Afrim Musliu, Suedi
___
Riosmanizimi sistematik e psikologjik i trojeve shqiptare si dhe instalimi i islamit politik në katër faza i kryer nga organizata turke TIKA:
1. Gjatë 20 viteve duke ofruar falas mijëra seriale turke të gjitha televizioneve shqiptare, të cilat këto i transmetojnë nga disa herë në ditë 7 ditët e javës, me qëllim që t’iu imponojnë shqiptarëve edhe gjuhën, edhe stilin e jetës turke, si dhe stilin e jetës simbas rregullave islame;
2. Ndërtimi i mbi 1000 xhamiave të reja në Kosovë, e poashtu me qindra edhe në trojet shqiptare në Maqedoni, e sigurisht hiç më pak as në Shqipëri, të cilat përmes altoparlanteve, deshte-s’deshte, patjetër ta imponojnë islamin;
3. Rrjetet sociale, portalet e shumta islamiste, si dhe kanalet e shumta televizive islame në grupin e kanaleve shqip si dhe transmetimet e shumta e të ditëpërditshme nëpër televizionet lokale, me qëllim të shpërlarjes totale të trurit dhe indoktrinimit të islamit radikal tek shqiptarët, i cili ka arritur tek shqiptarët deri në atë shkallë saqë sot plotë shqiptarë janë në gjendje edhe të vrasin nē emër të islamit e të Turqisë;
4. Investimi dhe financimi në forca të reja politike me orientim fetar e pro-turk, me qëllim që të na prishin me aleatët perëndimorë, e posaqërisht me ShBA-të, të cilët edhe janë gardierët dhe aleatët kryesorë të shtetit të Kosovës dhe interesave nacionale shqiptare në përgjithësi.
Organizata TIKA së fundi ka financuar një projekt për ndërtimin e një muri rrethues të varrezave të vjetra në Prizren. E pas investimit, kjo organizatë shtetërore e Turqisë që operon në Kosovë (Administrata Ndërkombëtare për Bashkëpunim dhe Zhvillim Turke (TIKA) ), ka vendosur një tabelë në të cilën varrezave u referohet si “Varrezat e Osmanlinjve”.
