Të jesh pjesë e Lëvizjes BESA a nënkupton të gënjesh popullin se nuk je organizatorë në protestë, ndërkaq kur sheh se rrugët u mbushën me protestues, shfaqeni si lugetër dhe e uzurponi atë ngase, – “ndjeheni gjallë dhe ekziston”!?
– Të jesh pjesë e Lëvizjes BESA, a nënkupton se ke një qëllim dhe një ideal jetësor, sa më shpejtë t’i mësoni njerëzit se si duhet “menduar mirë”, pa ua sqaruar ç’kuptoni me nocionin “të menduarit mirë?!”
– Të jesh pjesë e Lëvizjes BESA, a nënkupton të japish “BESË” për t’u shkëputur nga “gjumi shekullor”, e të mos lejosh që dikush ta cenoj dinjitetin, drejtësinë dhe ideologjinë neo-otomane të Erdoganit?
-Të jesh pjesë e Lëvizjes BESA, a nënkupton që “BESËN” përtej një kodi etik ta ktheni në një lëvizje të moderuar islamiste?
– Të jesh pjesë e Lëvizjes BESA, a nënkupton të jesh lëvizje fetare që e fundos sistemin demokratik dhe për ta instaluar islamin politik?!
– Të jesh pjesë e Lëvizjes BESA, a nënkuptoni që me dorën tuaj do të ndryshoni historinë e popullit shqiptar dhe do ta merrni përsipër ta ndryshoni atë në të ardhmën ashtu siç dëshiron “babai” juaj, Erdogani? – Të jesh pjesë e Lëvizjes BESA, a nënkupton të besosh në të njëjtin ideal, siç beson “ideologët” e juaj, Erdogani dhe Davutoglu për të ndërtuar një ardhmëri që do ta gëzoj kjo rini!?
– Të jesh pjesë e Lëvizjes BESA, a nënkupton që duhet ndryshuar tekstet shkollore ku Perandoria Osmane cilësohet si pushtuese e tokave shqiptare?
– Të jesh pjesë e Lëvizjes BESA, a nënkupton që heroi ynë kombëtar Gjergj Kastriot – Skënderbeun, me vullnetin “tuaj” politik do ta shpallni si kryqtar dhe armik të islamit?
– Të jesh anëtarë i Lëvizjes Besa, a nënkupton që vajzat dhe gratë tona duhet të mbulohen siç preferon “udhëheqësi” i juaj i lartë, Erdogani?
Në fund po të(ju) them se, jo vetëm që kemi dilema, por kemi edhe dyshime të mëdha, që nga paraqitja juaj e parë, prandaj, siç thoni ju, populli shqiptarë di të dallojë njerëz që bartin ideale të rrejshme – aziatike, nga ato që ky popull i lashtë diti dhe arriti t’ju përballojë tri perandorive duke e ruajtur më vete gjuhën, traditën dhe racën e tij, Ariane-Pellazge-Ilire-Shqiptare.
Vullneti i popullit shqiptarë në Maqedoni nuk është të thuhet vetëm se kush është këtu Autokton, por të jesh sovran në tokat e tuaja e t’ju bashkangjitesh Shqipërisë Mëmë e jo Selçukëve dhe Mongolëve të Azisë.
Ky është vullneti i popullit shqiptar, që ju, as keni dëshirë e as guxim ta thoni këtë, ngase një pjesë e juaj akoma ëndërron në rikthimin e Osmanlinjve.
Epo kjo kurrë s’ka për të ndodhur, i dashur, përderisa ka djem dhe vajza që flijojnë veten për flamurin kuq e zi të Skënderbeut dhe trimave që luftuan në Kumanovë!…
Më 13/05/2016
