Nga: Luan – Asllan Dibrani, Gjermani
___
Z. Albin Kurti, po ju shkruaj si qytetar që deri dje kam qenë me ju. Por , sot , më duhet ta them me zë të lartë: po më vendosni në provë. Dje, më 9 prill 2025, e pamë publikisht praninë tuaj, krah për krah me Kryemyftiun e Bashkësisë Islame të Kosovës, Naim Tërnava, dhe me kreun e Bashkësisë Islame të Bosnje-Hercegovinës, Husein Kavazoviq.
Në letër – mund të tingëllojë si takim formal institucional. Por, në praktikë, për ne si komb, ky është një sinjal i rëndësishëm, dhe për fat të keq – shqetësues. Shqiptarët nuk janë popull artificial dhe i brisht me identitet fetar. Shqiptarët janë komb i përbashkët dhe i formuar , që i kanë mbijetuar pushtimeve, ndarjeve, përçarjeve, falë vlerave tona laike, përfshirëse dhe kombëtare.
Dhe ju e dini mirë këtë, sepse në të kaluarën keni qenë zëri i ashpër i kësaj fryme.
Por sot?
Sot po shfaqeni krah figurave të diskutuara të islamit politik në rajon, duke e dëmtuar identitetin kombëtar shqiptar parasëgjithash por edhe duke na paraqitur si “dele të zezë” para botës, që i ka tejkaluar e harruar qyshkur përkatësitë identitare fetare dhe që fenë/fetë i konsiderojnë “fëmijëni njerëzore”!
Zotëri Kryeministër…, jen duke e shndërruar skenën publike të një qeverie demokratike dhe laike në një arenë simbolike a fushëbetejë tragjike e të kobshme, që e shtyn Kosovën drejt një imazhi të rrezikshëm për të ardhmen e saj në Europë, duke e paraqitur dalngadal si vend teokratik.
A nuk je duke i dëgjuar kundërtshtimet e një populli të tërë që secilën ditë janë duke e ngritë zërin kundër islamizimit të programuar të kombit për interesat e huaja antishqiptare?
A nuk je duke dëgjuar dhe parë se sa me ngulm e vendosmëri po kundërshtohet xhamizimi i vendit dhe secili investim i huaj religjioz, që mbarë një popull po i konsideron investime për qëllime të huaja me synimin e qartë krijimin e një “populli tjetër”, të bazuar në fenë islame?!…
Dhe ky nuk është vetëm perceptim – është pasojë e një ngujimi dhe ikjeje nga realiteti. Kjo thënie nuk është thjesht hiperbolë. Është alarm, është një thirrje tejet shqetësuese!
Sepse, ndërkohë që minoritetet fetare e etnike në Kosovë po përdorin hapësirën institucionale për të përhapur agjendat e tyre, ju – z. Kryeministër – po heshtni, ose edhe më keq, po bëheni pjesë e këtij normalizimi. Sikurse janë komunat njëetnike në Kosovën multietnike! Kjo nuk është vetëm çështje imazhi. Është çështje e drejtimit të shtetit. Dhe kjo vlen për të gjithë shqiptarët – jo vetëm në Kosovë.
Prandaj, me keqardhje por edhe me vendosmëri, ju them: Mos e përdhosni frymën e shtetformimit tonë. Mos e humbni besimin e atyre që besuan tek ju si lider i së majtës moderne dhe kombëtare.
Largohuni sa më shpejt dhe qartë nga instrumentalizimi fetar.
Monumentet madhështore të ortodoksisë në Kosovë, me tapi iu dhanë Serbisë, ndërsa xhamizimin e vendit po e bënë Turqia neoosmane, me qëllimin e krijimit të “njeriut të ri arnaut”, atij me ndëgjegje myslimane, që nuk mendon për vetën por për “fatin e islamit në botë”, për “fatin e HAMAS-it” dhe të palestinezëve në Lindjen e Mesme, apo të Ujgurëve në Kinë.
Njejt sikurse që “me tapi” edhe KOASH-i është nën ndikimin e përkujdesjen e shtetit të Turqisë.
Kryeministër…, vallë a e dini se ai që ti ndërton e meremeton objektet e kultit nuk i meremeton e ndërton për ty, por për vetën e vet…?!
Po vazhduat kështu, Zotëri Kryeministër Albin Kurti, nuk do t’ju rrëzojë opozita, por do t’ju rrëzojë populli që nuk pranon të kthehet mbrapa në histori duke u vetlënduar me “fajin turk”, si dikur…!
Çështjet fetare në hapësirat shqiptare janë të lidhura ngushtë me sigurinë tonë kombëtare. Prandaj ruajtja e vlerave kombëtare fetare të shqiptarëve është nji obligim i shqiptarëve kudo që ndodhen, në Shqipëri, Kosovë, Maqedoni, Malin e Zi, në Luginën e Preshevës dhe Çamëri si dhe në diasporë
*
LMH
Kjo thënje jo e saktë !
Znj Arta!
Ku janë gabimet në këtë thënie?
Pse nuk jepni thënien e saktë?
*
IMH