Shqiptar Shaljani, Shalë e Bajgorës, Mitrovicë
____
* Kur Paniku Neootoman Maskohet si Akademi: Rasti i Milazim Krasniqit
Deklarata e fundit e Milazim Krasniqit — e bërë publike në një video ku ai shfaqet dukshëm i shqetësuar, me ton predikues dhe me një retorikë që anon nga alarmizmi fetar — është një shembull i pastër i asaj çfarë ndodh kur një propagandist i ideologjisë neootomane përpiqet të flasë në emër të kombit shqiptar.
Ky nuk ishte qëndrim akademik.
As analizë shkencore.
As debat historik.
Ishte panik i kulluar ideologjik, i veshur me petkun e profesoratit.
1. Të flasësh “në emër të shqiptarëve” është abuzim i pastër identitar
Në video, Krasniqi merr guximin t’i përmbyllë të gjitha thirrjet për kthim në identitetin e të parëve me formulime infantile të tipit:
“Shqiptarët nuk duan kthim.”
“Shqiptarët nuk e pranojnë.”
“Shqiptarët nuk ndjekin këta njerëz.”
Jo, z. Krasniqi.
Shqiptarët nuk ju kanë dhënë juve autorizim kombëtar.
Shqiptarët nuk janë turmë e manovrueshme që pret interpretimet tuaja për historinë, fenë dhe identitetin.
Shqiptarët janë komb etnikisht i lashtë, më i vjetër se islamizimi, më i vjetër se pushtimet, më i vjetër se çdo ideologji që tenton t’i qepet trupit të këtij kombi për ta mbajtur peng.
Dhe sot shqiptarët kërkojnë një gjë të thjeshtë: të kthehen te vetvetja pa lejen e askujt.
2. Spanja nuk është shembulli juaj, është mashtrimi juaj.
Krasniqi përpiqet ta lidhë thirrjen për kthim kulturor dhe shpirtëror te rrënjët shqiptare me Spanjën e inkuizicionit.
Ky krahasim është fyerje për inteligjencën e çdo njeriu.
Çfarë lidhje ka Spanja mesjetare me kërkesën e shqiptarëve për të diskutuar haptas identitetin e tyre para epokës osmane?
Asgjë.
Përveç nevojës suaj për të mbjellë frikë, viktimizim dhe legjitimim të narativave të një islami të politizuar që trembet nga historia reale e këtij kombi.
Ky lloj krahasimi është abuzim akademik, një përpjekje për të kriminalizuar rikthimin e shqiptarëve te rrënjët e tyre, duke e bërë të duket si “persekutim”.
Por kush po persekuton kë?
Kush po detyron kë?
Askush.
Kërkimi për identitet nuk është dhunë.
Duke e quajtur atë “rrezik”, ju jeni duke shpikur një luftë imagjinare për të ruajtur dominimin kulturor të një ideologjie të importuar.
3. Hoxhë Tahsini nuk është “shenjtor i islamit politik”
Në retorikën e Krasniqit, Hoxhë Tahsini shfaqet si figura qendrore e mendimit shqiptar, sikur ai të ketë qenë “stema” e kombit.
Por ky mit është i fabrikuar.
Po, Tahsini ishte dijetar shqiptar.
Po, ka dhënë kontribut në arsimin e Rilindjes.
Por jo, z. Krasniqi — ai nuk është themeli i identitetit shqiptar.
As nuk është figura nga e cila shqiptarët duhet të marrin orientim fetar.
Përdorimi obsesiv i emrit të tij është përpjekje për t’i dhënë islamit të sotëm politik një legjitimitet historik që nuk e ka pasur kurrë.
Tahsinët e Rilindjes ishin intelektualë evropianë, jo propagandistë të ideologjive sotme lindore.
4. Etiketimi i shqiptarëve si “vagabondë” është shenjë frike
Në momentin që një profesor i shpall kundërshtarët e tij “vagabondë”, “shëtitës”, “rrezik”, ai ka mbaruar punë me argumentin.
Nuk është më akademik.
Nuk është më profesor.
Është thjesht një hoxhë i alarmuar që i ka ikur monopoli.
Këto etiketime tregojnë një frikë të thellë nga:
debatet iluministe,
rikthimi te identiteti etnik,
kërkimi për rrënjë paraosmane,
vetëdijësimi i shqiptarëve.
Nuk është rastësi që sa herë përmendet fjala “kthim”, z. Krasniqi humb kontrollin.
Sepse këto lëvizje dëmtojnë të vetmen gjë që mbron: narrativën e islamit politik si identitet kombëtar, një narrativë që historia shqiptare nuk e njeh.
5. Evropa nuk është avokati i dogmës , por i lirisë.
Krasniqi ankohet pse “Evropa nuk po reagon” ndaj thirrjeve globale, se gjoja duhet të mbrohet “feja nga iluministët shqiptarë”.
Por Evropa nuk është misionar i askujt.
Evropa nuk mbron dogma, as kërcënime morale.
Evropa mbron:
pluralizmin,
mendimin e lirë,
lirinë e ndërgjegjes,
e drejtën e çdo kombi për të diskutuar identitetin e vet.
Kërkesa që BE të ndërhyjë për të mbrojtur ndjeshmëritë e islamit politik është qesharake dhe e padenjë për një mendimtar serioz.
Evropa ka boll probleme — nuk ka nevojë të merret me mitet tuaja.
Fjala e fundit
Z. Krasniqi,
Shqiptarët nuk do t’i frikësoni me fantazma të Spanjës,
as me mite të Tahsinit,
as me akuza ndaj iluministëve,
as me viktimizim të islamit politik.
Shqiptarët janë popull i lashtë, me identitet të rrënjosur thellë — shumë më thellë se çdo pushtim pesëshekullor dhe shumë më thellë se çdo ideologji që sot përpiqet të paraqitet si “zëri i kombit”.
Dhe sot një gjë është e qartë:
Shqiptarët po kthehen te vetja.
Jo përkundër fesë, por përkundër atyre që duan ta përdorin fenë si instrument kundër tyre.
Nëse kjo ju tremb, problemi është i juaji.
Tungjatjeta Shqiptar Shaljani alias Ahmet Musa!
Mendimi – Vlerësimi yt për një prof. dr. akademik:
“Nuk është më akademik.
Nuk është më profesor.
Është thjesht një hoxhë i alarmuar që i ka ikur monopoli.”
…
1. Për të vlerësuar dikë duhet të posedosj NIVEL ME TË LARTË të asrsimimit: ose se paku të njejtin nivel!
2. Mendimet janë tri llojesh:
1). i yti,
2). i imi, dhe
3) i DUHURI
TË MENÇURIT E ZGJEDHIN TË TRETIN,
Ti Ahemt je i radhitur në 1).
3. Në qoftë se prof.dr. Akademik Milazimi – sipas teje. është një HOXHË, atëherë NUK DO TË MBETET pa punë sepse në Kosovë janë MBI 900 XHAMIA në të cilat mbajnë HYTBE – ligjërojnë hoxhallarë me TITULL mr. dr. etj.
*
4. A po e sheh edhe ti se NUK TË KA DHËNË ASKUSH KOMENT, dmth. NUK TA KA VLERËSUAR SHKRIMIN!?
Ty të duhet KOHE, VITE E VITË TA ARRIJSH TITULLIN QË KA Milazim Krasniqi.
ISLAMI ASHT MORRI I SHOQNISË SHQIPTARE.
Askush deri me sot nuk e shpjegoi me mire se Ismail Kadare karakterin e neootomanisteve shqiptarë:
“Nga shqiptarë te sunduar u gdhinë ne myslimanë te çlirur.”
Eshte e kote qe ne te tjeret te mundohemi te shkruajme per kete specje te antishqiptareve.
Juve:
1. Paul, dhe
2. Albert (e jo albert)
Asnjëri nga ju nuk e keni thënë (shkruar) ASNJË FJALË për prof. dr. -Akademik Milazim Krasniqi, as që ju keni drejtuar me komentet e juaja Shkrimit të Shqiptar Shaljani alias Ahmet Musa.
ENDE NUK E KENI MËSUAR KËTÊ RREGULL SE KOMENTI I DREJTOHET AUTORIT TË SHKRIMIT!?
*
1. Paul, ty të paskan ra ndonjëherë MORRAT dhe po e ditke shka asht morri. Unë s’i kam provuar morrat.
2. Albert d(e jo albert) fjalie e Kadaresë NUK ËSHTË E QËLLUAR!
***
SQARIM: Ahmet Musa është KONVERTUAR nga muslimani në të krishter – katolik dhe don te¨ndertoj kishë në fshatin e tij.
Sa për mua, ajo kishë vetëm sa do të hijeshonte vendin në atë fshat, i cili thuaja se është i BOSHATISUR.
Për ndertimin e kishës kërkohet LEJENDERTIM, të cilin Ahmet Musa duhet te merr në Komunë ku është i rregjustruar me emrim e vërtetë Ahmet Musa, e jo Shqiptar Shaljani!