Të shtunën më 26 nëntor 2022, në Prishtinë do të vendosen fotot e Heronjve të LPK-së Jusuf e Bardhosh Gërvallës dhe Kadri Zekës

Veteranë të çmuar të LËVIZJES dhe të Luftës Çlirimtare të UÇK – së! Bashkombës të dashur shqiptarë!

Të shtunën, më 26 nëntor 2022, në orën 12, në prag të Kryedatës së kombit shqiptar, 28 Nëntorit të lavdisë dhe krenarisë shqiptare, do të zbulohet – afishohet fotografia e përmasave të mëdha (6 × 4 m) e Heronjve të LËVIZJES: Jusufit, Kadriut dhe Bardhoshit. Fotografia do të vendoset në qendër të Prishtinës shqiptare (afër Teatrit).

Po më 26 nëntor (të njëjtën ditë), në orën 13 do të bëhet zbulimi i Pllakës përkujtimore në shtëpinë ku ka jetuar, vepruar, organizuar dhe drejtuar veprimtarinë patriotike të LPK – së dhe UÇK – së gjatë viteve 1991 – ’97 Heroi Kombëtar, XhAVIT HAZIRI.