Mërgimtari mbjellë dashuri, lule, trëndafila e pemë në oborrin e shtëpisë; ato nuk i presin t'i hanë e të pushojnë nën hijen e tyre!

Sara Blakqori, Prishtinë

Pak fjalë për diasporën

Ne shqiptarët jemi populli i dytë në botë që e duan atdheun në mënyrë të organizuar. S’ka në botë këso dashurie të organizuar. Ky dimension i dashurisë është magjik dhe i pakuptueshëm. Është dashuri nga zoti që rritet nga largësia.

Prandaj, dashuria e shqiptarëve ndaj atdheut duhet të studiohet.

Për mua diaspora shqiptare është e shenjtë (është dashuri që ia kalon secilit libër të shenjt), sepse vetëm jep dhe nuk merr asgjë nga vendlindja.

Ndërtojnë shtëpi në atdhe, e jetojnë në mërgim. Çdo shtëpi e tyre për mua është vend i shenjtë.

Ata e mbjellin dashurinë në oborrin e shtëpisë, mbjellin lule e trëndafila verë më verë, mbjellin pisha e pemë, të cilat nuk i mbjellin për vete, se ata shkojnë nga këtu, nuk i presin t’i shohin kah rriten, nuk i presin t’i hanë për vete, as të pushojnë nën hijen e tyre.

Të neveritesh nga dora që të jep bukë -është mallkim për ty.

Të fyesh djersën e punëtorëve që kurrë nuk ngopen gjumë, është mëkat i madh;

T’ua prishësh pushimin atyre që kurrë nuk pushojnë përveç një herë në vit kur vijnë në Kosovë – është krim;

T’u bësh zullum të mërziturve-mos pyet për ty;

Të thuash se ‘ata shesin mend’, është budallallëk, sepse shume ne kosove jeni ata që shesim mend, e ata janë sponzorët e mendjemadhësisë sonë.

Të thuash se ata nuk e duan Kosovën më shumë se ne – është gabim i madh logjik, sepse ata krejt paret që i kanë i sjellin në Kosovë!

kurse krejt paret që i ka Kosova i keni vjedhur dhe shpenzoni Ju, kurrë pa punu kush kurrgjë, veç tuj filozofu!

P.S.

Ka shumë prej tyre që nuk e kanë askend këtu, nuk i pret askush, ata vijnë për t’i vizituar kujtimet dhe varret e tyre.

Sa herë vjen fundi i verës, Kosova lahet me lot. Ju kam parë, e di. Çdo përqafim i ndarjes me të dashurit t’u përjetohet si përqafimi i fundit.

Mërgimtari mbjellë dashuri, lule, trëndafila e pemë në oborrin e shtëpisë; ato nuk i presin t’i hanë e të pushojnë nën hijen e tyre!

Shkrime relevante

K O M E N T E

SHKRUAJ NJË KOMENT Anulo përgjigjjen