Kreu Blog Faqe 804

Jehona e romanit të Buxhovit “Shënimet e Gjon Nikollë Kazazit” në mediet italiane, intervistë e Radio Vatikanit me publicistin Giovani Cederone

Drini.us
-
1
Jehona e romanit të Buxhovit “Shënimet e Gjon Nikollë Kazazit” në mediet italiane, intervistë e Radio Vatikanit me publicistin Giovani Cederone
NJË ROMAN I MADH NGA NJË PERIFERI LETRARE
*
-Radio Vatikani sjell një intervistë me kuratorin e botimit, publicistin Giovani Cederone, i cili veprën e Buxhovit të përkthyer në italisht e quan një momentum të rëndësishëm letrar që nxjerr në pah identitetin shpirtëror dhe kulturor shqiptar me rrënjë në antikitet. Por, ngaqë toka e tyre gjendet në pjesët e skajshme të perandorisë, i bën të papelqyeshëm si nga Osmanët ashtu edhe nga Perëndimi dhe për këtë arsye ata janë ndeshkuar. Ky fakt paraqitet mjaft mirë në këtë libër.
RADIO VATIKANI: Fotografia e ditës: Një vajzë e vogël me një prind përkulen për t’u mbrojtur nga sulmi me bomba. Ndoshta në Gaza, ndoshta në Izrael. Viktimat janë të gjitha njësoj ashtu si dhe luftërat, edhe atëherë kur zhvillohen kundër epidemive. Është pikërisht kjo tema që trajtohet në romanin e bukur të Jusuf Buxhovi. “Për ty toka ime”. Ngjarjet e romanit zhvillohen në tokën shqiptare në shekullin XVIII. Ky roman sapo u botua nga shtëpia botuese “Armando” në Romë. Për librin që ka zgjuar kureshtjen do flasim me kuratorin e botimit, publicistin Giovanni Cedrone. Në roman trajtohet një histori ambicioze ndodhur gjatë vitit 1747. Romani është botuar për herë të parë në vitin 1982. Ndërsa tash vjen i përkthyer në gjuhën italiane nga Liljana Cuka- Maksuti.
Historia tregohet nga protagonisti Gjon Nikollë Kazazi, njeri i perëndisë, i cili kërkon të nxjerrë në dritë identitetin kombëtar të popullit të tij, por mund të thuhet se protagonisti i vërtetë i kësaj historie bëhet një epidemi, një epidemi murtaje që e sjellë këtë histori shumë afër me kohën tonë.
GIOVANI CEDRONE: Historia e këtij romani na kujton se qeniet njerëzore sa herë janë përballur me pandemi gjatë shekujve kanë mbajtur të njëjtën qëndrim, si ky që po mbajmë edhe ne me covidin aktualisht. Protagonisti i romanit, Gjon Nikollë Kazazi në fakt gjendet duke komentuar lajmin e epidemisë së murtajës, e cila, mund themi se për atë kohë nuk ishte një gjë aq e pazakontë, por perceptohet menjëherë si një armë, një armë biologjike që mund të themi është përdorur nga pushtuesit osmanë, në të vërtetë për të ndëshkuar një popullsi, sepse haptazi nuk ishte e përshtatshme për interesat osmane. Këtë pretendim e kanë të gjitha perandoritë e mëdha mbikombëtare. Ndër të tjera në librin e tij Buxhovit na tregon, se perandoria otomane synonte krijimin e një njeriu të ri perandorak, një njeri pa rrënjë krejtësisht e kundërta ma atë që ndihej Kazazi dhe miqtë e tij, ata ndiheshin thellësisht shqiptar, me kujtimet dhe gjuhën e tyre të shtrenjtë. Dokumenti i parë i shkruar i gjuhës shqipe është i vitit 1555, ku ekziston prova e shkruar. Të ballafaquar me këtë situata, kjo popullsi e provon mbi shpatullat e saj çfarë i ka sjellë posaçërisht Perandoria Osmane.
RADIO VATIKANI: Ne nuk duam të bëjmë komplotizëm për komplotizëm, por muajt e fundit kemi dëgjuar të flitet edhe për këtë, në një farë mënyre, por ky virus që po na shkatërron si një armë, si një gjest i kërkuar nga dikush, këtu në këtë roman ‘gjithashtu nxit të njëjtin dyshim’, madje edhe kur Protagonisti, një njeri i Zotit, ai është prift, rrethuar nga ankthi, ndërsa dokumenton sëmundjen, ai gjithashtu gjen edhe zgjidhjen, ai ka një ilaç me të vërtetë superior, i cili është i pagabueshëm?
GIOVANNI CEDRONE: Po, ai ka një ilaç metafizik,që është shpresa. Kazazi thotë se nëse heqim dorë, ne kemi vdekur që në fillimi prandaj ne duhet të kemi shpresë, për të mos u asgjësuar nga kjo epidemi në radhë të parë, dhe pastaj ata madje të fillojnë të kërkojnë një lloj anti-litteram, në se mund ta themi ata kërkojnë vaksinën. Dhe ata kanë edhe metodën e saj, të cilën Kazazi e sipas përkthimit letrar e quan “gërvishtje”, por në thelb është një inokulim i virusit brenda njerëzve të shëndetshëm. Sigurisht këtu kemi të bëjmë me një roman, ku mbi të gjitha shpresa te njerëzit theksohet fuqishëm. Kazazi duke qenë një njeri i kishës, dhe konkretisht ai është peshkop ka përgjegjësi ndaj besimtarëve të tij. E gjejmë atë të ndodhet në një udhëkryq: duhet të kundërshtojë urdhërat e sovranëve osmanë pushtues, apo tu nënshtrohet vullnetit të tyre? Ata që do të lexojnë këtë libër do të mësojnë se çfarë zgjidhje gjen peshkopi Kazazi.
RADIO VATIKANI: por ekziston edhe një element tjetër që ndihmon protagonistin dhe miqtë e tij, botën e tij për t’i rezistuar kësaj katastrofe kundër epidemisë dhe sugjerohet nga vetë nëntitulli, kur përmendëm identitetin kombëtar, hulumtimin dhe ruajtjen e identitetit kombëtar, pikërisht ndërgjegjen etnike-kulturore shqiptare, kjo vëmendje ndaj gjuhës që kthehet shpesh nuk është rastësi, që romani ka si nëntitull “Për ty toka ime” ne jemi në zonën shqiptare, Jusuf Buxhovi njihet si eksponent i entitetit kosovar, a mund të na ndihmoni për të kuptuar përfundimisht në këtë drejtim kufirin kulturor- gjuhësor midis Kosovës dhe Shqipërisë?
GIOVANNI CEDRONE: Në realitet, kosovarët dhe shqiptarët të gjithë ndihen pjesë e një populli të madh, pikërisht atij shqiptar, padyshim që mund të ketë dallime shumë të vogla, por me pak fjalë ata ndihen i njëjti popull që flasin të njëjtën gjuhë. Në libër motivohet plotësisht ky fakt. Një poet i madh shqiptar është shprehur: ” Feja e shqiptarit është shqiptarizmi”. Libri e pasqyron këtë fakt në Kosovë, por i njëjti fenomen ekziston edhe në Shqipëri. Papa Françesku në vizitën e tij në Shqipëri disa vite më parë, ndër të tjera tha: “Shqipëria është një shembull i bashkëjetesës së besimeve”, pikërisht për këtë arsye, domethënë, bashkëjetesa e besimeve është vetë një element dallues i popullit shqiptar, në libër këtë e gjejmë si “Polikromi fetare”, ne e quajtëm në këtë mënyrë disi ekzotike nëse duam, por gjejmë këtë bashkëjetesë edhe në familjet e tyre, mund të themi edhe në të njëjtin person. Toka e tyre ndodhet në ekstremet e perandorisë, si i tillë duhet parë dhe analizuar, ky element që i bënë ata të papëlqyeshëm si nga Osmanët ashtu edhe nga Perëndimi në një farë mënyre dhe për këtë arsye ata janë të penalizuar, ky fakt pasqyrohet mjaft mirë në këtë libër.
RADIO VATIKANI: dëshira e tyre për ndërgjegjesim të identitetit kombëtar, veçanërisht sot që nacionalizmat shihen me dyshim, nuk është kjo një veçori që i bënë ata të jenë të papëlqyeshëm dhe të shikohen me dyshim si nga lindja ashtu dhe nga perëndimi?
GIOVANNI CEDRONE: është shumë e vërtetë,por ne duhet të kontekstualizojmë botën ballkanike e cila është një botë shumë e veçantë, akoma më tepër Kosova ka një histori vuajtjesh, të cilën ne e tashmë e njohim shumë mirë, që çoi në rezultatin e bombardimeve të Serbisë në vitin 1999, sigurisht nuk kemi të bëjmë me një libër me pretendime nacionaliste, por gjejmë thjesht një pretendim kulturor, në realitet.
(Radio Vatikani, ditari, më 18.05.2021).
….
Mund të jetë një imazh i teksti

Edhe Albian Hajdari, qendërmbrojtës i skuadrës tiçineze FC. Lugano, në listën e Murat Yakin

Drini.us
-
0
Edhe Albian Hajdari, qendërmbrojtës i skuadrës tiçineze FC. Lugano, në listën e Murat Yakin

Arif Ejupi, Zvicër

Të rinjtë me rrënjë shqiptare nga Kosova, Maqedonia e Veriut, Kosova Lindore e aty-këtu edhe nga Shqipëria, Ulqini dhe Kraja, me prirje në futboll nga viti në vit po tregohen mjaft të suksesshëm, si në skuadrat ku luajnë ashtu dhe me përfaqësuesen e Zvicrës.

Qysh para dy dekadave me ekipin e Zvicrës, kur përzgjedhës ishte Köbi Kuhn, pati luajtur, anamoravasi Milaim Rama, anëtar i FC. Thoune, FC. Augsburg dhe FC. Schaffouse.

Ai, njëfarë mënyre paralajmëroi se të rinjtë shqiptarë të mbikëqyrur nga trajnerë profesionistë në çfarëdo kushtesh ambientohen lehtë dhe shpejtë.

Zaten ashtu edhe ndodhi. Me skuadrën e Zvicrës, vite me radhë shkëlqyen futbollistët; Valon Behrami, Blerim Xhemaili dhe Amir Mehmedi,.

Ndërkaq, Frederik Veseli,në vitin2009 si kapiten i shpresave U-17, të Zvicrës u kurorëzua me titullin e më të mirit në botë, duke e mundur në ndeshjen finale Nigerinë 1 me 0.

Me skuadrën e Zvicrës zenitin e arrijnë Xherdan Shaqiri dhe Granit Xhaka, të cilët me lojën e tyre të bukur patën gjunjëzuar Serbinë në botërorin “Rusi 2018”

Ata edhe sot konsiderohen si truri i skuadrës së Zvicrës. Loja e tyre atraktive pëlqehet nga mijëra sportdashës në të katër anët e globit. Falë lojës së tyre të shkëlqyer luajnë në skuadra të njohura tash sa vjet.

Në përfaqësuesen e Zvicrës ,patën nderin të jenë të ftuar edhe futbollistët ; Pajtim Kasami, Shani Tarashaj, Florian Kamberi, Florent Hadergjonaj dhe Kastriot Imeri.

Në“Euro 2024” që mbahet në Gjermani, muajin e ardhshëm të ftuar nga përzgjedhësi i Zvicrës, Murat Yakin, janë futbollistët me rrënjë shqiptare;Granit Xhaka; Xherdan Shaqiri,Ardon Jashari, Andi Zeqiri, Uran Bislimi dhe Albian Hajdari.

Për herë të parë në skuadrën e Zvicrës është i ftuar Albian Hajdari, qendërmbrojtës standard i skuadrës tiçineze FC. Lugano, anëtare e elitës së futbollit helvetik.

Në këtë skuadër që aktualisht renditet në vendin e dytë me gjithsej 65 pikë, luajnë edhe futbollistët e shquar, Amir Shaipi, portier në rrugë të mirë për të qenë edhe pjesë e ekipit të parë të Zvicrës, Kreshnik Hajrizi, mbrojtës dhe sulmuesit Uran Bislimi dhe Shkëlqim Vladi.

Duke analizuar listën me emrat e lojtarëve të ekipit të Zvicrës, shohim konkurrencë tejet të fortë për 11-shin e parë.

Mirëpo, sipas parashikimeve tona në ekipin e parë të Zvicrës, do të jenë gjithsesi Shaqiri, Xhaka dhe Jashari.

Ndërkaq, me gjasa të mëdha për t’u aktivizuar të paktën në 45 minutat e pjesës së dytë të lojës do të jenë edhe lojtarët; Andi Zeqiri, Uran Bislimi dhe Albian Hajdari.

Luajtën apo nuk luajtën s’ka edhe aq rëndësi . Parësore është që këta djelmosha janë prezent në një ngjarje të madhe sportive, që mbledh ajkën e futbollistëve më të mirë të Evropës.

Vrapo e vrapo, por ndalu dhe shijoje erën e luleve në jetë, pasi mund të mos i shijosh më nëse nuk ndalesh

Drini.us
-
0
Vrapo e vrapo, por ndalu dhe shijoje erën e luleve në jetë, pasi mund të mos i shijosh më nëse nuk ndalesh
Monika Braja, Selanik
___
Koha ecën me shpejtësi , ndërsa ti vazhdon e vrapon nga mëngjezi deri në perëndimin e diellit. Ikën në punë, merr para, vrapo atje të japësh para për faturat dhe përseri vrapon për punët e obligimet .
Megjithatë, pavarësisht që i ke të gjitha këto mundësi, ti prap nuk je i kënaqur o njeri , ke punën, ke dashurinë në krah , ke familjen dhe prap ty të mungon diçka dhe nuk je i lumtur. Dhe këte e sheh si një mekanizëm gjenerues të njeriut modern që nuk e le të qetë. Ti gjithmonë do diçka , diçka që e kupton se sa shumë ke nevojë për te , dhe vrapon , e vrapon që ta gjesh atë .
Ndërsa dikush tjetër e falënderon Perëndinë për shumë gjëra që nuk i ka dhe i është falënderues zotit për gjithçka . Kurse dikush tjetër e humbë kuptimin e jetës duke vrapuar drejt të pamundures .
O njerëz, ndaloni së vlerësuari atë që nuk e keni , duke anashkaluar atë që e keni, por se shikoni !
Mungesa e të pamundures ju ndjek kudo dhe mendja ju ngelet aty tek ajo që ju mungon. Me keqardhje po ju them se gjëja kryesore që të mungon, nuk është ajo që po kërkon vazhdimisht.
E di çfarë ju mungon …?
Ndërgjegjësimi dhe mirënjohja për ato që ke. Hidh një sy përreth teje dhe shiko se sa njerez ke që nuk janë të lumtur , që kan humbur shtëpi , makina , njerëz ?!
Hidh nje sy dhe shiko brenda një spitali shtetëtor që kundëmon mjerim e papastërti dhe aty njerëzit presin të shërohen nga sëmundjet , dhimbjet e kancerit e sëmundje të tjera. Prandaj, shikoj të gjitha këto o njeri , sidomos ti që vrapon dhe koha nuk të premton të shohësh se çka ndodhë pereth teje …!
Kam njohur shumë miqë e mikesha të miat që vraponin pas dëshirave që i kishin dhe që i quanin nevoja , dhe që në fund humbën gjithçka
Dhe e humbën atë që është më e rëndesishmja, jetën .
Shikoi ata njerëz që u goditën më së shumëti nga dhimbjet , por vlerësuan nevojën e jetës për të jetuar , sepse kuptuan se më e rëndësishme për njeriun është jeta dhe shëndeti. Prandaj, kuptojeni njëri – tjetrin kur hedh vështrimin pereth teje dhe vlerëso ato që ke , sepse vetëm kështu i jep kuptim jetës tënde duke e bërë atë më kuptimplote. Përqëndrohu vetëm në atë që e ke deri ne amshim …
Shikoni pereth vetës dhe do kuptoni në një mënyrë apo tjetër se pa dhimbje , pa lot e pa mundim, nuk do kuptosh kurrë përparësitë e tua dhe se çfarë është Jeta në të vërtetë.
Prandaj, po te them ngadalso ritmin tënd , mjaft vrapove , por lutju zotit dhe bëje kryqin ose ngriti duartë drejt qiellit dhe ji mirënjohës për ato që ke .
Nuk ka asgjë nëse humben gjëra të dashura e të shtrenjta që ishin në mendjen tënde , nuk esht ky fundi i botes…! Sepse mbi te gjitha ajo që ka rëndësi , është shëndeti , mirësia , andaj buzëqesh edhe kur dita s’të jep përgjigjet dhe premtimet e natës së kaluar sepse besimi dhe ëndërrat për të jetuar jetën me të gjithë kuptimin e saj, është më i rëndësishëm se sa të humbasësh kohë duke vrapuar gjithmonë pas asaj që kur se kishe dhe kuptoje se nuk do ta kesh kurrë , nëse ti nuk vlerëson atë që ke dhe të bën të lumtur .
Qëllimi i të jetuarit nuk është vetëm me vrapue, por edhe me u ndalë për ta shijue erën e luleve në jetë !
Mund të jetë një imazh i 1 person, oqean dhe plazh

Gjenerali Bislim Zyrapi, ai që luftoj për ne, është i sëmurë rëndë andaj tash ne duhet ta ndihmojmë atë

Drini.us
-
1
Gjenerali Bislim Zyrapi, ai që luftoj për ne, është i sëmurë rëndë andaj tash ne duhet ta ndihmojmë atë
Nga: Lirim Gashi, Prishtinë
___
Gjeneral Bislim Zyrapi mbante detyrën më të përgjegjshme në hierarkinë ushtarake të Ushtrisë Çlirimtare të Kosovës, në momentet më të vështira për kombin dhe atdheun e tij dhe nuk u largua për asnjë moment nga vija e parë e frontit.
Tani që ai është i varur nga mbështetja e shpejtë e shtetit për ta vazhduar jetën e tij, askush nuk lëviz për t’ia zgjatur dorën e shpëtimit.
I bëj thirrje jo vetëm të gjitha institucioneve përkatëse shëndetësore publike dhe shtetërore por edhe atyre private, që ta ndihmojnë Bislimin urgjentisht dhe pa pengesa e arsyetime banale burokratike.
Sepse Bislimi nuk e ka kthyer shërbimin e tij për lirinë e popullit dhe për pavarësinë e atdheut të tij në miliona euro.
Pas luftës ai bëri një jetë familjare modeste, të tërhequr dhe dinjitoze dhe ishte gjithmonë një baba shembullor për fëmijët e tij dhe një bashkëshort i dashur për gruan e tij.
Ai nuk ishte kurrë një burrë i fjalëve vetëlavdëruese dhe i tingujve të zëshëm, por gjithmonë një burrë i veprave të mëdha.
Ai gjithashtu dha një kontribut të pamatshëm për lirinë dhe pavarësinë e popullit dhe shtetit boshnjak e kroat.
Prandaj ai është një xhevahir i urës vëllazërore që lidh shqiptarët me boshnjakët dhe kroatët.
Para disa ditësh Kryeministri ynë Albin Kurti e vizitoi atë për t’i shprehur mirënjohje për gjithçka që ka bërë për lirinë dhe pavarësinë tonë dhe për t’i uruar shërim të shpejtë.
Por Bislimi, i cili gjithmonë ka ndihmuar pa hezituar të tjerët në situata emergjente, kishte turp t’i thoshte Albinit se shteti duhet të bëjë kësaj radhe diçka për të.
Sepse për Bislimin është tepër e vështirë të kërkojë ndihmë për vetveten.
Ju lutem ndihmone sa më shpejt të jetë e mundur gjeneralin Bislim Zyrapi dhe shmangne një turp të madh nga institucionet shtetërore.
Albin Kurti :
Mbrëmë, e vizitova Gjeneral Bislim Zyrapin, i cili po e merr veten pas një sulmi në zemër së fundmi, ndërkohë që është në terapi të dializës. Pasi i ka kaluar disa ditë në gjendje kome dhe i intubuar, General Zyrapi është zgjuar duke u kthyer në jetë dhe tani po i përmirësohet shëndeti. Andaj bashkë me zëvendësministrin e mbrojtjes Shemsi Syla dhe këshilltarin politik Hajriz Sejdiu, i uruam të shkuara dhe shërim të plotë e sa më të shpejtë.
Me Gjeneral Bislim Zyrapin jemi takuar disa herë gjatë periudhës së luftës në Kosovë, në ato kohëra të vështira por edhe të lavdishme.
E kujtoj veçanërisht natën e 31 dhjetorit 1998, kur me Gjeneral Zyrapin dhe me luftëtarë e bashkëpunëtorë të tjerë, e patëm pritur bashkë vitin e ri 1999 në Nekovc të Drenasit. Gjeneral Bislim Zyrapi ka qenë Shef i Shtabit Operativ të Ushtrisë Çlirimtare të Kosovës, duke dhënë një kontribut të çmueshëm gjatë luftës çlirimtare në Kosovë më 1998 dhe 1999. Ndërsa paraprakisht, në gjysmën e parë të viteve ‘90, në Bosnje e Hercegovinë, Bislim Zyrapi ka luftuar edhe atje, si komandant i një njësie speciale gjatë gjithë periudhës gati katër vjeçare të rrethimit të Sarajevës e në mbrojtje të saj.

Kryeministri Kurti mirëpriti nënsekretaren amerikane të Shtetit për Çështje dhe Diplomaci Publike, Elizabeth Allen

Drini.us
-
0
Kryeministri Kurti mirëpriti nënsekretaren amerikane të Shtetit për Çështje dhe Diplomaci Publike, Elizabeth Allen

Prishtinë, 19 maj 2024

Kryeministri i Republikës së Kosovës, Albin Kurti, mirëpriti sot nënsekretaren e Departamentit të Shtetit amerikan për Çështje dhe Diplomaci Publike, Elizabeth Allen. 

Ai i uroi mirëseardhje nënsekretares Allen, e cila po e viziton Kosovën për herën e saj të parë. “Shtetet e Bashkuara të Amerikës janë aleatja, mikja dhe partnerja jonë historike, aktuale dhe e së ardhmes, andaj presim që të fuqizojmë dhe thellojmë bashkëpunimin bilateral, veçanërisht në fushën e ekonomisë dhe tregtisë”, theksoi kryeministri në fillim të takimit, teksa shprehu mirënjohjen dhe falënderimin për ndihmën, rolin dhe kontributin e Shteteve të Bashkuara për çlirimin, pavarësimin dhe zhvillimin e Republikës së Kosovës.

Forhåndsvisning av bilde

Gjatë bashkëbisedimit, kryeministri Kurti e njohu nënsekretaren Allen me zhvillimet e fundit në vend, me progresin e shënuar në vitet e fundit në sundimin e ligjit dhe indikatorët ekonomikë dhe demokratikë, me politikat sociale që mbështesin gratë dhe fëmijët, reformën në arsim me qëllim ndërlidhjen e arsimit me tregun e punës, dhe me politikat dhe investimet në sektorin e energjisë. Për këtë të fundit, ai falënderoi nënsekretaren Allen për mbështetjen e vazhdueshme të Shteteve të Bashkuara përmes USAID-së në përgatitjen dhe përmbylljen e suksesshme të ankandit të parë të energjisë solare dhe programit Kompakt të Korporatës së Sfidave të Mijëvjeçarit (MCC) i cili hyri në fuqi në fund të muajit të kaluar. Në takim, kryeministri ngriti brengën e tij mbi kërcënimet e vazhdueshme të Serbisë ndaj Kosovës, edhe për faktin që autori dhe lideri i grupit të terroristëve dhe paramilitarëve që ekzekutuan sulmin e 24 shtatorit 2023 në Banjskë, Millan Radoiçiq, vazhdon të jetë i lirë në Serbi.

Forhåndsvisning av bilde

U diskutua edhe për raportet Kosovë-Serbi dhe procesin e dialogut të ndërmjetësuar nga Bashkimi Evropian. Për këtë çështje, kryeministri Kurti theksoi rëndësinë e zbatimit të plotë e të pakushtëzuar të Marrëveshjes Bazike dhe aneksit të saj.

Forhåndsvisning av bilde

Sa i përket rrugëtimit të Kosovës në integrimet evropiane, ai shprehu keqardhjen e tij që Komiteti i Ministrave të Këshillit të Evropës nuk pati gatishmëri që ta përfshijë Kosovën në agjendën e votimit të 17 majit, duke marrë parasysh se Kosova i ka plotësuar të gjitha kriteret e anëtarësimit në këtë organizatë, siç është konfirmuar edhe nga instancat e vetë kësaj organizate, përfshirë Asamblenë Parlamentare, dhe kur dihet që anëtarësimi i ynë do t’i kontribuonte forcimit dhe promovimit të të drejtave të njeriut.

Forhåndsvisning av bilde

Sot gjatë ditës, Republika e Kosovës dhe Shtetet e Bashkuara të Amerikës nënshkruan një marrëveshje të mirëkuptimit kundër manipulimit të informacionit nga shtetet e huaja.

Forhåndsvisning av bilde

Përkrahje e Lëvizjes së Deçanit të 20 tetorit të vitit të kaluar nga intelektualët e Gjakovës dhe të Rrafshit të Dukagjinit

Drini.us
-
0
Përkrahje e Lëvizjes së Deçanit të 20 tetorit të vitit të kaluar nga intelektualët e Gjakovës dhe të Rrafshit të Dukagjinit

Përkrahim Deklaraten e Lëvizjes së Deçanit të 20 tetorit të vitit të kaluar. Të dashur pjesmarrës,

Shqetsimet tona për rritjen deri në pafundësi të ekstremizmit islam, janë bërë të padurueshme dhe tepër antikombëtare, alarm i fundit për fatin e shqiptarëve përgjithsisht në Ballkan, karshi nesh si popull, por edhe Evropës.

Ne do të heqim dorë nga çdo e keqe që rrezikon identitetin tonë kulturor e kombëtar dhe kur tashmë s’do ta drejtoi askush më gishtin në këtë njollë të zezë shumëshekullore. Gjithashtu, provokimet dhe shfaqjet e armatosura nga sruktura te caktuara serbe, përmes kishës ortodokse dhe presionin e parreshtur të tyre kundër Kosovës, janë bërë kërcënime, nxitje për luftë dhe shfaqje reale e përditshme dhe duhet të jemi unik e vigjilent që t’i përballojmë këto sfida të fillim shekullit 21, se jemi bijt besnik të Gjergj Kastriotit, sidomos përpara këtij rendi të ri botëror.

Radikalizmi fetar është bërë tepër fatkeq dhe ne do të mbështesim pa rezervë Deklaraten e Deçanit duke hequr dorë vullnetarisht prej të keqes, islamit politik e radikal, që të mos përsëritet më në trojet tona kjo fantazmë e zezë e këtyre shekujve. Fenë islame na dhanë me dhunë pushtuesit dhe e kanë keqpërdorë në pafundësi sidomos rusët, serbët, turqit dhe arabët.

Kan financuar dhe shkruar elaborate të shumta për shfarosjen tonë, vit pas viti, duke i marrë territoret tona dhe duke shfarosur shqiptarë, sidomos në emër të islamit dhe rrymave lindore ortodokse serbe.

Ne, me vullnet e vet-dëshirë, me vullnet të lirë, do të largohem përfundimisht nga e keqja. Na prift fati dhe e mbara në rrugtimin tonë si popull autokton e me rrënjë të vjetra që jemi.

Përkrahja e sotshme aq e fuqishme e Lëvizjes së Deçanit të 20 tetorit të vitit të kaluar nga intelektualët e Gjakovës dhe të Rrafshit të Dukagjinit, është një tregues i qartë se populli shqiptar është duke u zgjuar dhe e ka vërejtur problemin e madhe me islamizmin që na e imponuan sidomos prej pas luftës.

Gjakovë, me 19 . 05. 2024

Shih videon e regjistrimit të TV Syri :

(2) Facebook

Formimi i “asociacionit serb” , mes kudhrës dhe çekanit

Drini.us
-
0
Formimi i “asociacionit serb” , mes kudhrës dhe çekanit

Gani I. Mehmeti

Duke shikuar edhe vetëm titujt  për formimin a mosformimin e Asociacionit të komunave me shumicë serbe, njeriu bie në mëdyshje dhe absolutisht nuk di si të veprojë!

Është e vërtetë e mashe se ka shumë frikë, shumë mosbesim për formimin e tij edhe nga bashkësia ndërkombëtare, përkundër që me fjalë dhe me shkrime përmes gazetave e portaleve, zotohen se nuk do të jetë një Republikë Serbe e Bosnjes.

Mirëpo, ec e beso, kur nga lobimi i Vuçiqit, dolën kundër KiE edhe shtetet më të forta e  edhe aleate, si SHBA e Gjermania dhe i vunë kusht Kosovës Asociacionin për pranim në KiE.

Tani edhe shumë opinionistë, analistë, politikaj shprehen me dymendje se ai duhet të formohet apo nuk duhet të formohet.

Shkurt, nuk ka besim. Për të hequr dyshimin, për të besuar se nuk do të jetë një Republikë Serbe e Bosnjes, më par se të formohet Asociacioni, do duhej ta njihte Serbia Pavarësinë e Kosovës në kufijt ekzistues, pra, pa pasur kërkesa për destabilizim në të ardhmen rreth përcaktimit të kufijve Kosovë – Serbi me rastin e demarkimit të kufijve.

Ndryshe, pa e njohur Serbia Kosovën e Pavarur dhe në kufijt ekzistues, nuk ka besim, prandaj, jap mendimin tim, se për asnjë çmim të mos formohet asociacioni.

Nëse Serbia, që aq me ngulm e kërkon Asociacionin, por vet nuk lëvizë fare në  njoje të Kosovës, këtu ka një mashtrim, ka një tradhti. Po, për këtë, nëse edhe ndërkombëtarët e duan Asociacionin që me kaq ngulm dhe me parashtirm kushti ndaj tij bëjnë, përse nuk e kushtëzojnë edhe Serbinë, se më parë do duhej të njihte Kosovën shtet, pastaj të formohej Asociacioni.

 

Këtu më poshtë po jap vetëm disa nga titujt e analistëve të ndryshëm se nuk janë të një mendjeje, kush thotë të mos formohet, kush thotë të formohet e kush ka dilemma për të. Kjo vetë të shtyn të vendosësh e të mos e pranosh me kusht deri në jnjohjen e Kosovës nga Serbia dhe pa ndryshim kufijsh.

Dhe, vërtet, jo vetëm qeveria, por në përgjithësi Kosova, është mes kudhrës e çekanit sa i përket asociacionit.

Lexoni titujt e mëposhtëm, dhe ec e vendos : 

Kupchan: Përgatitja për themelimin e Asociacionit, vendim i rëndë për Kosovën

Serwer ngre pikëpyetje: Çfarë duhet bërë me Asociacionin?

Flet politologu, ҫfarë do të ndodhë me Kosovën nëse refuzon Asociacionin

Haziri thotë se Kurti s’po guxon ta dërgojë draftin e Asociacionit në Kushtetuese

A duhet të dërgohet Asociacioni në Kushtetuese, flet juristi: Qeveria të heq përgjegjësinë..

Veprimtari nga Gjermania bën thirrjen ‘urgjente’: Asociacioni të mos dërgohet në Kushtetuese, ky është qëllimi i ndërkombëtarëve.

Plisi e Shajkaqa, nën hijen e mollës së Popit…!

Drini.us
-
0
Plisi e Shajkaqa, nën hijen e mollës së Popit…!
Nga: Agim Vuniqi
___
Demokracia e re shqiptare në Kosovë është në evolim, është me dy alternativa zyrtare që përfaqësohet nga institucionet shumëkombëshe të Kosovës (mini OKB e tipit kosovar) dhe ato të EULEX-it të instaluara në Kosovë, shumica kanë harruar marrëveshjen ushtarake të Kumanovës, që u realizua menjëhërë pas instalimit të forcave shumëkombëshe të KFOR-it në Kosovë, pas shpërbërjes dhe çarmatosjes se UÇK-së, pas shpërbërjes së Parlamentit shumë partiak të LDK-së dhe partive satelite, pas shfuqizimit të kushtetutës së Kaçanikut dhe të Parlamentit që nuk kishte mbajtur asnjë seancë plenare, pas shpërbërjes së Qeverisë së përkohshme të pasluftës për të cilën dha miratimin LDK-ja, e më vonë tërhoqi vendimin për pjesëmarrje.
Që nga ajo kohë që ishte jasht kontrollit institucional, meqë paraprakisht nuk kishte ligje bazë të përgatitura nga institucionet që thirreshin në votën e popullit dhe të atyre që thirreshin në vlerat e luftës dhe pas luftës u instalua anarkia, dhe askush nga politikanët që e kishin parlamentin sa me thënë dhe politikanët me uniformë nuk u ulën për të biseduar për Kosovën e pasluftës, dhe nuk kishte një qendër të vendosjes, dhe secili e shihte veten në librat e historisë, dhe kështu revolucioni dhe kryengritja popullore filloj tua gërryej zorrët fëmijëve të vet, nuk ndërtohej institucionalizmi dhe baza e shtetit por gavroshët kosovarë ia mësyen rirreshtimeve të reja, sa më shumë banesa, dhe sa më shumë lokale, ishin këto trofetë e pasluftës, dhe u ndërtua hierarkia kapitaliste vjedhë dhe plackitë sa të mundesh, dalëngadalë u ndërtua elita e “kapitalistëve”, dhe asgjë nuk kishte vlerë, kodi i vlerave dhe morali u ndëshkuan nga hotelierët e klubeve të prostitucionit dhe karrieristët e kombit që ropën popullin, dhe biznesi kombëtar në emër të patriotizmit lëshoj rrënjë, dhe u bashkuan hajnat demokrat vendorë dhe hajnat ndërkombëtarë, dhe kosovarët bënin sehir për multiracat dhe multikombet, shumë gjuhë fliteshin dhe të gjithë tregtonin me marka e dollarë. Shumë hajni e shumë pak dobi, vidhej por edhe ndërtohej me leje-paleje, ndërtime të egra, shumë pallate.
UNMIKU formoj KPA-në dhe Këshillin Tranzitor, institucione hajde bëjna llafe që nuk ishin fare askund në skemën organizative të OKB-së, dhe më vonë u mbajtën zgjedhjet lokale dhe komunalitë hyçmetli thonin se korrupcioni është shumë produktiv dhe ngritej tatpjetë shigjeta, dhe komunat i udhëhiqnin ata që në pikë ditës u pshtilleshin sokaqet, dhe të gjithë këshilltarët klithnin pa zë Parti marka e dollarë, dhe që të gjitha partitë parlamentare u moderuan evropianqe dhe u konvertuan në Euro parti, kështu ishte trend. Për tu dhënë gjërave seriozitet u projektua Korniza Kushtetuese me preambullë, që kishte edhe ligje eks-jugosllave por edhe serbiane, dhe partitë votuan kornizën për të mbajtur zgjedhjet dhe për të vurë kapuqat, dhe u pajtuan denjësisht për mirënjohje «ti tokën unë parat, ti tregun e cigareve unë paratë, ti ndërtimet e egra unë paratë», sidomos shumë u gëzuan për rafineritë e naftës që u zbuluan, ç’na duhet toka pjellore dhe shumica u pajtuan se nuk ka zhvillim pa benzinë, dhe shumë pompa moderne benzini u ndërtuan, në disa autostrada ndërkombëtare Prishtinë-Besianë, Prishtinë-Ferizaj, Prishtinë-Pejë…, më shumë benzinë se ujë, saqë edhe Gadafi ua kishte zili. Tash duhet ndërruar kursi atyre u sugjeruan, ç’ju duhen institucionet hajde t’ia nisim me negociata, dhe shumë grupe u formuan, për këtë ata paguhen.
Dhe sa për moderata grup negociatorësh propozuan dhe mënjherë u pajtuan, secili nga një vend siguruan, parti=musketarë, por edhe me këshilltarë rrethin duhet zgjëruar nuk bëhet dot pa grup negociator politik dhe pa bisedime, e të parët në Vjenë dhe ata tjerët në Bruksel, çfarë ishin ata? Dhe asgjë asnjë investim, asnjë ndërtim pa decentralizim, dhe aq shumë u shkrua dhe u bisedua saqë filluan promovimet e “decentraliadave”, e ti hypën sharrë hartave krejt Kosovën në komuna me e paketuar, ku kishte kishë duhej komunë, dhe kishave u duhej territori, dhe kishat duhet lidhur me rrugë ndërkombëtare, dhe kishat duhet siguruar, aq shumë sigurime saqë nuk kishte më për qytetarë. E qytetari nuk kishte harruar kur popi serb kishte tregtuar, se tregimi nuk duhet harruar, kur fashatarët popin e gostitën me një moll nga një trupmolle në një tokë të papunuar.
A shitet kjo mollë pyeste popi, fshatarët qesheshin po ç’te duhet kjo mollë pa tokë, se toka ishte pronë e shqiptarit, dhe popi ngulmoi do jap dukat për këtë mollë, sytë u zgurdulluan mbi lirat e popit, dhe sa herë që dikush vilte mollën thonte molla e popit, dhe asnjëherë nuk përmendej toka e shqiptarit, dhe matej toka prej mollës së popit-deri te molla e popit, popi mollën e kishte regjistruar dhe ajo në kadastër ishte evidentuar, dhe shteti domosdo interesohej që mollën e popit me polici ta sigurojë, sigurisht që pala serbe do të insistojë që përmes decentralizimit edhe një komunë rreth mollës së popit ta fitojë, çka s’bën vaki kush pin raki.

Hisoriani Belisar Jezerci kërcënohet me jetë nga islamistët, rrini përkrah tij dhe mposhtni islamistët

Drini.us
-
0
Hisoriani Belisar Jezerci kërcënohet me jetë nga islamistët, rrini përkrah tij dhe mposhtni islamistët

Islamistët janë gjithnjë solidar me njëri – tjetrin, se i takojnë “popullit të profetit”, pra “umetit Musliman”, andaj edhe Shqiptarët në raport me këta antishqiptarë duhet të mbetën përgjithmonë unik, se i takojnë Kryeheroi që ka mposhtur sulltanë të Perandorisë Osmane, Gjergj Kastriotit.

Pamja në foto është nga një varrim  terroristësh islamik në Pakistan.  

Msc Belisar Jezerci

KËRCËNIM ME JETË NGA NJË ISLAMISTË RADIKAL
Ferizaj,më 18.05.2024
“Ti Belisar Jezerci e ke braktisë religjionin islam,, prandaj shpejt ke me shku te allahu”
Me këto fjalë më është drejtuar një islamist radikal në Ferizaj!
Përgjigjeja ime ishte se
“Unë nuk kam njohur kurrë allah .Njoh vetëm ZOTIN SHQIPTAR dhe KRYETRIMIN E SHQIPTARISË,TË SHENJTËRIN GJERGJ KASTRIOTI-SKËNDERBEU !”
.
V Ë M E N D J E !
Në radikalizimin e religjionit islam në Kosovë hisen e turpit e kanë edhe institucionet shtetërore të Republikës së Kosoves që nga 28 qershori i vitit 2015,kur Naim Ternava, Kryetar i Bashkësise Islame të Kosovës në tyrben e sulltan Muratit të Parë deklaroi se: “Sulltan Murat i Parë është çlirues i tokave shqiptare dhe i popullit shqiptar në Kosovë”
Kjo ishte një deklaratë skandaloze e turpshme, kriminale, antishkencore dhe antikombëtare!
Heshtja e Institucioneve Shtetërore
të Republikes së Kosoves ndaj kësaj dekla rate është e papranueshme!
E papranueshme është edhe heshtja e këtyre Institucioneve ndaj fyerjeve që po i bëjnë imamet e xhamive, Gjergj Kastriotit-Skënderbeut,Nënës Terezë dhe Flamurit Kombëtar Shqiptar!
Heshtja është e qëllimshme, e turpshme dhe bëhet kryekëput për vota, pra, për pushtet !
Qëndrimi antishtetëror dhe antikombëtar i këtyre institucioneve ka ndikuar drejtpërdrejt në RADIKALIZMIN E RELIGJIONIT ISLAM
Rrini përkrah Belisar Jezercit ti dhe mposhtni islamistët se ata domosdo duet të mposhten !

Arsimimi nuk është vetëm përgatitje për jetë, është vetë jeta

Drini.us
-
0
Arsimimi nuk është vetëm përgatitje për jetë, është vetë jeta
Foto: Shkolla shqipe në Gjenevë, më 2021
___
Nuk ia vlen të bëhet ndonjë krahasim meritor i procesit eduka- tivo-arsimor në Kosovë me ato të Perëndimit, jo për nga pro- gramet shkollore, ngase ato mund të hartohen bukur, pra edhe të kopjohen, por për trajtimin dhe qasjen e gabuar ndaj tij, jo vetëm nga institucionet por edhe nga vetë qytetarët. Eshtë shumë gabim që çështja e arsimit t’u lihet si barrë vetëm arsimtarëve; do të ishte kjo një padrejtësi shumë e madhe ndaj tyre por edhe vetë fëmijëve-nxënësve, studentëve. Imagjinoni se çfarë do të ndodhte në ndonjë vend në Evropë, po qe se nga një person publik-ministër, të varej sistemi shkollor, kjo as që mund të imagjinohet. Qytetarët dhe prindërit janë ata që me vullnetin e tyre të lirë, e përparojnë sistemin edukativ-arsimor, si në aspektin e sigurisë në shkolla, por edhe në zhvillimin e aktiviteteve të lira, duke përfshirë angazhimin në sport, në teatër… Nuk është e mjaftu- eshme zhurma për paga, nëse nuk rritet përgjegjësia, dhe fajësimi të adresohet vetëm në një vend dhe në një person- ministër, ngase kështu problemi nuk zgjidhet. Pyetja është a dëshirojmë shkolla cilësore dhe fëmijë të shëndoshë, apo të kalojmë mbi problemet e grumbulluara duke shfajësuar secili veten dhe duke drejtuar gishtin dikah tjetër. Ministri dhe stafi ankohen se nuk ka mjete buxhetore të mjaftueshme, e në anën tjetër auditimi tregon se ka pasur keqpërdorime në me- naxhimin e mjeteve, dhe po ata vazhdojnë të kryejnë funksione publike me rënd- ësi; ata mund të kryejnë çfarëdo pune, por jo më në institucionet arsimore. Pastaj prindërit ankohen se nuk ka siguri në shkolla, a përfundon aty përgjegjësia, apo ankesat mund të zgjidhin problemin, kurrsesi. Ata duhet të jenë më të zëshëm dhe më të organizuar, duke bashkëpunuar me stafin drejtues nëpër shkolla… Është një e vërtetë e madhe se ka mungesë të cilësisë së kuadrit mësimor, shumica e tyre nuk janë të aftë as të për- dorin kompjuterin. Arsimtarët duhet të jenë vazhdimisht në konkurrencë legale, dhe ata t’u nënshtrohen testeve në çdo dy vjet, apo pak më ndryshe, varësisht nga rregullat. Atëherë edhe kërkesa për paga më të larta do të arsyetohej plotë- sisht. Edhe çështja e financimit është shumë e degraduar, ngase cilësia është në varshmëri nga financimi, pra në ato vende ku ka pagesë më të madhe të tatimeve nga qytetarët, atje duhet të ketë paga më të larta për arsimtarët, por edhe cilësi më të lartë. Nuk mund të bëhet financimi linearisht-gjithkund njësoj, ngase një pjesë e mjeteve të tubuara për buxhet në nivel qendror duhet të shpërnda- hen në nivel lokal dhe në shkolla, pra që në fillim duhet të dihet buxheti vjetor shkollor, jo këtu të implikohen ministrat, ata duhet të bëjnë kontrollin e cilësisë dhe respektimin e ligjit. Pse universitetet në Kosovë i eksploatojnë aq rëndë studen- tët e, në anën tjetër, nuk sigurojnë bursa për studentët e dalluar. Përfundimisht nuk mund të arsyetohet neglizhenca e tyre dhe mungesa e iniciativës intelektuale për rritjen e mjeteve nga puna shken- core-kërkimore. Si ua marrin zërin por edhe gjuhën OJQ-të, të cilat vjelin donacione të mëdha, ndërsa zëri i profeso- rëve nëpër fakultete është i shurdhër. Sa shumë universitete private me aq shumë fakultete të shkencave politike, dhe asnjëri prej tyre nuk u angazhua që të ndi- qte sistemin zgjedhor në Kosovë, për të dhënë bile ndonjë mendim akademik meritor. E keqja më e madhe është se shumë profesorë janë të angazhuar në makro-projekte, e në anën tjetër as që vërehet kontributi i tyre në fakultetet ku i mësojnë studentët, por edhe marrin paga. Fundja, dijetarët ishin të nënçmuar skajshmërisht edhe gjatë procesit të bisedimeve për statusin final të Kosovës, prej tyre nuk u kërkua ndonjë qëndrim edhe për pakon e Ahtisaarit. A nuk është për brengosje një paraqitje memece e shkencëtarëve shqiptarë dhe e akademi- këve të ardhshëm, dhe pse aq keq manipulohen studentët me shoqatat e tyre, që zëri i tyre të dëgjohet vetëm kur organi- zohet ndonjë demonstratë. Pse u lanë jashtë procesit profesorët e Fakultetit Teknik të Energjetikës, kur u diskutua për të ardhmen energjetike të Kosovës… si ata u anashkaluan dhe nuk janë në AKM, në Komitetin drejtues të “TC Kosova-C”?
Me gjithë dëshirën e madhe për të bë- rë një studim serioz për sistemin edukativo-arsimor në Kosovë, është shumë vështirë, nga fakti se është vështirë të hulumtohen të dhënat e nevojshme, por kjo nuk është pengesë përjashtuese për t’u dorëzuar, ngase aty ku dhemb dhëmbi, shkon edhe gjuha, prandaj edhe nëse jepet një pasqyrë e sistemit edukativ- arsimor në Amerikë, ia vlen bile sa për t’u njohur nga afër.
Tre nga 10 amerikanë punojnë në sistemin edukativo-arsimor ose studiojnë në ndonjë institucion. Edukimi gëlltit mbi 8% të prodhimit të përgjithshëm kombëtar. Duke i renditur të gjitha në një vend, është linja më e gjerë në buxhetin e qyteteve (komunave).
Le të pajtohemi me ekspertët e urtë se kualiteti i edukimit të çdo fëmije ulet vetëm për shkak të tri gjërave: motivimit të tyre, përkrahjes së prindërve dhe arsimtarëve të mirë. Ka akoma mënyra të krahasohen zonat e metrove amerikane për një fuqiz- im të arsimimit? David Savageau në arti- kullin e botuar në “Forbes.com” “Best Cities to Educate Your Child”, konsideron 5 fakte:
1. Mbështetje shkollave
Njëri nga departamentet e edukimit më të popullarizuara është – ndërto tabelën “Build a Table” të Institutit të shkencave të edukimit IES të Departamentit- mentor të ShBA për edukim. Këtu mund të grumbullohen të dhëna për çdo gjë, që nga financat e shkollave publike dhe arsimtarët deri tek normat e larta të di- plomimit për çdo vend që u intereson në Amerikë, shtetet, kaunti, zonat urbane, dhe distriktet.
Duke shfrytëzuar të dhënat e departamentit, të cilat merren veç e veç nga çdo shtet, mund të kombinohet mesatarja e numrit të studentëve në metro-zonat (metro area) për ekuivalentin e arsimtarëve të paraleleve me orar të plotë (më i ulët më i mirë) me mesataren e shpenzimeve institucionale të paraqi- tura për student (më e lartë më e mirë), për të prodhuar disa laureatë interesantë:.
2. Opcionet e shkollave private
Sot, një nga nëntë nxënës vijojnë shkolla private. Shkollat katolike janë alternate a të shkollave private me një re- gjistrim shumë të lartë (2.5 milionë nxënës). Megjithëse gjysma e nxënësve të të gjitha shkollave private ulen në bankat shkollore të paraleleve të shkollave katolike, dy nga tri shkolla private janë jokatolike. Afro 1,7 milion nxënës i vijojnë mësimet të grupuar, siç janë Kisha Luteriane e evangjelistëve, Bordi i Edukimit Adventist i Ditës së Shtatë “Seventh-Day Adventist Board of Education”
(që i referohet besimit protestan dhe di- tës së shtatë “Sabbath” e shtunë) dhe shoqata kombëtare për shkollat ditore hebreje. Shkollat josektare regjistrojnë 800,000 nxënës të tjerë, shumë nga të cilët paguajnë shkollimin në institucionet që i takojnë Asociacionit Kombëtar për shkolla private. Po, mund të gjeni shko- llë private në “site” të ndonjë departmen- ti tjetër të edukimit – dhe “po”, mund të gjeni raportin për çdo opcion të zonave urbane për të gjitha opcionet e shkollave private.
3. Popullariteti i bibliotekave
Në bankën e terminaleve në branshën e bibliotekave publike, mund të shihni shoferë të taksive duke hulumtuar gjenealogjinë familjare në anën tuaj të majtë, ndërsa maturantë të shkollave të mesme duke hulumtuar punë në linja aj- rore, në anën e djathtë; prapa teje stivë, stovos nga Meksiko. Dhe përpara teje një akër me tavolina të grumbulluara me valixhe dhe çanta me libra, në të cilat janë të ulur nxënësit për të lexuar. Më shumë se çdo metro-zonë e institucioneve edukative, bibliotekat janë qendrat vita- le dhe burimet e skajshme të edukimit për të gjithë. Nëse bibliotekat duhet të zgjedhin njësinë matëse të suksesit, do të jetë ky cikli i vijimit, vlerësues. Llogaritja është e thjeshtë duke pjesëtuar qar- kullimin e anëtarëve të bibliotekës me numrin e librave. Ky cikël tregon aktivitetin e vijuesve të bibliotekës, që jep si in- dikacion numrin sa herë një libër ka qarkulluar gjatë vitit, nëse qarkullimi është shtri-përhapur nga vijuesit. Sistemi i bib- liotekave qarkullon theksueshëm librat më të shitur dhe sa do të kenë cikël të lartë, varet nga sistemi i bibliotekave që ka referenca të gjera koleksionimi, ose i
hapur, sistemi i bibliotekave që është i hapur në orë të limituara (me më pak orë) dhe ka fond librash, nuk vijohet aq.
4. Qytetet universitare
Kolegjet dhe universitetet janë punë- dhënës zyrash. Në fakt është një lidhje e madhe në mes universiteteve të orientu- ara hulumtuese dhe ekonomive të shëndosha. Dy shembuj janë historikë: Universiteti i Stanfordit nxit-fuqizon rritjen e luginës së silikonit, të ndërmarrjes së high-tech në San Jose dhe Bay Area (zona e gjirit), dhe Fakulteti MIT dhe ish studentët e tij, të cilët startuan në firmat elektronike përgjatë rrugës 128, jashtë Bostonit. Çdo vend mund të jetë qytet kolegj, nëse ka së paku një institucion të edukimit të lartë. Por, nëse peshoni çdo person që vijon kolegjet lokale me numrin e viteve për të fituar diplomë të lartë të ofruar (të cilat janë të asocuara me regjistrimet në art, vlerësohen me dy, regjistrimet me diploma bachellor me katër, regjistrimet master me 6 dhe regjistrimet per doktoratë me nëntë), ngri- hen me nje shtrirje gamë të numrave. Vendet si Kolegjet “Station-Bryan”, “Texas”, “Iova”; “Lawrence”, “Kan”; dhe “Ko- lumbia”, Mo., kanë dalë shumë lart sipas kritereve të përcaktuara Alas, ende është në garë qyteti Ames nga “Iowa” (Iowa State Univerzity), me kolegjin Station- Bryan (Texas A&M), me Lawrence (Universiteti i Kanzasit) dhe me Colum- bia (Universiteti i Missourit). Duhet pra shumë cilësi, për të fituar dekoratë në këtë larmi të arsimimit të lartë.
5. Opcionet e Kolegjeve
Koleksionimi i zonave urbane të insti- tucioneve të arsimit të lartë duhet t’i plotësojë nevojat e një numri të madh të banorëve: me kosto të ulët të natës dhe vijim të kurseve gjatë funjavëve për ata që punojnë me orar të plotë në profe- sione, kurse që vijohen për certifikata të punës në kolegje dyvjeçare dhe ato tradicionale “bachelor” dhe në “curriculum”, që ofrohen në kolegje dhe universitete. Vendet me rangim të lartë: një, dy dhe tre për nga madhësia janë: “New York”, “Chicago”, dhe “Los Angeles”. Duke ko- mbinuar të gjitha këto kritere, japin rangimin e “top” vendeve të Amerikës në arsimimin e fëmijëve – të prira nga “Washington DC-Arlington”, VA, dhe ndjekur shumë afër nga “Madison”, Wis., dhe “Cambridge-Newton-Framingham”, Mass..
1...803804805...1,779Faqja 804 nga 1,779