Aurel Dasareti, ekspert i shkencave psikologjike-ushtarake, SHBA
Është për t’u habitur dhe mahnitëse se sa energjike bëhen partitë e korruptuara politike (kriminelët mes tyre) kur papritmas kërcejnë si gjelat dhe duan të vallëzojnë kur një parti e re i shkel në gishtat e këmbëve.
Minjtë ose parazitët e tyre mund të transmetojnë disa sëmundje shumë të rënda. Vlerësohet se këta minj kanë kontribuar në përhapjen e dhjetëra sëmundjeve siç është murtaja. Disa nga speciet kanë pasur një domethënie të madhe për njerëzimin, si kafshë jashtëzakonisht të dobishme në kërkimet mjekësore. Në rastin tonë si eksperiment kur bëhet fjalë për çmendurinë e kokëmishëve. Po ku ka çmenduri më të madhe kur nga të gjitha anët sulmohet një nga zonjat më të respektuara që ka pasur populli shqiptar, babai hero i së cilës u masakrua nga tradhtarë?! Pse e sulmojnë në vend që me aktivitetin atdhedashës dhe dobiprurës të saj të jenë krenarë?!
Që ajo (Donika) është krenare për rrënjët e saj na bën edhe më shumë krenarë për të! Nëse babai i saj i ndjerë do të jetonte, do të ishte shumë i lumtur me atë që vajza e tij ka arritur.
Donika Jusuf Gërvalla, Ministre e Punëve të Jashtme të Kosovës
Ne jemi me fat që e kemi në qeverisjen e shtetit më të ri të Evropës bijën e madhe të shqiptarisë. Dhe, ajo përhap shpresë reale mes njerëzve që dëshirojnë një Kosovë ndryshe. Donika, ti krenaria e kombit, nderit dhe gjakut tonë pellazg-ilir, ke mbështetjen e të gjithë shqiptarëve të ndershëm – të trojeve dhe diasporës.
PS: Isha në një vizitë të shkurtër në Shqipëri, u ktheva disa orë më parë, kjo letër është shkruar në shpejtësi.
Aurel Dasareti
