nga: Luan Dibrani, Gjermani
Ka momente në historinë e një populli kur vota nuk është thjesht zgjedhje politike, por akt moral.
28 Dhjetori është një nga ato ditë për Kosovën.
Ka burra që e ndërtojnë emrin me fjalë, dhe ka burra që e gdhendin emrin e tyre në histori me vepra. Besim Hasani i përket kësaj kategorie të rrallë – burrështetas i sportit, arkitekt i ndërkombëtarizimit të Kosovës dhe sot, me plot të drejtë, pretendent serioz për të qenë zë i fuqishëm në Kuvendin e Republikës së Kosovës.
Kryetari i Partisë Demoratike të Kosovës Bedri Hamza, ka njoftuar se ish-kryetari i Komitetit Olimpik të Kosovës, Besim Hasani, do të garojë për deputet në listën e kësaj partie. Hamza tha se Kosova sot ka nevojë për profesionistë që sjellin përvojë, prosperitet dhe rezultate.
Në këtë ditë, qytetari nuk pyetet vetëm kë të votojë, por kë ta dërgojë si fytyrë të vetën në shtet. Dhe pikërisht këtu del në pah emri i një burri që nuk erdhi nga zhurma e politikës, por nga heshtja e punës së madhe: Besim Hasani.
Ai nuk erdhi nga era – erdhi nga rrënja
Besim Hasani nuk është produkt fushate.
Ai është produkt i tokës së Gollakutnga fshati Prapashticë, i një familjeje me shtyllë kurrizore, me traditë atdhetare, me dije dhe sakrificë. Familje që nuk u rreshtua kurrë në anën e përfitimit të lehtë, por në anën e nderit dhe qëndresës. Nga ajo rrënjë lindin burra që nuk e shesin flamurin për kolltuk.
Kur Kosova nuk kishte zë, ai u bë zëri i saj
Para se shumë prej atyre që sot zënë ulëse në Kuvend të mësonin të flisnin për shtetin, Besim Hasani e përfaqësonte Kosovën në botë.
Në kohë izolimi, ai e çau murin.
Në kohë mohimi, ai kërkoi njohje.
Në kohë dyshimi, ai solli fitore.
Si President i Komitetit Olimpik të Kosovës:
- e çoi Kosovën në Komitetin Olimpik Ndërkombëtar,
- e bëri flamurin tonë të valojë në Olimpiadë,
- e bëri himnin tonë të dëgjohet para botës,
dhe i dha këtij vendi medalje, krenari dhe dinjitet.
Pamje Besim Hasanit, me kryetarin e Kosovës Dr Ibrahim Rugova ne Kohen e sfidave dhe betejave për ndërtimin e Kosovës edhe ne fushën e sportit.
Për këtë, bota e nderoi me Urdhrin Olimpik – dekoratë që nuk i jepet politikanëve të zhurmshëm, por burrave që lënë gjurmë.
Sfida politike e 28 Dhjetorit
Sot, Kuvendi i Kosovës vuan nga një sëmundje e rëndë:
shumë zëra pa peshë dhe shumë ulëse pa vepra.
Besim Hasani është sfidë për këtë realitet.
Ai është pyetje e drejtpërdrejtë për votuesin:
A duam deputetë që flasin, apo deputetë që kanë vepruar?
Ai nuk hyn në politikë për të mësuar shtetin.
Ai hyn për t’i dhënë shtetit përvojë, autoritet dhe reputacion ndërkombëtar.
Sot, Kosova ka një Kuvend ku, për fat të keq, shumë ulëse janë zënë pa asnjë kontribut real, pa bagazh profesional, pa vizion dhe pa ndikim. Në këtë realitet, Besim Hasani nuk vjen për të mësuar politikën, por për ta ushtruar atë me përgjegjësi, me përvojë shtetformuese dhe me respekt ndërkombëtar të dëshmuar.
Ai është njeriu që di:
- të përfaqësojë Kosovën me dinjitet,
- të flasë gjuhën e diplomacisë,
- të ndërtojë ura bashkëpunimi,
- dhe mbi të gjitha, të krijojë rezultate konkrete, jo premtime boshe.
Besim Hasani me Ibrahim Rugovën
PDK dhe prova e maturisë
Kandidimi i Besim Hasanit është edhe provë për Partinë Demokratike të Kosovës.
Prova nëse kjo parti dëshiron të dalë nga rrethi i mbyllur i figurave të konsumuara dhe të hapet ndaj vlerave reale, njerëzve që nuk e kanë njollosur emrin dhe që nuk e kanë tradhtuar besimin publik. Kandidimi i Besim Hasanit vjen në një moment reflektimi për Partinë Demokratike të Kosovës. Largimi i Memli Krasniqit nga një model i mbyllur drejtues ka hapur hapësirë për frymë të re, për kandidatë me integritet dhe me autoritet real shoqëror. Figura si Besim Hasani janë dëshmi se PDK-ja ka potencial per reformim dhe të dalë nga një guaskë hermetike dhe të rifitojë besimin qytetar përmes vlerës, jo retorikës.
Thirrje nga ndërgjegjja, jo nga podiumi kthejeni krenarinë në votë
Më 28 Dhjetor, vota nuk është vetëm për parti.
Është për dinjitetin e përfaqësimit.
Besim Hasani nuk kërkon votën për emrin e tij, por për kontributin e tij të dëshmuar. Ai nuk premton mrekulli, por ofron përvojë. Nuk shfaqet si politikan i rastit, por si njeri i veprave, që e ka dëshmuar veten kur Kosova kishte më së shumti nevojë.
Prandaj, qytetarë të Gollakut dhe mbarë Kosovës,
bëjeni zërin tuaj të dëgjohet përmes një njeriu që di të flasë dhe të veprojë.
Kur votoni Besim Hasanin:
- votoni një familje që e ka dashur Kosovën pa kushte,
- votoni një burrë që e ngriti flamurin para se të kërkojë votën,
- votoni për një Kuvend me më pak zhurmë dhe më shumë peshë.
- sport të zhvilluar,
- rini të mbështetur,
- kulturë shtetërore,
- dhe politikë me dinjitet,
️ Besim Hasani – Nr. 22
️ PDK – Nr. 130
Që zëri yt nesër në Kuvend të jetë zë i veprave, jo i boshllëkut.
Besim Hasani – figurë me bagazh, potencial dhe përgjegjësi shtetërore.
Në kohë kur fjala është shpenzuar,
le t’i besojmë atij që ka folur me vepra.
Besim Hasani – jo premtim i radhës, por provë e dhënë.
