Gjurmët të Shkupit që nuk fshihen kurrë
___
Në këtë fotografi të rrallë të Shkupit të vjetër, me katror është shënuar mëhalla dhe shtëpia ku lindi dhe u rrit Nënë Tereza – në një lagje shqiptare katolike që sot nuk ekziston më, por jeton në kujtesën tonë kolektive.
Në të djathtë ndodhet Çarshia, zemra tregtare dhe kulturore e qytetit, ndërsa në të majtë, jashtë fushës së fotos, vetëm rreth 100 metra më tej, ndodhet Kisha Katolike e Zemrës së Shenjtë, ku familja e saj shkonte rregullisht për meshë dhe ku mori formë besimi i saj i thellë.
Edhe pse kjo lagje u rrënua dhe shumëçka u përpoq të harrohej, vepra dhe jeta e Nënë Terezës, bashkë me historinë e dhjetëra familjeve shqiptare katolike, nuk mund të zhduken. Ne jemi të betuar të zbulojmë dhe të ndajmë me botën çdo gjurmë që u përpoqën ta fshihnin – sepse e vërteta jeton dhe flet vetë.
