Prandaj, ju votues të dashur, zgjedhni kujt dëshironi t’i besoni udhëheqjen e këtij vendi. Janë vetëm dy alternativa: Albin Kurti dhe Lista Guxo ose tradhtarët.
Kuptoni, o ju votues të dashur, se kushdo që fiton zgjedhjet, për të zhbllokuar negociatat dhe për të çuar përpara marrëveshjet, i duhen mbi 70% të votave tuaja. Për shembull, nëse dëshironi që LDK dhe PDK të fitojnë, atyre u duhen 70% të votave tuaja për t’ia çuar në vend amanetin e Rankoviçit dhe për të zbatuar marrëveshjen mes Putinit dhe Thaçit. Këto tradhti shekullore do të mbesin në histori si njolla të pashlyeshme dhe do të kujtohen brez pas brezi, duke mos u harruar kurrë.
Nga ana tjetër, edhe Albin Kurtit dhe Lista Guxo i duhen 70% të votave për të nxjerrë Kosovën nga humbjet kolosale që ia kanë shkaktuar tradhtarët dhe partitë e përmendura më lart. Nëse dëshironi t’i ndaloni marrëveshjet dhe tradhtitë e dy partive, LDK dhe PDK, Kurtit i duhen këto vota për të sjellë ndryshime të mëdha: në drejtësi, prokurori, arsim, sindikata dhe shëndetësi, si dhe për të larguar hajdutët që kanë vjedhur pasurinë e qytetarëve dhe për t’i futur ata në burg.
Kuptoni, o qytetarë, se zgjedhjet e 9 shkurtit duhet të jenë vendimtare për ta ndalur tradhtinë e nënshkruar nga dy partitë PDK dhe LDK, që synojnë të kthehen në pushtet dhe të vazhdojnë aty ku kanë mbetur.
Eksterritoret për manastiret tashmë janë kryer. Po ashtu, është kryer edhe falja e 8,226 hektarëve tokë Malit të Zi dhe afro 3,000 hektarë tokë Maqedonisë. Tani kanë mbetur pa u jetësuar ‘Zajednica’ me kompetenca ekzekutive, apo e ashtuquajtura Republika Serbe e Veriut, e nënshkruar nga Thaçi dhe Mustafa dhe e ratifikuar nga deputetët e dy partive, LDK dhe PDK.
Po ashtu, ende nuk është përfunduar ndarja e Kosovës, që po përgatitet nën emrin e kamufluar “korrigjim kufijsh,” një marrëveshje mes Putinit dhe Thaçit.
Sipas marrëveshjes, Republika Serbe e Veriut veçse është e kryer. Megjithatë, ndarja e Kosovës është ende në tavolinën e bisedimeve dhe, si çdo marrëveshje ndërkombëtare, do të duhet të përfundojë herët a vonë. Në rast ndarjeje, 6 komunat serbe (të quajtura ‘Zajednica’) në jug të Kosovës do të mbeten të lidhura me Republikën Serbe të Veriut, sipas marrëveshjes ekzistuese.
Për të realizuar këto tradhti, LDK dhe PDK kanë nevojë për 70% të votave. Por, nëse dëshironi të mbështesni ndryshimin dhe t’i jepni Kosovës një drejtim të ri, atëherë votoni për Albin Kurtin dhe Listën Guxo e cila po kërkon po ashtu 70% të votave për të pasur mundësinë të ndërpresë këto tradhti dhe të sjellë drejtësi e zhvillim për vendin.
Po sa ta lexojnë disa zuzarë, do të thonë: “Ky u bë me Kurtin.” Unë nuk jam bërë me Kurtin, as kurrë nuk do të jem, por kjo është arsyeja pse ju gjithmonë do të humbni.
