për pozitën tuaj sociale, por shikoni pak edhe se çfarë ngjet rreth jush, sepse kështu bëheni më të arsyeshëm në kërkesat e juaja. Shikoni edhe se çfarë ngjet përtej juve. Një pjesë e madhe e shteteve që sot i njohim si ekonomikisht të fuqishme, pritet që brenda këtij viti ose në vitin e ardhshëm të futën në recesion ekonomik. Bota do të ballafaqohet me vështirësi financiare. Dhe, kur ndodh kjo, përseri në siklet më të madh do të jenë vendet e varfëra, meqë ndihmat për to do të zvogëlohen. Nëse e ndjekim rrjedhën logjike, pritet të zvogëlihet edhe ndihma e diasporës, do të bijnë investimet, do të ketë papunësi, do të ketë më pak para që hyjnë në Kosovë (remitencat). I vetmi lajm i mirë është se mergata nuk pritet të heq dorë nga njerëzit e vet dhe kafshatën tonë do ta ndajmë me juve bashkë, siç e kemi ndarë gjithmonë.
Nuk dua ta arsyetoj qeverinë. Nëse një qeveri nuk është në funksion të qytetarit të vet, nuk duhet të jetë në pushtet as katër orë e lere me katër vite. Mirëpo, për këtë nuk vendos opozita, nuk vendosin mediat, nuk vendosin sindikatat. Vendos populli. Prandaj, bëhuni të arsyeshëm dhe mos nxisni trazira që do t’ua vështirësojnë jetën edhe më shumë.
Është vështirë të mendohet se në një krizë globale, një qeveri tjetër do ta shpëtonte Kosovën nga kriza financiare që ende s’ka hyrë, por që pritet të hyjë e që unë mendoj se do të hyjë patjetër. Prandaj, nëse qeveria aktuale po i menaxhon financat në mënyrë strategjike për ta zbutur një krizë realisht të mundshme financiare, kjo nuk do të duhej cilësuar si një taktikë e pamençur.
Unë nuk pajtohem me shumë gjera me Albin Kurtin dhe njëra nga ato është edhe mënyra se si ai shfaqet personalisht para kërkesave të qytetarëve të vet. Nuk pajtohem as me ekskomunikimin e tij me mediat. Injorimi i mediave është injorim i të drejtës së qytetarit për të qenë i informuar. Por, kjo është rruga që ai ka zgjedhur dhe ne duhet të presim se ku do ta shpie atë kjo rrugë! Mbase ai do të ndryshojë e do ta mbajë pushtetin. Mbase do të bjerë keq për të mos u ngritur më. Por, ideja është që të ruhet shteti, të ruhet ajo që është pronë e përbashkët dhe të ruhet interesi i përgjithshëm. Nëse nuk i kontriboni kësaj, vështirë se do ta keni një jetë më të lehtë në të ardhmen.
Paqe për të gjithë! Jam i lumtur që gjendem në Kosovë dhe nga afërsia fizike i shoh më mirë gjerat dhe mund të komunikojmë së bashku. Jam duke observuar…

Kujtime e rrëfime për dy hoxhë, njëri prej të cilëve propagandonte shkuarjen në Turqi, e tjetri mosshkollimin se “do të bëhemi të pafe!”

Drini.us
-
0
Kujtime e rrëfime për dy hoxhë, njëri prej të cilëve propagandonte shkuarjen në Turqi, e tjetri mosshkollimin se “do të bëhemi të pafe!”

Xhemaledin Salihu, Preshevë

____

Po fakt eshte se jemi me te vjeter dhe jemi rritur ne ish-Jugosllavine socialiste, po nuk eshte faji jone dhe imi. Ne shtepine time ishim 12 anetareshe mblidheshin shpesh per muhabet dy Hoxhe i Presheves, nje Hafez i Shkupit dhe disa pleqe te vjeter te indoktrinuar nga keta tre.

I pari propagandonte shkuarjen ne Turqi, duke e lavderuar ate, sepse baba i gruase se tij te njejten e propagandonte, ndersa ky Hafezi nga Shkupi propagandonte dhe me te madhe i kallxonte vajez pleqeve se ky socializmi jugosllav eshte kunder fese islame dhe keta te shkolluarit do te behen pa fe.

Une isha me i madhi femije ne familje, me binte shpesh rasti te sherbeje cajin ne familje, se te tjeret ishin te vegjel, gjate shkolles se mesme dhe studimeve. Ne keto muhabete si i ri reagoja ne muhabetet e ketyre te dyve. Pleqet me versuleshin sa nuk me shanin, por e kisha nje gjysh te urte i cili nuk bente shume muhabet me ta dhe ne kete versulje fjalet e vetme te tija ishin: Lene djalin mire po i shkon shkolla.

Zoti e shperblefte me Parajse. Ia di per te mire dhe e faleminderoj.

Anjeri prej ketyre dyve nuk pesoi pse propaganduan keshtu.

Hoxha i Presheves shkoi ne Turqi, thone se qenka angazhuar ne nje Shoqate bamirese/fitimprurese/ dhe paska ndryshuar ne pikepamjet e tija, ndersa ky i dyti eshte indjere.

Me gjithe fjalet e renda per shtetin socialist te ish_jugosllavise asnjehere keta dy nuk u thirren ne pergjegjesi, jo vetem keta por edhe të tjerë, sepse keta se lenin rininë shqiptare pa shkolle, pa studime. E dihet se armiku te gjitha t’i jep, ndonjehere edhe flamurin, por kurre e kurre shkollimin ne gjuhen shqipe. Po u shkollova ne socializem, atehere linda dhe nuk mund te kthehesha prapa. Nuk varej prej meje, por duhet prindet sipas teje t’i denoj pse me linden atehere, e jo tashti, t’i shijoj “te mirat” e neotomanizmit dhe panarabizmit shqiptar, ku ne popullaten shqiptare beni shperlarje te trurit. Po edhe ne patem, por nuk kishte media dhe informatet ishin te pakta, atehere edhe dija dhe mundesia per te njohur boten ishte me e vogel.

Tashti te gjitha i kemi me bollek, por shume po na ka qejfi te kemi edhe me shume, nepermjet shoqatave humanitare bamirese, ku thithen para ideologjike per neotomanizem dhe panarabizem, se feja islame duhet te predikohet ne gjuhen e arabe, se burimi Kuranit eshte arab.

Zoti i fali Gjuhet, ne mesine tyre edhe gjuhen shqipe.

Andaj Zoti duhet te ndegjoj lutjet edhe ne gjuhen shqipe, ndersa ne te flasim me dhe t’i drejtohemi Zotit shqip dhe vetem shqip si kur qe ndodh ne fete te tjerra te botes. Ne nje emision shkencor, konkludimi i teologeve islame, shkencetareve gjermane, angleze, amerikane arabe ishte se Zoti njerzimit i fali gjuhet. Andaj gjuhet jane te barabarta. Sot eshte me se lehti te na thuhet ishit komunista, kishit ideologji komuniste, çka po them se ne hulumtimet e mia nuk hasa ne asnje anetare te PKJ se ishte me ide komuniste, por brenda PKJ luftonin per atdheun dhe shkollen e vet ne gjuhen shqipe.

Sa kishte kontribute, po shihet sot. Nga ajo kohe kemi akademike, magjistra, e profile e eksperte te ndryshem.

Sot jeni me te lire, po jetoni ne demokraci, keni informata me te bollshme, mos bini pre e armikut, sikur qe ndoshta rame ne, po thoni shpesh, por nuk luftoni dhe nuk japni kontributin Tuaj per shkolle, arsimim ne gjuhen shqipe.

Neve na kritikoni, kemi gabime, por ju tashti mos gaboni, sepse po gaboni vetedijshem, qe nuk do te falet kurre, sepse gabimi i tille eshte i dyfishte.

Sportisti Gentian Ameti: Ky sezon do jetë i imi, do jap maksimumin 

Drini.us
-
0
Sportisti Gentian Ameti: Ky sezon do jetë i imi, do jap maksimumin 

Nga Artemisa Kastrioti, Nju Jork 

Sportisti shqiptar Gentian Ameti ka lindur në vitin 1999 në Kumanovë të Maqedonisë. Në vitin 2009 vazhdoi jetën në Belgjikë bashkë me familjen e tij. Është duke ndjekur studimet e larta universitare për “Kontabilist Informatike” në Bruksel.  

Gentian Ameti njihet si një nga futbollistët më të mirë, i cili ka zgjuar kureshtjen e mediave të huaja dhe po bën bujë të madhe në Evropë. Gentian Ameti është vlerësuar me titujt: Futbollisti më i mirë i vitit, Golashënuesi më i mirë i vitit, Futbollisti më fair play i vitit dhe Kampion i Ligës.  

Gentian Ameti – Kampion 2019

Gentian Ameti ka patur disa oferta në Kosovë dhe Maqedoni. Ai ka qenë në bisedime me trajnerin e Kombëtares U-21, Alban Bushi dhe sot luan për një ligë shumë të fortë, ligën belge, FC Schaerbeek Lig3, në Bruksel. Shpreson të marrë ftesë në Kombëtare, në Federatën Shqiptare të Futbollit. 

Ameti ka nisur të luaj futboll që në moshën 15-vjeçare në Belgjikë. Nga viti 2016-2018 u bë lojtari i Schaerbeek U17. Karriera e tij pati një sukses të mirë dhe u inkuadrua në ekipin B, Kosova Schaerbeek B nga 2018-2019.  

Ne vitin 2018 Ameti lidhi kontratën duke u inkuadruar në Ligën e 4-të në Belgjikë tek klubi FC Schaerbeek. Aty ka luajtur 30 ndeshje, 21 prej tyre titullar dhe ka shënuar 8 gola dhe 5 assistime. Në fund të atij sezoni doli kampion. Më pas vazhdoi kontratën 1-vjeçare me FC Schaerbeek dhe pati shumë sukses, duke u emëruar Golashënuesi më i mirë i vitit. Në gusht 2019 filloi kampionatin dhe deri në shtator ka lujtur 8 ndeshje ku ka realizuar 6 gola dhe 2 asistime.

 

Gentiani Ameti, kampion dhe golashenuesi me i mire ne Lige

Që nga viti 2019 e deri më sot është aktivizuar në klubin FC Schaerbeek Lig3 në Bruksel, ku luan në pozicionin sulmues. Në 2022 Gentian Ameti debuton me performancë të jashtëzakonshme në ligën belge në dy ndeshje ku ka shënuar katër gola. Ai tregon se në këtë sezon është i përqendruar të bëjë sa më shumë gola, të mos ketë lëndime dhe të japi maksimumin e tij.  

“Me 17 gusht 2022 fillova futbollin në ligën belge. Jam i gatshëm të jap më të mirën dhe maksimumin tim, jam i fokusar ndeshje pas ndeshje. 

Gentian Ameti

Për këtë sezon 2022-2023 qëllimi im është të realizoj një sezon të mirë, të jap maksimumin dhe pastaj do e shohim në fund të sezonit. Kam qenë i koncetruar për këtë vit për të bërë përgaditje fizike. Jam përgatitur shumë fizikisht në Kumanovë gjatë verës, jam shumë në formë dhe shpresoj të vazhdoj në këtë ritëm,” u shpreh sportisti Gentian Ameti. 

Gentian Ameti falenderon trajnerin Tiko Tshola për suksesin në karrierën e tij në futboll. “I jam shumë mirënjohës trajnerit Tiko Tshola që më dha mundësinë të luaj 35 ndeshje me U21 dhe të shënoj 19 gola për 1 sezon 2020-2021 U21,” shtoi Ameti.  

1...1,2431,2441,245...1,739Faqja 1,244 nga 1,739