Shpirt rebel
Poezi
(Kushtuar Adem Demaçit, me rastin e 8-vjetorit të kalimit në amshim)
Shpirti i tij shpeshherë është rebeluar,
ka protestuar,
ka debatuar,
padrejtësitë i ka luftuar.
Është përflakur,
është përgjakur,
i uritur e i etur ka mbetur,
hapin e kohës duke e ndjekur.
Është paragjykuar,
është shigjetuar,
por asnjëherë s’është gjunjëzuar.
As nuk është blerë e as shitur,
as nuk ka tradhtuar.
Çdoherë duke qenë vetvetja,
në amshim ka kaluar.
Me fjalën shpatë,
me syrin pishë,
prangat dhe errësirën
i shndërroi në liri dhe dritë.
Mbase në botën e përjetshme
do të prehet në qetësi;
s’do ta trazojnë më
lugetër e gojëkëqij.
Arif Ejupi
Gjenevë, 26 korrik 2026
Të përshëndes
dhe përgëzoi miku
im për këtë kronologji
poetiko-epike
për IDEATORIN
dhe
PROMOTORIN
E LIRISË
SË SHQIPTARËVE
QË NUK ZMBRAMS
NË ASNJË ÇAST
NGA MISIONI
I NDRIÇIMIT
TË RRUGËS SË LIRISË
TË AI VETË E SHKELI
DHE TRASOI
DERI TEK TRIUMFI…
Qofte per here ne kujtesen e te gjith patrioteve shqiptari i bace Adem Demaqi! Qofte e pa vdekshme vepra e baces qe motivoj, ndihmoi dhe zgjoj ndjenjat patriotike te te gjith ata qe vepruan per lirine e Kosoves nga barbaret e qeverise serbe! Te lumte ty Arif per vargjet per bacen, deshiroj qe te kesh shendet e penda e jote mos pushot kuuuuurr!
Lavdi jetës e veprës së bacit Adem Demaçi; I Paharruar për jetë e mot!