Pse nuk po kërkohet drejtësi për Kurdët, Sirianët, Afganët e miliona që po vdesin në Yemen- shumica e të cilëve janë mysliman?

Arbana Xharra

Pse nuk po kërkohet drejtësi për Kurdët, Sirianët e miliona që po vdesin në Yemen- shumica e të cilëve janë mysliman?

Kriza e fundit mes Izraelit edhe Palestinezëve u ndez pas një verdikti gjyqësor që kërkonte dëbimin nga banesat e qirraxhinjve të përkatësisë arabe, pasi pronarët e tokave, të përkatësisë hebreje, donin të ndërtojnë ndërtesa të reja.

Arabët e frustruar me këtë vendim protestën e tyre e perqendruan brenda e përreth Xhamisë Al -Aksa, kur policia izraelite gjatë shpartallimit të tyre iu përgjigj me gaz lotësjellës dhe dhunë për të shpartalluar demonstrantët.

Fatkeqësisht operacioneve të policisë iu bashkangjitën edhe radikalë hebrenjë dhe radikal arabë të cilët sulmonin njëra tjetrën.

Organizata e shpallur nga shumica e shteteve perëdimore, por edhe arabe e afrikane si terroriste, shfrytëzoi rastin – ngase janë në prag të zgjedhjeve në Palestinë dhe sipas indormacioneve FATAH e presidentit Abbas fiton serish terren – dhe nisi sulmin me raketa drejt vendbanimeve civile si Tel Aviv dhe qytetet përreth.

Izraeli u përgjigj me operacionin i cili vazhdon për të shkatërruar tunelet, depotë dhe infrastrukturen e Hamasit dhe Hizbollahut, organizata këto që janë të Iranit, ndihmonhen nga Turqia dhe armatosen nga Rusia e Kina.

Vendet që dolën krah Izraelit e bënë pikërisht për këtë arsye, sepse e dinë kush është Hamasi. Janë terroristë që nuk kursejnë as fëmijët Palestinezë ti nxjerrin si mburojë, si martir potencial.

Do të ishte skandaloze që shtetet shqiptare të anonin nga një organizatë e tillë. Është në përgjegjësinë e palestinezëve që mos përfaqësohen nga struktura të tilla, të cilat në programet e tyre kanë luftën për zhdukjen e Izraelit.

Palestina e versionit arab ekziston veç pas shpalljes së Izarelit si shtet mbi një territor, hapësira e të cilit ishte 80% e zbrazët.

Përkrahja e shqiptarëve për Palestinën vjen nga shtresat radikale islamike shqiptare dhe ata që i përdorin edhe për politikat e tyre – veçanërisht të majtët aktualisht. Shumica nuk e njohin konfliktin, madje nuk e bëjnë as të motivuar nga feja, dhimbja, solidariteti por e kanë politikisht; pse atëherë nuk protestojnë kur vriten mysliman në Siri, Jemen, Afganistan – ku viktimat janë në numër shumë të madh?!

Pse nuk po kërkohet drejtësi për kurdët shumica e të cilëve janë myslimanë?

Pse nuk po kërkohet drejtësi për Kurdët, Sirianët, Afganët e miliona që po vdesin në Yemen- shumica e të cilëve janë mysliman?

Shkrime relevante

Arbana Xharra

K O M E N T E

SHKRUAJ NJË KOMENT Anulo përgjigjjen