Fadil Hoxha, Prizren
E përfundova me sukses punën si drejtor në Bordin e Drejtorëve në Korporatën Energjetike të Kosovës – KEK.
Kjo punë me sukses, me nderë dhe profesionalizëm, nuk u vazhdua nga Qeveria e Kosovës, e kryesuar nga Kreyministri Kurti.
Për 7 muaj, së bashku ma anëtarët tjerë të Bordit, dhash gjithçka që të punohet me nderë, pa korrupsion, pa keqpërdorime, pa nepotizëm e favore dhe, natyrisht, gjithnjë duke respektuar në tërësi liģjet e Kosovës në fuqi.
Me këtë punë të mirë po e lëmë një ndërmarrje publike, siç është KEK-u, me rekord në prodhim, edhe pse në kohë pandemie, dhe me rezultate financiare të shkëlqyeshme meqë korporata KEK do të ketë rreth 30 milionë euro fitim neto për vitin 2020.
Megjithatë, me gjithë këto suksese e punë të mirë, Qeveria Kurti emëroi një Bord të ri të përkohshëm, po atë bord dhe të njëjtit njerëz që kishte emëruar vitin e kaluar, dhe që shquhet për avansime menaxheriale të militantëve partiak të subjektit fitues në zgjedhjet e fundit.
Ky emërim, përveç që largoi ata që punuan me nder e me sukses, është bërë pa respektim të procedurave ligjore dhe pa kurrfarë arsyetimi se pse nuk u vazhdua puna e mirë e bordit paraprak.
Ky veprim ishte edhe një nga premtimet e mosmbajtura të Kryeministrit Kurti se për bordet e ndërmarrjeve publike do të vendoset pasi që të bëhet një auditim i punës së tyre.
Kurrfarë auditimi i veçantë nuk ka ndodhur.
Sidoqoftë, i falënderoj të gjithë anëtarët e menaxhmentit në KEK e në veçanti auditimin, ku bëmë një punë të madhe për të evituar çdo parregullsi, keqpërdorim e keqmenaxhim.
Ndoshta vjen një ditë në Kosovë ku çmohet puna me nderë e profesionalizëm
