Sali Bytyçi, Prishtinë
Republika e Kosovës është republikë e një pakice të privilegjuarësh dhe të shumicës që duhet të ikin në të katër anët e botës për të siguruar jetesën.
Të ashtuquajturit akademikë të Akademisë së Shkencave dhe të Arteve, në rregulloret e veta kanë futur një nen sipas të cilit, edhe pasi të vdes një anëtar i Akademisë, edhe 6 muaj më pas në konton e xhenazës i shkojnë nga 1500 euro! Këtë që e shkrova, e kam me të dëgjuar, po kjo mund të verifikohet, a është kështu apo jo.
Ndërkaq, saktë e di që:
1. Për një libër që e ka shkruar për Gjakovën, e asnjë libër tjetër kurrë, një person i merr nga 1500 euro në muaj, derisa të vdesë, ndoshta edhe 6 muaj pas;
2. Për kryeveprën për të folmen e Karadakut, një person i merr nga 1500 euro në muaj;
3. Për kryeveprën për Gjuhën e gazetës, përveç që i merr 1500 në Fakultetin Filologjik, i merr edhe 1500 euro në Akademi të shkencës një person;
4. Po edhe të tjerë/a, që nuk kan botuar asnjë vepër marrin në Akademi nga 1500 euro në muaj! Kosova vendi më i varfër në Evropë, ama me njerëz që vazhdojnë të jetojnë sikur të ishin pashallarë të Perandorisë Otomane!
Për fund, kryetari i të ashtuquajtur Akademi e Shkencave dhe e Arteve të Kosovës, që i menaxhon këta gjenitë e përmendur, i merr rreth 2800 euro në muaj, ose gati sa dy paga të kryeministrit Albin Kurti!
