Ahmet Asani, aktivist i çështjes kombëtare, Zvicër
_____
▪︎ Nê fakt është shteti i Serbisë ai i cili është kundër marrëveshjes për themelimin e bashkësisë së komunave me shumicë serbe në Kosovë, bashkësi kjo statuti i së cilës, sipas Marrëveshjes së Brukselit, patjetër që duhet të jetë në përputhje të plotë me ligjet dhe Kushtetutën e Republikës së Kosovës!
▪︎ Mendoj që qeveria aktuale duhet të filloj debatin e premtuar publik, nëpër gjitha komunat ku jetojnë serbë etnik, shqiptarë etnik dhe qytetarë tjerë të etnive të ndryshme, t’ju shpjegoj atyre gjendjen reale, sepse vetem duke debatuar mund të vihet në vlerësime e përfundime të drejta e njerëzore!
▪︎ Logjikisht që debati mund të bëhet vetëm me ata që mendojnê se problemet zgjidhen me dialog, e jo me ata që mendojnë se problemet zgjidhen me dhunë! Serbët e komunave veriore duhet ta kuptojnë se asnjë problem nuk mund të zgjidhet me barikada e bllokada, e as me bojkotim të sistemit dhe enteve shtetërore të Kosovës!
▪︎ Shqiptarët si popull shumicë i Kosovës ndër shekuj kanë qenë dhe janë kundër çdo dhune ndaj çdo etnie në Kosovë! Pavarësisht faktit që shteti serb për gati një shekull, kishte ndërtuar një frymë të urrejtjes e gjenocidit me ligje diskriminuese ndaj shqiptarëve, jemi dëshmitarë që në shtetin demokratik e properëndimor të Kosoves, nuk ka dhe nuk do të ketë frymë të urrejtjes e hakmarrjes, e as ligje diskriminuese ndaj qytetarëve kosovarë të etnisë serbe!
