Nga Aurel Dasareti
O shqiptar! Përdor talentet e tua! Do të ishte shumë qetësi në pyll nëse askush nuk do të këndonte përveç zogjve që këndojnë më mirë.
***
Bota është në flakë. Luftëra të mëdha dhe shumë të rrezikshme që mund të përhapen kudo, veçanërisht edhe në territoret shqiptare, Kosovë, Shqipëri dhe trojet nën pushtim. Kur luftërat globale shpërthejnë, zgjedhja e një kreu shteti shpesh shënohet nga nevoja për siguri, stabilitet dhe udhëheqës të fortë me përvojë, që respektohen dhe kanë miqësi me udhëheqës të fortë të fuqive më të mëdha botërore: SHBA…
Proceset demokratike mund të sfidohen kur përparësi i jepet përgatitjes kombëtare, gjë që ndryshon fokusin e fushatës zgjedhore nga çështjet e zakonshme politike – në politikën e mbrojtjes dhe menaxhimin e luftës.
Si ndikon koha e luftës në zgjedhjen e një udhëheqësi:
- Fokus në stabilitet: Votuesit (edhe ata shqiptarë) duhet patjetër të preferojnë udhëheqësit aktualë ose kandidatët me përvojë në politikën e sigurisë për të shmangur pasigurinë në një situatë krize.
- “Mbledhje në fund”: Shpesh ka një tendencë për të mbështetur udhëheqësit aktual (mbledhje rreth flamurit kombëtar), gjë që mund të kufizojë zgjedhjen e vërtetë politike.
- Siguria kundrejt Demokracisë: Kur fillon lufta, diskutimet rreth nevojave të mbrojtjes mund të errësojnë debatet e zakonshme demokratike.
- Rregullat e luftës: Edhe në kohë lufte, rregullat kombëtare shqiptare duhet të mbrojnë civilët, gjë që është një çështje me të cilën udhëheqësit (deputetët e Kuvendit…) duhet të merren paraprakisht.
Në kohë të trazuara, nevoja për një udhëheqës të qartë që mund të trajtojë krizat mund të çojë në ndryshimin e proceseve zgjedhore demokratike krahasuar me kohën e paqes.
Si përfundim, konkretisht: Hajdutët antikombëtarë të Kuvendit të Kosovës- thënë ndryshe, mercenarë të Serbisë, analfabetë të pakarakter dhe shakaxhinj të tipit Mr. Bean, duhet ta kishin rizgjedhur menjëherë Vjosa Osmanin, pa marrë parasysh disa mangësi dhe gabime të saj. Kjo edhe për faktin se ajo ka aftësi intelektuale, njihet dhe simpatizohet shumë edhe nga presidenti i shtetit më të fortë në botë, atij amerikan. SHBA-së, që disa vjet më parë shpëtoi Kosovën (shqiptarët e Kosovës) nga gjenocidi përfundimtar i shkaktuar nga barbarët e Karpateve…
PS: Është e domosdoshme, jetike, që shqiptarët e Kosovës të tregojnë se e meritojnë një shtet normal dhe të pavarur; përndryshe rikthehen çetnikët.
“Një shtet do të shkatërrohej nëse ligjet nuk do t’i përshtateshin domosdoshmërisë” – Blaise Pascal
- Aurel Dasareti, USA, është ekspert i shkencave ushtarake-psikologjike
06.03.2025
