Ekspozimi i aktiviteteve “parainformative”: Shkelje e rendit kushtetues dhe sfidë për sigurinë kombëtare!
Rasti i publikuar para disa diteve nga gazetari i Klan Kosovës duhet të shihet si një akt me rëndësi të madhe në kuadër të transparencës dhe mbrojtjes së interesit publik.
Gazetari ka shërbyer si një zë i domosdoshëm për të ekspozuar një aktivitet që, në thelb, prek sigurinë kombëtare të Republikës së Kosovës. Mbështetja për këtë hulumtim është e domosdoshme jo vetëm për integritetin e gazetarisë hulumtuese, por edhe për vetë funksionalitetin e shtetit ligjor.
Në aspektin juridik dhe kushtetues, Mbledhja, Grumbullimi dhe Përpunimi i informacioneve të ndërlidhura me strukturat e sigurisë vendore– qoftë për individ, grup, organizatë apo shtet të huaj – bie drejtpërdrejt në fushën e veprave penale kundër rendit kushtetues dhe sigurisë së shtetit.Një aktivitet i tillë, pavarësisht mbulesës së “OJQ-së” apo formës “civile”, përbën shkelje serioze normative dhe duhet të ishte trajtuar nga organet e drejtësisë.Është për t’u habitur fakti që pati një reagim nga faktori ndërkombëtarë, të cilët e relativizuan këtë zhvillim, duke lënë përshtypjen sikur “keto” struktura të caktuara “parainteligjente” në Kosovë punojnë për interesa të tyre?!.
Një qasje e tillë është problematike, sepse shpërfill normativën e brendshme të Kosovës, e cila është e qartë: çdo organizatë apo individ që merret me aktivitete të tilla cenon rendin kushtetues.
Kjo nuk është hera e parë që organizata sikur ajo në hulumtim janë të lidhura me direktivat zyrtare të Beogradit dhe kanë vepruar kundër institucioneve legjitime të Kosovës. Në të kaluarën, ato kanë qenë pjesë e një strategjie hibride për të kundërshtuar rendin dhe ligjin në veri, duke sfiduar në mënyrë të hapur Policinë e Kosovës – institucion legal dhe legjitim i shtetit.
Pra ky rast duhet të shërbejë si një kujtesë e qartë për të gjitha palët – e në veçanti ndërkombëtare – se çdo tentativë për të krijuar struktura paralele ose për të ndikuar në funksionalitetin e sigurisë së Kosovës është e papranueshme dhe e dënueshme. Mbrojtja e rendit kushtetues dhe e integritetit të institucioneve të sigurisë është interes strategjik, jo vetëm i Kosovës, por edhe i stabilitetit rajonal.
Zotri Drizan Shala. Pakes joprofesioniste kjo Deklarata e Juaj. Te Ju them pse: Ju jeni ekspert per Siguri Kombetare, e jo gazetaret. Ata nuk jane shkollu as trajnu per kete pune per cilen Ju jeni, te themi, Ekspert. Pra, kjo gje behet ne kete menyre: I thirrni te gjithe Kryeredaktor te te gjitha gazetave dhe televisioneve ne Kosove dhe i jepni atyne udhezime cka NUK LEJOHET te botohet. E ata jane pergjegjes dhe i percjellin udhezme te juaja apo te Juaja personale te gjithe gazetarve qe punojne ne ato redaksi. A e keni be kete pune?! Jo, si duket. E ky gazetari NUK ESHTE I TRAJNUM e aq ma pak EKSPERT per informata te Klasifikuara. E ne Kosove eksistojne 3 (tre) gazetare qe meren vesh ne keto pune. Vetem 3 (tre). Kuptohet se nuk i them ketu haptas emrat e tyne. Besoj e e dini , e njifni kategorine: Propagand= Antipropagand=Propagande. Besoj…