Nga: Basri Beka
___
Strategjia e re e sigurisë së SHBA e thotë troç: Evropa është në krizë civilizuese, dhe toleranca e saj e deritanishme ka mbaruar. Amerika po i kërkon Europës të “kthehet tek vetvetja”, të mbrojë identitetin, kulturën, sovranitetin dhe sigurinë e saj. Kjo ndryshon lojën. Radikalisht.
Dhe këtu hyn rreziku për shqiptarët.
Nëse ne vazhdojmë të lejojmë ndikimin e islamit politik, eksportin e imamëve ekstrem, predikimeve radikale, dhe grupimeve që përplasen me vlerat perëndimore — atëherë duhet ta kuptojmë një gjë:
Evropa e re nuk do ta tolerojë. As për dy minuta.
Kjo strategji i jep kontinenti arsye, justifikim politik dhe mandatin moral që:
– të mbyllë dyert;
– të forcojë ligjet e dëbimit;
– të kthejë me charter kushdo që shihet si rrezik për rendin civilizues;
– të mos e pranojë më asnjë lloj “importi kulturor” që e cenon identitetin evropian.
Kush i bie me shkelm qytetërimit perëndimor, do përfundojë jashtë tij.
Thjesht. Ftohtë. Pa emocione.
Nëse shqiptarët në Europë identifikohen me islam politik, pasojat do t’i vuajnë të gjithë:
diaspora, shqiptarët e Kosovës, të Shqipërisë dhe të Maqedonisë. Do të na fusin në të njëjtin thes me ata që po i rrezikojnë vlerat evropiane, dhe nuk do të ketë më asnjë opsion magnetik “mëshirë” në politikën e re.
Ne jemi popull me identitet thellësisht perëndimor: kulturë, gjuhë, zakone, histori, orientim strategjik. Kjo na ka shpëtuar dhe na ka ngritur. Po të luajmë me zjarrin e islamit politik – e djegim vetë këtë pozicion.
Ky është momenti kur duhet të sillemi me përgjegjësi.
Të mbrojmë vlerat tona.
Të mos bëhemi urë e as splintë e ndonjë qytetërimi tjetër përballë Perëndimit.
E ardhmja e shqiptarëve në Europë varet nga një gjë e thjeshtë:
Të jemi ne vetë, jo instrument i askujt.
Kaq. Nëse nuk e kuptojmë tani, nesër do të jetë vonë.
EKZAKT, SHKURT DHE KJART.
Por ka nji rrezik, se keto vendet tona me shumice me mentalitet mulsiman, te kalojne nga ana e Lindrove sllav ose te Orjentalve turko-Arab.
Natyrisht per kete ebentualitet sigurisht ka per te mendu NATO, ne menyre qe te mos fusin hundet ne Ballkan rust apo shtetet islamike.