BRUKSELI NË FOKUS: ZBATIMI I MARRËVESHJES SË OHRIT DHE FATI I TË ZHDUKURVE – DY TEMAT QË SERBIA PO TENTON T’I SABOTOJNË
___
Takimi i fundit në Bruksel, i zhvilluar në kuadër të dialogut Kosovë–Serbi, vuri në qendër të diskutimit dy çështje thelbësore për të ardhmen e shtetit të Kosovës.
Në takim morën pjesë përfaqësuesi i BE-së, z. Peter Sorensen, kryenegociatori i Kosovës, z. Besnik Bislimi, dhe përfaqësuesi i Serbisë, z. Petar Petkoviq.
Temat kryesore që u trajtuan në Bruksel ishin:
1. Zbatimi i Marrëveshjes së Ohrit
2. Çështja e personave të zhdukur
“Përderisa Serbia i ikën përgjegjësisë për mijëra shqiptarë të zhdukur, opozita dhe disa analistë po e paraqesin Marrëveshjen e Ohrit si të dëmshme – kur në fakt ajo garanton integritetin territorial dhe normalizimin e marrëdhënieve. Ky nuk është rikthim në Serbi, por shtrati i konsolidimit të shtetit të Kosovës.”
Pjesëmarrës në takim ishin përfaqësuesi i BE-së, z. Peter Sorensen, kryenegociatori i Kosovës, z. Besnik Bislimi, dhe përfaqësuesi i Serbisë, z. Petar Petkoviq.
1. Ja si lexohet zbatimi i Marrëveshjes së Ohrit
Marrëveshja e Ohrit, për ata që dinë ta lexojnë me kujdes dhe pa paragjykime, tregon se kemi dy shtete të cilat, mbi bazën e parimeve ndërkombëtare, lidhin marrëveshje për ndërtimin e marrëdhënieve normale.
Pa njohje eksplicite të njëra-tjetrës, palët njohin integritetin territorial dhe sovranitetin e ndërsjellë, pranojnë supremacinë kushtetuese të njëra-tjetrës dhe përcaktojnë mënyrën se si do të ndërtojnë marrëdhënie të mira bilaterale.
Kjo nuk është marrëveshje për rikthimin e Kosovës në Serbi, siç po pretendojnë disa politikanë dhe analistë, por një kornizë për normalizimin e marrëdhënieve. Deklaratat që shtrembërojnë këtë fakt janë të pabaza.
Pyetja që shtrohet sot është:
Sulmet që i bëhen kësaj marrëveshjeje nga opozita dhe disa analistë, që përpiqen ta barazojnë me marrëveshjet e dëmshme të 2013–2015, janë të pabaza dhe synojnë më shumë përfitime politike sesa interesin kombëtar.
Çështja e të zhdukurve – Serbia vazhdon të ikë nga përgjegjësia
Tema e personave të zhdukur është plagë e hapur për shoqërinë kosovare. Serbia, në vend që të bashkëpunojë për zbardhjen e fatit të mbi 1.600 të zhdukurve, ka vazhduar t’i shmanget kësaj çështjeje.
Janë dokumentuar raste kur trupat e shqiptarëve të pafajshëm janë gjetur në varreza masive në Serbi, në vende ku janë hedhur mbeturina ose janë djegur në miniera për të humbur gjurmët. Refuzimi i Serbisë për t’u përballur me këtë të kaluar është jo vetëm bllokim i procesit të dialogut, por edhe fyerje për familjet që ende presin drejtësi.
Përkushtimi i Kosovës ndaj dialogut
Qeveria e Kosovës ka mbajtur qëndrim të qartë: dialogu nuk është vetëm procedurë teknike, por mjet për të arritur paqe të qëndrueshme dhe siguri në rajon. Kjo nënkupton zbatim të plotë të Marrëveshjes së Ohrit dhe trajtim serioz të çështjes së personave të zhdukur.
Çdo përpjekje e opozitës për ta delegjitimuar këtë proces, apo e Serbisë për ta sabotuar, është në dëm të qytetarëve të Kosovës. Përkundrazi, ky është momenti për unitet, për të kërkuar me ngulm drejtësi për viktimat dhe për të siguruar zbatimin e marrëveshjeve që forcojnë shtetin.
Për më shumë, dëgjoni analizën e Ilir Dedës.
Shih videon:
