Gëzim Muçolli
___
Kryeministër Kurti i qeverisë së Kosovës dhe kryesindikalist Jashari i mësimdhënësve të Republikës së Kosovës,
me ndjenjën e qytetarit të Republikës ju ftoj të merrni seriozisht obligimet që rrjedhin nga pozitat tuaja të përgjegjësisë.
Ka kaluar koha e inateve dhe betejave të humbura. Ka kaluar epoka e legjendave ballkanase të heronjëve të kohërave të absurdit.
Një gjë dihet: Nxënësit duhet të shkojnë në shkollë!
Mësimdhënesot kanë të drejtë të kenë rritjen e kërkuar të rrogës.
Prindërit kanë të drejtë të kenë fëmijë të arsimuar e të edukuar mirë nga shkolla shtetërore.
Kryeministër i dashur shikimi krejt dhe drejt vetëm përpara nuk shkurtohet nëse iu jepen 100 euro më shumë mësuesve, arsimtarëve e profesorëve.
Unë mendoj dhe propozoj që ju z.kryeministër ta bëni një kërcim kualiteti nga pozitat e deritanishme dhe të propozoni që në katër vitet e ardhshme mësimdhënësit të marrin nga 150 euro shtesë për çdo muaj!
Edhe ju kryesindikalisti i arsimit, z.Jashari ju propozoj ta ndërpreni grevën menjëhere dhe ti ftoni nxënësit, prindërit dhe mësimdhënësit që nesër me 19 shtator ti çojnë nxënësit te dera e shkollës!
Le të jetë kjo greva e fundit me kërkesa sociale e me prapavijë politike në sintoni me grupe që donin ta lenin Republikën e Kosovës pa qeveri në shtator.
Shkolla këto dy javë u pa se ishte e okupuar: nga jashtë!
Z. Albin Kurti dhe z.Rrahman Jashari, jeni në gjendje ta kuptoni faktin se koha nuk po pret?!
Merreni guximin dhe përgjegjësinë, bini dakord dhe nesër nëse e keni kuptuar rolin tuaj do të ishte mirë që së bashku në një shkollë të Prishtinës, psh në Shkollën fillore “Zenel Hajdini” t’ua mbani orën e parë të mësimit nxënësve të klasës së parë.
Kështu ata do ta mbanin në mend tërë jetën se çka është dashuria për dijen, shkollën dhe kombin!
Mos u vononi z. Kryeministër dhe z. Kryesindikalist.!
Morali i këtij propozimi është se në rast se qeveria do t’ua rriste rrogën për 150 euro mësuesve e profesorave, ministria dhe sindikatat e arsimit duhet të fillojnë menjëhere betejën e re për arsim kombëtar kualitativ ku nxënesi kosovar do të ishte kompetitiv me nxënësit e shteteve të Bashkimit Europjan e nga shkolla do të largoheshin përjetë ata mësimdhënës të paaftë që nuk e kanë vendin në shkollë!
Nesër është ditë e re, shkollë e re!
