Ahmet Dakli – Eqrem Bej Vlora
Nga Aurenc Bebja*, Francë – 2 Dhjetor 2023
“Stamboul” ka botuar, të martën e 30 shtatorit 1913, në ballinë, apelin e Eqrem Bej Vlorës, Hairedin Dibrës dhe Ahmet Daklit ndaj kombeve të qytetëruara për të shpëtuar asokohe shqiptarët nga serbët dhe grekët, të cilin, Aurenc Bebja, nëpërmjet blogut të tij “Dars (Klos), Mat – Albania”, e ka sjellë për publikun shqiptar :
Një apel nga shqiptarët
Burimi : gallica.bnf.fr / Bibliothèque nationale de France
Vlorë, 29 shtator.
Disa fisnikë shqiptarë, duke përfshirë Eqrem bej Vlorën, Hairedin Dibrën dhe Ahmet Daklin, në emër të njerëzimit, u kanë drejtuar një apel kombeve të qytetëruara duke u kërkuar atyre që të ndërhyjnë pranë Fuqive të Mëdha, që të mos lejojnë që popullsia shqiptare të asgjësohet nga serbët dhe grekët.
Veprat çnjerëzore, thuhet në apel, të kryera nga ata që duan të shfarosin shqiptarët, i kanë acaruar këta të fundit dhe i kanë detyruar që për t’i shpëtuar vuajtjes së tyre të tmerrshme, të kërkojnë vdekjen çlirimtare në fushën e betejës. — (A.C.)
- Aurenc Bebja, Francë. Blogu © Dars (Klos), Mat – Albania,https://www.darsiani.com/la-gazette/stamboul-1913-apeli-i-eqrem-bej-vlores-hairedin-dibres-dhe-ahmet-daklit-ndaj-kombeve-te-qyteteruara-per-te-shpetuar-shqiptaret-nga-serbet-dhe-greket/.
