Nga: Xhafer Leci, Gjermani
___
* Forcat e Armatosura të Republikës së Kosovës u themluen nga institucionet legjitime të Kosovës, më 28 Nëntor 1990
___
Dokument nga arkivi im privat- Sipas disa drejtuesve të LPK-së, del se UÇK u themelue disaherë, disa thonë më 1993, disa të tjerë më 1994 e 1997…! E vërteta është se Forcat e Armatosura të Republikës së Kosovës u themluen nga instucionet legjitime të Kosovës,më 28 Nëntor 1990.
Ndërsa më 1991, (shih dokumentin). Në vitin 1989 Kosova definitivisht u nda nga Beogradi. Shqiptarët i hodhën librezat e LKJ, dhe themeluan LDK-në, forcen më të madhe organizative, në vend dhe jashtë vendit, që mbanë mend ndonjëherë historia jonë, cila e mbante gjallë popullin shqiptarë, pas largimit nga puna të mbi 200 000 mijë punëtorëve shqiptarë të pafajshëm.
Në dokumentin orgjinal si e shihni, Aktivi i LDK-së në Kirchheim/Teck të Gjermanisë, cilin e drejtoja unë në cilësinë e kryetarit, bashkë me stafin drejtues, Qemajl Morina, Mejdi Laçaj, Hasan Dance dhe Gani Avdyli,me daten 29.9.1991 kemi grumbulluar 51 770 DM, me moton: “TA NDIHMOJMË KOSOVEN PËR VETMBROJTJE.”
Këto të holla siç e shihni në dokument i kanë pranuar, Hazir Krasniqi, Sekretar i Degës së LDK-së për Gjermani, Shaban Bobaj, Kryetar i Nëndegës së LDK-së për Baden-Württemberg dhe Nezir Fejzaj, antarë i kryesisë. Dihet se atëherë dy grupe të rinjësh stëvtinin-ushtronin në Shqipëri,sipas marrëveshjes sekrete të arritur në mes dy presidentëve, të Kosovës, Dr.Ibrahim Rugova dhe, Shqipnisë, Ramiz Alia. Për këtë takim kanë punuar vëllazërit, botues të gazetës “Bota sot” Xhevdet e Xhevat Mazrekaj . Me ndërmjetësimin e Xhevatit, është arritur marrëveshja në Tiranë, në vilën e Rita Markos.Rita ka qenë një luftëtar i LDB-re dhe funksionar i lartë i Partisë së Punës,(Dhunës)
( Korçë 1920-Tiranë 2018)
Udhëhqeqësit e këtyre dy grupeve atëherë ishin, tash Heronj të Kosovës, Adem Jashari, Sali Çekaj dhe Zahir Pajaziti,kryeudhëheqës i tyre ishte, juristi Sali Çekaj. Shumëkush
e dimë se organizime kolektive për VETMBROJTJE, nga Mërgata jonë ka pasur nepër disa qytete të Perëndimt, dhe të Kosovës…
Lavdi dhe nderim të përjetshëm heronjve dhe dëshmorëve të të gjitha periudhave historike të trojeve tona të Shqipnisë Etnike.
Pushofshin në paqe!
