Bekim Blaku
Poezi
ATDHEUT
Për Ty, i shtrenjti Atdhe
Unë jam i vogël,
Edhe po desha
Skenderbe nuk mund të bëhem,
Të vesh parzmore
Dhe, shpatën lart ta ngre,
Me plot dashuri,
Në varg
Mburojë do bëhem prore
Për Ty, i shtrenjti Atdhe
Sa e sa herë kaluan
Si nëpër grykë të oxhakut
Fjalët e mia
Derisa mbërrijtën në letrën
E recikluar gri,
Për ju për të shkëlqyer, pastaj,
Si lule zambaku,
Në piedestal duke ju ngritur
Kosovë e Shqipëri.
Besianë, Nëntor 2024
