Kur do të mbushemi mend?

Afrim Musliu, Suedi

Para 7-8 viteve, një mik i mirë suedez më tha se në zgjedhjet e radhës do ta voton partinë e ekstremit të djathtë (SD), si shenjë e ngritjes së vetullës partive tjera të cilat janë treguar tepër gjenerozë me politikën e migracionit. Vazhdoi duke më thënë se e din që SD janë vetëm një grumbull idiotësh e që nuk dijnë me qeverisë me Suedinë e që kurrë nuk do të pajtohej me një qeverisje të tyre, mirëpo rritja e tyre to t’i frikësojë partitë tjera e do t’i detyrojë të ndërrojnë qëndrim. Natyrisht se kështu edhe ndodhi, ku rritja e tyre detyroi që qeveria suedeze të mbyllë kufijtë e t’i ashpërsojë ligjet për migracion si dhe shumë ligje të tjera. Sot, Suedia ka një qeveri socialdemokrate, e cila e ka shkëputë çdo marrëdhënie me ekstremin e majtë dhe të gjelbërtit, të cilët poashtu janë ekstrem i majtë në petkun e gjelbërt. Poashtu, Suedia sot ka një qeveri socialdemokrate që qeverisë me buxhet të partive borgjeze.

Edhe në Kosovë ndodhi e njejta më 14 shkurt 2021, ku votuesit dolën masovikisht në mbështetje të Vetëvendosjes, me qëllim që t’i detyrojnë subjektet tjera që të reformohen e të ndryshojnë qëndrim. Që të mos sillen si pronarë të Kosovës, e as si patrinë të ati populli. Votuesit e dinin shumë mirë se po e votojnë një subjekt idiotësh ekstremë e destruktivë që nuk dijnë të qeverisin, mirëpo këtë e panë si mënyrën e vetme për t’i detyruar subjektet tjera të reformohen e regjenerohen. Sot, përveç AAK-së, të gjitha subjektet tjera parlamentare janë reformuar e janë regjeneruar. Posaqërisht LDK-ja!

Mirëpo, çka është ka ndodhë me qeverisjen e vendit? Me këtë keqqeverisje Kosova jo vetëm se ka humbur shumë në politikën e jashtme, mirëpo vendi është ka shkon drejt humnerës. Sidomos në aspektin ekonomik. Kjo qeveri nuk ka asnjë plan konkret se si ta luftojnë krizën ekonomike. Krizën energjetike të cilën e shkaktuan këta vetë duke mos qenë vigjilentë e ta sigirojnë me kohë, kjo qeveri mundohet që inkompetencën e tyre ta mbulojnë me gjuhë populliste duke akuzuar qeveritë e kaluara e duke shpifë shantazhe. Njetë sikurse edhe Enver Hoxha që 40 vite e sundoi Shqipërinë me diktaturën më të egër komuniste duke akuzuar mbretin Ahmet Zogu për shkatërrimin e Shqipërisë gjatë 17 viteve mbretëri. Të ndalosh serverët që prodhojnë kriptovaluta, gjë që do të jetë e ardhmja globale, është me t’vërtetë totalisht e pakuptimtë.

Prodhimi i kriptovalutave është një industri moderne, e cila në Kosovë i ka punësuar afro 30 000 të rinjë e që fitojnë mes 700-1000 €uro pagë mujore. Shteti i Kosovës me këtë vendim jo vetëm se i lenë pa punë afro 30 000 të rinjë, por edhe humbë të hyra në buxhetin e shtetit edhe nga tatimi në paga të 30 000 tashmë të papunë, por edhe afro 53 milionë €uro nga tatimi në fitim nga kriptovalutat, e që simbas një kalkulimi nga një mik e profesor univerzitar, qarkullimi vjetor nga kriptovalutat është 576 milionë €uro. Siç e shihni, prodhimi i kriptovalutave ëshzë industri e madhe e cila sjellë në qarkullim shumë para në vend dhe e cila punëson dhjetra mijëra të rinjë, e që buxhetit të shtetit i sjellin dhjetra miliona €uro fitim për çdo vit.

Të ndalohet një industri aq e madhe për shkak se kjo qeveri idiotësh nuk e kanë siguruar energjinë elektrike me kohë, është një shenjë që kjo qeveri duhet të ikë sa më parë nga pushteti, e vendi të shkojë në zgjedhje të jashtëzakonshme, sepse inkompetenca e kësaj qeverie do ta shpie atë vend në humnerë, edhe brenda, por besa edhe në arenën ndërkombëtare.