Nga: Lirim Gashi , shkrimtar nga Prishtina
“Kur partitë e majta socialdemokrate nuk e forcojnë paktin solidar ndërmjet popullit dhe shtetit, nuk e ngrisin cilësinë e arsimit, shëndetësisë, edukatës, kulturës dhe nuk e zvogëlojnë dallimin social ndërmjet shtresave, ndërsa kur partitë e djathta nuk e mbrojnë dhe shtojnë kapitalin privat dhe shtetëror dhe nuk krijojnë kushte për investime dhe rritje të punësimit, atëherë rolin primar e marrin partitë e qendrës që përbëhen nga njerëzit më të ndershëm, ditur, kredibil dhe kompetent, të cilët janë urë lidhëse ndërmjet djathtizmit dhe majtizmit paqësor ( jo atij ekstrem). Dhe pikërisht këtë rol do ta luaj Forca e Diaspores në politikën kosovare dhe shqiptare. Sepse përveç që do të jet urë që lidh trupin dhe mendjen e diasporës me zemrën e popullit në atdhe, do të jet edhe urë që i lidh idetë më inovative të mundshme në atdhe me kapitalin e diasporës, pa të cilin zbatimi i tyre në praksë do të ishte i pamundur. Sepse kështu ndodh në Perëndim, respektivisht në fabrikën e demokracisë, kulturës politike dhe mirëqenies ku jeton Diaspora jonë. Dhe meqë pjesa më e madhe e popullit tonë jeton jashtë atdheut, jo nga dëshira por nga mungesa e perspektivës në atdhe, atëherë synimi i mërgimtarve tanë është i pastruar nga llumi moral dhe lakmia egoiste. Sepse mërgimtaret tanë janë njerëz të realizuar materialisht, por të zbrazur shpirtërisht nga malli për atdhe. Prandaj synimet e tyre janë 100% të mira, të mbara dhe të sinqerta, sepse ata e kanë vetëm një dëshirë : që ta shohim popullin, shtetin dhe atdheun e tyre në gjendje sa më të mirë. Prandaj po që se politika jonë arrinë t’i bind mërgimtarët që do sinqerisht shtet dhe atdhe të prosperuar, do të mjaftojnë investimet e tyre monetare, materiale dhe mendore, për ta ngritur Kosovën në një nivel zhvillimor, për të cilin do t’ia kishin lakmi të gjitha shtetet fqinje. Mirëpo partitë tona politike janë “çorba-buqkurush”, të cilave nuk u bjen në fije askush, prandaj konkurrojnë në tregun politik, me planprogram pseudo patriotik, që nuk ka vlerë as sa një kikirik. E edhe më saktësisht janë balona heliumi, që shoqërinë dhe shtetin tonë e zbrazin nga vlerat cilësore, njësoj siç është i zbrazur nga oksigjeni vakuumi. Kështu që mos u habitni që ngjajnë në njëra tjetrën si vezët në vezë, sepse e kanë po të njëjtën gjenezë. Thjesht janë të krijuara nga i njëjti brum, prandaj prodhojnë vetëm vakuum. Pikërisht për këtë arsye apeloj tek populli qe të mos ia fusë sërish gjum, dhe as të mos kërkojë oksigjen në vakuum”, por ta përkrah Forcën e Diasporës, e cila e ka potencialin për t’u shndërruar në lokomotiven më të fuqishme të cilën e ka pasur ndonjëherë ky shtet i ri. Sepse Forca Diasporës është në njëfarë mënyre edhe femiu i William Walker-it, mikut më të dashur të këtij populli dhe shteti pa kurajën e të cilit bota kurrë nuk do ta kishte kuptuar se çka po ndodh në Kosovë në vitet 1998-99.
