Disa po kërkojnë fakte për postimin tem të maparshëm rreth Blushit. Unë e vuna vegëzën në komente të artikullit tem të vitit 1996 të botuem në gazetën “Rilindja” në dy vazhdime. E kam postu edhe ma parë e nuk desha me e postu prapë. Por, mbasi ka kërkesa, po e qes këtu për ata që nuk e kanë lexu.
Gjatë qëndrimit tem në Tiranë në vitin 1996 vuna re se në gazetën ma të madhe në atë kohë “Koha jonë” kishte artikuj që kanalizonin propagandën serbe. Në fillim mendova se ishte rastësi. Tue e pa se kjo po vazhdonte me ditë, unë për një muej – nga 15 korriku deri me 15 gusht 1996 – kam analizu çdo numër të gazetës dhe erdha në përfundimin se kjo nuk ishte rastësi por plan i qartë i një propagande antishqiptare dhe anti-UÇK.
Më dolën të veçantë në zellin e tyne tre persona: Ben Blushi, kryeredaktor, Vladimir Prela, gazetar, dhe Frrok Çupi, gazetar. Se ata nuk ishin kurrfarë gazetarësh u dëshmu që pas ngjarjeve të vitit 1997, bash këta tre lanë gazetarinë. Ben Blushi u ba zavendësministër i Punëve të Jashtme të Shqipnisë, Vladimir Prela zadhanës i qeverisë, ndërsa Frrok Çupi, drejtor i ATSh-së. Duhet me u ba një studim i veçantë për rolin e gazetës “Koha jonë” në propagandën rreth skemave piramidale që sollën shkatërrimin e Shqipnisë. Reklamat për këto skema piramidale, artikujt mashtrues dhe mosbotimi i artikujve kritikë tregonin se edhe ky ka qenë një plan paraprak i menduem mirë prej qarqeve antishqiptare. Në atë kohë u fol për një “donacion” të çuditshëm që kishte marrë “Koha jonë” nga Çekia, por që dyshohej se kishte qenë realisht fond i ardhun nga Serbia. Këto duhet të hetohen e të studiohen me kujdes në të ardhshmen.
Për botimin e këtij artikulli më duhet me falënderu mikun tem të çmuem, tash të ndjemin, Ramadan Musliu, i cili në atë kohë ishte kryeredaktor i gazetës “Rilindja” që shtypej në Tiranë. Pa guximin dhe vendosmëninë e e tij, ky artikull nuk do të botohej kurrë. Dritë pastë shpirti i tij atdhetar!
Dhe kur e mendon, kanë kalu rrafsh 30 vjet që propaganda e Serbisë nga qarqe të caktueme në Tiranë nuk ndalet. Kjo na shtyn që edhe ne të mos ndalemi.
Hapni sytë o popull, mos bini pre e propagandës së këtillë. Miliardat e Serbisë dhe të anmiqve të tjerë të shqiptarëve po derdhen çdo ditë për me kriju jo vetëm hutesë në opinionin publik, por me shkaktu edhe konflikte ndërshqiptare.
Blushi për hatër të antiislamizmit bëhet një çikë antishqiptar,Prela thellë në vetvete ndjehej boshnjak,kurse noc rroku,më fal noc frroku dihet…