Ilir Canhasi, Suedi
Librat e shkruar nga koha e antikitetit në përgjithësi janë shumë të vështirë për tu lexuar dhe marrin shumë kohë në lexim por ky libër i quajtur ”Lufta e Trojës – Luftë Pellazgo -Ilire” e autores tashmë së njohur për gjitha trojet shqiptare historianes Elena Kocaqi është shumë i lehtë dhe i qartë për lexuesin.
Autorja me vendosmëri pohon se Trojanët ishin Dardanë (Frigas) ku shumë fise Dardane kishin emigruar nga Shqipria në Trojë ndërsa në anën tjetër kemi Akejtë që ishin Pellazgë ku mbretërit e tyre ishin Ilirë.
Pra, të njejtët që jetonin në Gadishullin Ilirik banonin edhe në Trojë, ku këto dy dinasti bisedonin mes veti me të njëjtën gjuhë.
Lidhshmërinë e këtyre dy dinastive me shqiptarët e sotit autorja e librit mbështetet më së shumti te zakonet shqiptare që u përdoren gjatë luftës së Trojës ku ne edhe sot i gjejmë këto tradita te Kanuni Zakonor Shqiptar, ku autorja thekson se Shqipëria është i vetmi vend në botë që vazhdon ta aplikoj traditën Homerike edhe sot, e ato janë; mikpritja, gjakmarrja, besa dhe betimi, mos heqja e armës, mos dëmtimi i kufomës, imoraliteti dhe përdhunimi i gruas.
Por a nuk kishin këto zakone edhe fiset/ dinastitë e tjera përreth nesh? Kisha pas dëshirë të dëgjoja se çfarë thonë kritikët historianë botëror rreth kësaj teme.
Me siguri që është përfolur për këtë temë e që unë nuk kam dijeni.
Një gjë që më gëzoi pa masë ishte kur kuptova nga autorja se libri është i përkthyer edhe në anglisht.
Ohhh sa shumë kemi nevojë që bota të lexon historinë e shqiptarëve të shkruar nga vetë ne e jo si deri më dje kur të huajt shkruanin historinë për ne.
Unë nuk po zbuloi më tepër rreth librit por ju këshilloi që ta lexoni këtë libër juve që ende se keni bëre.
Të lumtë pena dhe mendja z. Elena Kocaqi.
