Ish-Presidenti Ibrahim Rugova, një Njeri që nuk mund të harrohet kurrë.
Nga major: Nazif Ramabaja
Dita e 24 majit mbetet një datë historike për shtetin dhe popullin e Kosovës. Pikërisht më 24 maj 1992, 33 vjet më parë, u mbajtën zgjedhjet e para presidenciale dhe nacionale në Kosovë — një moment i rëndësishëm që shënoi fillesën institucionale të shtetësisë. Që nga ajo ditë, kjo datë njihet edhe si Dita e Presidentit.
Presidenti Ibrahim Rugova, përmes veprimtarisë së tij të palodhur, vizionit të qartë dhe politikës së urtë, projektoi bazat e shtetit të pavarur të Kosovës. Ai u bë arkitekti i shtetit tonë modern dhe garantues i miqësisë së përhershme me Shtetet e Bashkuara të Amerikës.
Ky projekt i shtet formimit, pas shpalljes së pavarësisë së Shqipërisë, ishte më i madhi dhe më vendimtari për kombin shqiptar në dekadat e fundit.
Në rrethana të jashtëzakonshme të një okupimi klasik, Presidenti Rugova gjeti rrugën më të mençur për ta ndërkombëtarizuar çështjen e Kosovës. Ai e shndërroi qëndresën paqësore në një model unik të rezistencës moderne, duke i dhënë popullit zë në arenën ndërkombëtare.
Me politikën e tij të matur dhe të mençur, ai shtriu rrugën drejt LIRISË, PAVARËSISË dhe DEMOKRACISË , tri shtylla që u bënë udhërrëfyes për të gjithë ne që punuam dhe vepruam në epokën e Presidentit Rugova.
Urime Dita e Presidentit!
