Foto nga Xhamia “Mati 1”, ku vërehet qartë keqpërdorimi i fëmijëve për agjendën panislamike, megjithëse Kosova në bazë të Kushtetutës është shtet laik dhe neutral ndaj feve. Asnjë reagim i institucioneve shtetërore për keqpërdorimin e tillë të fëmijëve e sidomos asnjë reagim i MASHT të Republikës së Kosovës .
Nga: Basri Beka
Kur në pushtet vijnë njerëz që nuk e kuptojnë rëndësinë e laicitetit, ndodhin veprime të papergjegjëshme.
Kosova është shtet laik, siç parashikohet në Nenin 8 të Kushtetutës, dhe si e tillë, duhet të mbrojë qytetarët e saj nga ndërhyrjet religjioze, jo t’i promovojë ato. Në një shtet laik, është e rëndësishme të ruhet ndarja e qartë mes fesë dhe shtetit për të garantuar barazinë dhe respektimin e të gjitha besimeve dhe mosbesimeve.
Këndimi i thirrjes islame “Azanit” në një koncert që pretendon të promovojë paqen, është një veprim që jo vetëm bie ndesh me parimet kushtetuese të laicitetit, por edhe mund të shkaktojë ndasi dhe tensione në një shoqëri që është e shumëllojshme në aspektin fetar. Organizimi i një koncerti në emër të paqes duhet të synojë bashkimin e njerëzve pavarësisht prejardhjes së tyre fetare apo kulturore.
Përfshirja e elementeve fetare në një ngjarje publike të tillë është një veprim që rrezikon të përjashtojë ose të ofendojë ata që nuk ndajnë të njëjtin besim.
Në vend që të krijojë një hapësirë të përbashkët për të gjithë qytetarët, një veprim i tillë mund të thellojë ndarjet dhe të promovojë një axhendë fetare në një kontekst ku ajo nuk është e përshtatshme. Është thelbësore që udhëheqësit tanë të respektojnë parimet e shtetit laik dhe të sigurojnë që aktivitetet publike të jenë gjithëpërfshirëse dhe të mos promovojnë asnjë fe të veçantë.
Kjo është mënyra e vetme për të garantuar një shoqëri të drejtë dhe të barabartë, ku të gjithë qytetarët ndihen të respektuar dhe të përfaqësuar.
Vetëm në këtë mënyrë mund të ndërtojmë një shoqëri të vërtetë paqësore dhe të bashkuar.
Udhëheqësit tanë po i ruajnë karriget e tyre, e jo njerëzit e saj. Vlerat e shtetit të Republikës së Kosovës laik nëpërkëmbin nga hoxhallarët në kuader të moszbatimit të Kushtetutës, ashtu manipulojnë me fëmijët, me ndjenjat njerëzore, me identitetin kombëtar. Aq më keq kur askush nuk reagon nga organet e rendit, dhe kur nuk reagon do të thotë qe po pajtohesh me këtë të keqe qe i ka ra shqiptarëve kudo në trojet e veta etnike.